MoMo Café

營業中

休息中

香港萬怡酒店推陳出新將舊有的MoMo Café來了一個大變身，上星期到酒店欣賞餐廳煥然一新的面貌！由壁畫藝術師精雕細琢出一幅富有老西環風情的壁畫，絕對令餐廳有動起來的活力感相當匹配！ 而在不經意的位置還放滿西環舊日的照片，但又能讓大家經意地欣賞得到！踏入自助餐區是充滿活力的開放式廚房，一系列美味熱食就於此新鮮熱辣炮製！ 先有兩款是日靚湯，豬骨湯及龍蝦湯，隨之而來是養眼的紅燒乳鴿、香脆可口的脆皮德國豬手、網蝦春卷和明爐燒味都有呢！ 不過最吸睛莫過於即製燒烤區，內有深海鱸魚、有骨香草雞肶、安格斯牛扒、羊鞍扒及我最冧的豬鞍扒可選，全部即叫即燒香氣四溢精彩不已！最尾位置更有燒烤排骨是香濃惹味之選。 到中央兩張長檯則放滿頭盤、前菜及小菜，款式也夠豐富啊~先有小匙內的是荔枝蟹肉芥末蛋黃醬，這造型精緻又企理！而現在沙律有燻鴨胸肉青豆菠蘿核桃沙律、希臘沙律、艾門塔爾芝士火腿、南瓜沙律、雞絲粉皮、粟米沙律，款式不少而且通通味道清新絕不重口味！另外還有煙三文魚及多款Cold Cut供應著！ 熱葷有美味清蒸海上鮮、蘆筍蟹肉蛋白炒飯、香辣炒蓮藕、烤雞胸肉配蘑菇汁、烤龍脷柳蟹子香檳忌廉汁、炒蒜辣椒龍

知否世事常變，變幻原是永恆～ 自從港鐵通車後，西環一帶近年有著翻天覆地的巨變，型格有水準的餐廳林林總總，外藉人士由中環西移，消費力也瞬間提高。 面對一連串的轉變，該區的酒店亦嚴陣以待，如萬怡酒店的Mo Mo Cafe，最近亦來個大變身，以全新面貌示人。 剛重開的Mo Mo Cafe，設計時尚左，地方光猛左，環境舒服左。筆者最喜歡還是那特色牆，將西環區的色彩呈現出來。 嘢食唔算超級豐富，但四舊有找，信用卡仲有折既價位下，絕對收貨有餘。沙律煙三文Cold Cut與凍海鮮等基本食品是有。個人偏好蟹腳，各式Cold Cut和芝士似乎比沙律菜好，各式菜蔬似乎比較淡口。 熱食做得幾好，龍蝦肉質爽彈，味道鮮甜，即使放涼了也好吃。其後見佢有refill，嗱嗱聲出去再取幾件回來跟大家分享，趁熱食的確好吃十倍，以自助餐去計，是難得的水準，不要錯過。 一直瞄住燒乳鴿，即出即拿，肉嫩有汁，俱不錯。其他的熱葷也比想像中好，蒸魚沒有嚡烚烚，燒排骨同樣鬆化。 廚師走出來搭訕 (問客人意見就真!)，並推介賣相毫無起眼的炒蓮藕，爽脆帶辣勁，果然非常可口。 見有燒味，叉燒是半肥瘦，但我寧可多吃伴燒鴨。 燒烤專區是我最欣賞

最近食了ㄧ次几抵的lunch buffet,百几蚊就有交易,真係ㄧ个平日和朋友聚聚的不錯地方,地方雖不算靓，勝在空間夠,有些梳化位,希望遲些装修後會更舒適。至于食物方面,款式不算多,但感覺良好,味道亦不錯,有中式点心、麵檔、ㄧ些基本熟食和甜品,我最喜歡它的沙律吧,有多款沙律配料任你配搭,仲有我至爱嘅Moverpick雪糕𠻹,侍應態度良好,整體比我早几个月前食过改進了不少,期待夜晚的buffet,稍後會試ㄧ試,希望有驚喜

