「Mizunara」隱蔽於灣仔一幢商廈內，店名原來取自日本橡樹品種「水楢」，市面上所謂有日本風格o既威士忌就係用上「水楢」所製o既木桶釀製而成。由於「水楢」比起歐美o既橡木少，物以罕為貴，加上含水量高，較易爆裂，故製成「水楢木桶」成本極高，所提煉出黎o既威士忌價格亦相對地貴。
佔用面積全層o既酒吧門面只有一個厚厚o既隔音木門及銀紅o既招牌，傳出圖書館氣息o既同時，又直接道出與木有關o既題材。
直入左手邊圍繞著酒吧大約有九個高櫈吧位。
另加二至六人散枱五張，厚墊皮櫈極之舒適。
幸得蒲慣o既表妹為小派對預先訂座，個個有早冇遲先可以有位坐，因為XO仔留意到十點半後全店滿座，好多walk-in客都要另覓地方。
既然店主選用如此矜貴o既「水楢」作吧名，仲要標明自己擁有「圖書館」級收藏喎，牆邊o既陳列架上當然係要曬出琳瑯滿目o既名酒佳釀啦！據悉，大部份都係以「水楢木桶」陳年出黎o既威士忌，堅過石堅！
不過最意外就係落地玻璃窗外有個和式襌修小園，勁襯個日本「水楢」及日本威水主題。圍住水池o既地面舖滿石仔，兩角則擺出室外座，明顯係為煙民而設。
厚厚o既皮套酒牌共有十四頁之多，其中首頁及尾頁為店子聯絡資料及收費簡介，講明酒吧六點開門，九時後入座最低消費為$400/位，另設加一服務費。
接著嗰頁先推介三套精選試飲威士忌套裝。
另加一頁季節性特製雞尾酒。
及一頁每款同為$150/杯o既重點推介。
跟住嗰四頁就列出多款經典及比賽級雞尾酒。
之後兩頁全為日本威水項目。
飲品最後兩頁為來自其他國家o既威士忌款式。
小食都有一頁八款可選。
兩位大哥哥同為威水客，因極少嚐到日本威士忌，頭輪即點咗個「Japanese Rare Whiskey Set」，$520包咗三杯均為15ml之特選稀有日本威士忌。
單睇佢倆面前個陣都覺得夠哂震撼！
第二輪佢地再試多味「Nikka Miyagikyo Single Malt」（$185）。
表妹就點咗兩杯果味香濃，清新怡人o既「Japanese “Hyuganatsu” Orange Gimlet」（$220）同「Old Fashioned Cocktail」（$160）。
影片