這次是我近三個月來第五次光顧晚間自助餐（23/6，19/5，9/5，7/5，4/4/2018）今次非常失望.😞😔1）首先是某些日式刺身及壽司沒有供應；鮑魚片、泰式蝦刺身沒有了，劍魚壽司、油金魚壽司沒有了，三文魚刺身及吞拿魚刺身看來不新鮮.2）凍海鮮：長腳蟹不新鮮，剪開後出水及肉質發霉，有些卻很咸.3）炸物：軟殼蟹沒有了，改為麵包糠焗青口，又乾又冇味，味道很難吃.4）龍蝦尾，千篇一律泰式醬炒，沒有新意，size細少，雖然不停現場煮，仍然等了很久才有得吃，排隊人龍很長.5）咖喱雞，但沒有白飯或餡餅跟食.6）即煮越式肥牛湯檬，煮得過熟，也沒有其他肉類或蔬菜選擇，很單調！7）羊架，也沒有供應了！8）甜品：仍然只得三款，細小及不好吃.9）生果：仍只得兩款；西瓜及紅提子，紅提子不新鮮.10）蔬菜：只有西蘭花，三個月未改過，老人家吃不下，太硬了！11）空調：冷氣不足，開了獨立冷風機仍然很熱12）服務：收碟很慢，服務員沒有笑容，員工更替比較多.可取的地方1）有紅酒白酒啤酒供應2）Movenpick有六款雪糕供應但缺少topping.例如沒有朱古力、糖類相伴3)鹹豬手；外脆內軟認可口.

很多熱食物經常空了廚房部都不願加，烧鹅乾晒皮只净一两件亦不加，除一位女廚師態度好外，其他厨師像黑口黑面，客人排隊等待龍蝦廚師煮了二十幾分鈡也不加，待客人走開他就加在碟内，好像戲弄食客的態度，雪糕也有很多空盒，凍蜆很多碎殼，有碎雪，烧牛肉外層非常硬像太大温度燒，泰式生蝦很梅，食物種類亦非常少，總知貴酒店請了這個總廚真的不幸，怪不得晚飯時間也剩很多空枱，樓面侍應服務還算ok,經常很快轉走枱上的食完汚碟。冷氣不夠冷。

臨急臨忙搵地方慶祝父親節🤔，點知上網一搵就搵到呢間，仲可以預訂到，又有特價優惠，父親節有特價既自助餐😍😍，更係試下啦，唔執輸，都預左唔一定好架啦😪。點知食完之後，都未係好差喎🤤，雖然食物種類唔算多，連至愛既生蠔都無，但都感覺良好，服務都唔錯，最重要係最後既雪糕，成為全晚既亮點，雪糕既選擇竟然有成六種，哈哈🤪🤪，魚生都係得四款既同時，已經好好。如果普普通通想食餐平平地既自助餐，都算唔錯既。不過，鍾意食甜品🍰🍮🍨既朋友就唔駛考慮啦！因為呢度只係🍦一樣出色

Openrice上面睇到做緊50%off優惠，其實個價錢都唔算係平果隻，我心裡諗住係Marriott集團，應該差極都有個普，平時食開金鐘果間都算ok，一上到餐廳見到擺食物嘅地方細到無倫，再睇埋啲嘢食~嘩~乜嘢嚟架？品種小數量小出完一round要等好耐先再出，重要全部平嘢，今次主打係龍蝦，點知每人每次限攞3粒(係3粒)，但每次只煮兩隻，派完又要再等20分鐘，做乜鬼嘢龍蝦主題呀！都算，但最最最重要係今次老人家生日諗住切下蛋糕啦，竟然夠膽死一個蛋糕都冇，我咁大個仔食咁多次buffet都未見過有餐廳係冇蛋糕食，就連元朗果間西宮都好佢好多倍，真係食過嘅就可一不可再，未去過嘅就不可一不可再。

見佢Openrice book 枱有半價所以去試下...當晚係龍蝦 + 紅白酒任飲先講野食，拎左啲刺身，款式係幾多，有三文魚，吞拿魚，甜蝦，八爪魚，北寄貝。甜蝦未溶雪先拎出來，係隻碗度玩緊浮潛， 八爪魚有陣腥味， 北寄貝可能有dry aged 過，呑拿魚應該舉開鐡，好多筋。如果平時鍾意食香口膠既朋友一定會鍾意食呢度啲燒牛肉。每一啖咬到三十秒以上，然後吐左佢。其他中規中矩。主打既龍蝦仔，係唔同張相咁半隻咁上，係連殼切碎，好似想整龍蝦丸，但係斬左幾秒發覺唔記得除殼咁，再用秘製辣汁炒熟去腥咁上。任飲既紅白酒好難入口，適合各位戒酒人仕。 成晚最好食係甜品區入面既movenpick 雪糕

呢日放工，女朋友突然間話想食自助餐。睇app就發現屋企附近有間酒店有discount。折咗三百幾蚊位唔係好貴就走去試吓啦。西環萬宜酒店入面嘅MoMo Cafe，自助餐來講選擇其實都唔係太多。沙律吧比較多菜選擇，魚生就得三文魚吞拿魚同八爪魚三款。切魚生嘅師傅都唔係真係壽司師傅， 似係求其搵啲同事攝位切住先。其餘都有甜蝦同泰式生蝦等俾你自己嘅夾。冷盤海鮮有青口、中蝦、阿拉斯加雪花蟹腳、同埋蜆。雖然唔算特別新鮮， 不過冇雪味就過得去啦。食自助餐常見嘅燒牛肉佢都有嘅，寫住燒肉眼，原先都唔係好大舊， 我就嫌佢燒得有啲太熟，𡁻落有啲攰。不過都要睇部位，第二舊就可以嘅。熱盤最好食都係個德國燒豬手，算係燒得唔錯嘅，夠香口，膠質嘅位都仲保留到。其餘仲有龍蝦， 不過就辣嘅， 同埋切得有啲太細舊，熟咗之後就冇乜肉食。女友就覺得個豬頸肉都唔錯，我就覺得係一般料啦。至於咖喱佢就剩係有個黃咖喱豬肉，係咪hea咗啲？另外佢仲有個泰式牛肉湯粉嘅，如果唔係特別想食澱粉質的話，我就覺得唔試都得啦。甜品方面選擇唔算多，不過雪糕就有靚牌子。佢仲有部自助hot cake機，今個掣等1分鐘細細塊嘅hot cake自己走出嚟，在場

一家人去食Buffet，弟團購了萬怡酒店晚上自助餐，5人優惠價$1438，都幾抵食呀，thank~~~~!訂了5位在西環萬怡酒店的MoMo Cafe，星期日，6:30-9:30。 餐廳內堂面積寬敞，設計有點似中式，燈光昏暗，有relax之感呀。 即睇有咩食。 頭盤及沙律。 冷盤:海鮮，有凍蝦、青口蜆及雪蟹腳。 日式:有雜錦壽司及雜錦刺身。 熱盤，不少中式小菜。 即席烹調之地，賣點是原個帕瑪森芝士整意粉。 甜品，比較少款，賣點是即製班戟。 必留肚食Movenpick雪糕。 飲杯菠蘿汁先。 先食冷盤，青口、蜆及雪蟹腳。 雪蟹腳算多肉，但味道偏鹹。 再食刺身，要了三文魚、蝦、，尚算新鮮。 燒牛肉，口感柔軟，幾好味呀。 龍蝦尾，冇乜肉。 辣酒煮花螺，不太辣，味道幾好。 豬肋排，好惹味呀。 太飽冇食到個帕瑪森芝士整意粉，聽講幾好味。 田園沙律，食左咁多肉，要食下菜。 甜品時間，要了意大利芝士餅、藍莓芝士餅及朱古力布朗尼，每款都是小小的一件，咁都好，可試多點款色，味道普通。 即製班戟，即試玩呀，小小的一件班戟，口感軟身，味道正常，雪糕，要了朱古力及士多啤梨呀。 再戰

午市沒有：海鮮、蠔、蝦、蟹腳、魚生、壽司、牛扒牛仔骨、芝士。食了：醋菜沙律、那沙麵、蛋糕、蜜瓜、Haagen Daz 。如想大吃大喝好嘢食，還是晚餐好，午市沒有什麼選擇。

原本諗住喺OpenRice睇下有咩火鍋好食，突然間彈咗個好似廣告嘅嘢出嚟，有得任飲紅白酒，任食龍蝦，仲有買一送一！好似好抵！所以click咗去睇吓，見到原來係限定優惠，只限今日4/21，雖然要過海去到西營盤，但其實都唔算太遠，一於訂座試吓啦！一去到見到環境唔算太差，地方唔大不過坐得都算舒服，唔迫！友人一枝箭咁去試紅白酒香檳，覺得白酒最好喎仲有蘋果汁，檸檬茶，咖啡可以自己沖，相當唔錯！即煎龍蝦件都幾吸引，香辣口味！但基本上全晚都要排隊等，因為一出就好快俾人夾晒，要等佢重新煮，每次都差唔多要等10分鐘 熟食方面唔算太多，我只係試咗桂花螃炒蜜豆，芝士海鮮意粉，普普通通啦。刺身有三文魚，八爪魚，吞拿魚係由酒店員工即時按你要求切，另外有甜蝦，虎蝦，北寄貝，鮑魚片係放出嚟自己夾，仲有幾款壽司，刺身都ok呀！除咗龍蝦，長腳蟹係意外驚喜！夠新鮮又鮮甜！我同友人起碼食咗20隻。。。6:30 食到 9:30，時間都好足夠！最後食埋 movenpick 雪糕！正呀星期六正價每人 $498 加一，用 OpenRice 優惠免一個正價收費，但都要比加一！最後兩個人係 $597.6！平均每人 $298.8，抵呀！

酒店午市自助餐以健康素食為主，有新鮮沙律吧，提供大量營養豐富的蔬菜，並且每款蔬菜旁邊設有營養簡介，列明蔬菜的各種功效。另有兩款蔬菜湯（中式：青紅蘿蔔湯、西式：蕃茄湯）將小餐包蘸著蕃茄濃湯吃，是我很喜歡的配搭。酒店另外設有點心區及粉麵區，款式不算多，因為始終不是主打。粉麵區：有不同素菜手工麵可供選擇，配料有芽菜、白菜、金菇、肥牛、牛丸、墨魚丸、魚腐、蕃茄、香腸⋯點心區：燒賣、牛肉、珍珠雞、叉燒包、奶皇包、馬拉糕甜品區：Movenpick 雪糕（共有5款口味：楓糖合桃雪糕、瑞士朱古力雪糕、意大利奶凍雪糕、士多啤梨雪糕、雲呢嗱雪糕）酒店自家製甜品共有4款及自助班㦸，由於實在太飽，所以未有品嚐。後記：使用了***go訂座有85折優惠，折實後$130/位

喺openrice訂左8:30，訂座優惠買1送1，但係去到時經理告知食到9:3O我地已經O咗嘴，得1個鐘食buffet 非常之趕。我建議要列明夜晚時段得1個鐘。刺身/即煮龍蝦尾確實ok，但其它食物可能因為臨收工關係得返好少，雞翼幾隻……雪糕差不多"筆"到見底，選擇極少，食物一眼睇哂，去到真係有d失望，野食都算啦，但得1個鐘食到趕頭趕命，我逢勸下次book嘅人要考慮清楚。吸取左教訓下次食buffet 真係唔好貪平，揀d質素好d。

今天是星期六兩人的自助晚餐＄600很抵吃 龍蝦早段要排隊 不過很好吃 很新鮮 紅白酒 啤酒 果汁任飲 刺身有虎蝦 甜蝦 北寄貝三文魚 八爪魚等 非常超值 黑松露菌飯味道有點淡不過都唔差 還有清烝石班魚 值得一試 非常超值！