MOS Burger (健威坊)

營業中

休息中

路過Mos Burger門口，見到艷光四射的「櫻花蝦海鮮珍珠堡」，煞是吸引！據說，這個珍珠堡是海外MOS Burger獨有的，於全港分店作期間限定發售，供應日期至3月下旬而矣！櫻花花期有限時，櫻花蝦海鮮珍珠堡也一樣，想品嚐櫻花蝦就要抓緊機會呀！小妹要了一客「櫻花蝦海鮮珍珠堡」$28，再配摩斯脆雞$23，轉凍檸茶（+$3），總共$54，絕不便宜的下午茶餐！凍檸茶入口不太甜，但茶香檸香俱欠奉，不是小妹杯茶！「櫻花蝦海鮮珍珠堡」以印有花圖案的紙包著，洋溢著花見和風的韻味。色澤如粉嫩櫻花的櫻花蝦，是日本人甚為喜愛的季節食材。MOS Burger使用大量的原隻櫻花蝦，混入招牌香甜軟糯珍珠米飯，配上以原隻蝦、魚塊、帆立貝、魷魚、洋蔥、紅蘿蔔和四季豆炸而成的海鮮天婦羅，再加上芝麻與鹽燒汁混製的秘製醬汁，以及清爽的椰菜絲，每一口都帶濃香鮮味，口感豐富，且惹味萬分，只稍嫌醬汁有點兒過鹹了。摩斯脆雞，外層漿粉炸得脆卜卜的，鹹香惹味，遠比上次灣仔分店為佳。只是，肉汁較少，且雞味淡薄。

上facebook見到Mia burger 推出期間限定的鰻魚珍珠堡！立刻去試試。鰻魚配上炒蛋，再灑上甜燒醬，口感豐富，珍珠飯代替麵包.好似食緊鰻魚飯團咁！真係好吃！可惜只作短期供應為了減輕罪惡感，以沙律代替薯條！生菜灑上芝麻醬,好清新呀

兩人到了Mos. 吃早餐, 好想飲栗米湯, 所以早餐到此。我們分別點了只有在堂食而沒有外賣的早餐B & C香腸的早餐B +滑蛋仍然好味, 但是數量少了。有香脆的多士及配菜, 一是沙拉菜, 用料是新鮮, 但是另一配菜由鮮蕃茄, 變了一堆酸汁栗米。 No good~ 早餐可以免費點栗米湯, 其他時間則要加錢。我最Like Mos. corn soup~ 因為有濃厚的忌廉湯底加上栗米蓉及少少胡椒粉, 令此栗米湯更滑和可口, 回味再回味。雞肉的早餐C, 兩個餐只是主食有別, 就是雞肉/香腸, 其他的配了相同。雞肉有用照燒汁燒過, 好多汁及肉質柔軟, 比較好味道。其實之前有來訪過, 現在數量差了, 滑蛋仍舊是滑, 配菜由鮮蕃茄, 變了一堆酸汁栗米。很明顯沒有以前之多及好, 也許食物的價格貴了, 可能是此早餐無加價的關係的源故。服務很好, 點了食物後, 取一號碼牌, 之後就有服務生有善地送到你的位置上, 貼心的服務, 值得一讚! 環境: 地點方便, 店舖直達健威坊商場, 店舖有不少位置, 一早上有不少老老少少一同吃早餐。

我對日式漢堡包店一向都非常佩服，因為佢款式多，而且好啱港人口味。Mos Burger 既特色係每期都會推出一款期間限定既漢堡包，每款都好特別，但當然唔係每款味道都非常出色。今期既野菌和牛漢堡一年半前曾經推出過，而家終於等到佢回歸。入面有一塊和牛，2片蕃薯，一片芝士同好多菇，每啖咬落去都有陣陣既牛油香味。塊和牛非常厚身，牛肉味香濃，咬落好juicy。蕃薯甜甜地巧妙地將成個包既味道提升去另一個層次。野菌量多而且平均分佈係個包度，每啖咬落去都好有滿足既感覺。由於味道已經非常芳香濃郁，所以並冇加任何醬汁。但係個包都有一個缺點，就係有好多油流出泥會整到2塊包濕哂，所以要快快食。另外佢既朱高力特飲亦不得不提，朱高力味香濃，口感軟滑好夠杰身。好野就當然要啲時間等，叫左2個包1個南瓜薯餅1杯特飮等左超過10分鐘。30蚊食到1個咁高水平既包實在係低食！

平時美式burger開到成巷成城, 日式burger就真係得mos burger呢一間。我覺得佢美式既食法, 再同日本人既態度融合起黎, 好特別, 又幾貼心。由於每個burger都係即叫即做, 為免客人站立係到等咁耐, 佢會比個數字牌你, 因間準備好個時就端上去你面前。貼心！咁既平價價錢有咁既服務真係抵！除左服務之外，野食既創新度都令人意外。南瓜漢堡係我之前未試過，仲諗住佢會唔會味道好淡，但反而又唔會！夾係包到既耶菜，沙律醬同炸南瓜既配搭又幾唔錯。食素既朋友又多個選擇。最近mos burger 仲新出左green tea latte!於是立即買一杯試飲，雖然冇話好好飲，但快餐店有埋green tea latte飲已經算係唔錯。mos burger 算係多食品選擇既一間快餐店！值得回頭再試：）

今日lunch無咩時間，去左諗住快速搞點就算。叫左個脆雞漢堡再加錢轉成一個餐。因為之前一向都係食開脆雞漢堡，我好鐘意食佢啲醬，但係唔知點解今次叫呢個入面冇咩醬，成個飽好乾，塊脆雞都好似好'鞋'，口感似豬排多啲lol。不過我另外個朋友食黑醋嗰款話ok，可能下次試下其他。

Since the "Mc Burger" issue, I haven't been eating any burgers recently.  Dropped by the MOS burger and ordered the fish fillet burger set.  I knew just eating the burger would hardly satisfy my apetite and so I had the fried chicken and fries as well.   Love the onions added into the fish burger though the dressing sauce is a bit more than enough.  MOS burger is definitely more expensive than Mc's burger set but worth the price.  The fish fillet is fresh and tasty and the bun itself is soft too

今日同爸爸搵晏仔食。。。唔知食咩好嘅情況下就入咗去mos burger爸爸叫咗個普普通通嘅漢堡餐，而我就叫咗個海鮮珍珠漢堡同試新岀嘅綠茶鮮奶。個飯堡就好好味，不過。。。杯綠茶就。。。好淡。。。無咩味。。。

MOS BURGER出品一向都唔錯,食物亦自我感覺健康一點,份量也少一點今次試黑醋雞包很多的生菜絲,外脆內軟的雞扒,也有不少肉汁,黑醋汁不嗆喉,但不夠酸,甜度高了一點扣了分整體上也有著不錯的水準只係食完有點肚餓,有時候食完MOS BURGER既餐,跟埋隻雞脾,都會唔夠飽

好耐未來過呢間食！今日下午茶時間來！無乜人！無人排隊，即刻可以點餐！見有個新款包！「海鮮大坂燒漢堡」（$26）再加$21升級做套餐，配沙律（芝麻醬）同粟米湯！呢度有樣好，點餐後比個號碼牌！然後坐低舒服慢慢等！得咗10分鐘！有個侍應取餐比我！個包即叫即做，新鮮熱辣，漢堡麵包不太大，但好多料！鍾意呢間餐廳嘅漢堡蔬菜比例較高！好似健康啲！蔬菜新鮮，熟雞蛋嫩身，唔會嚡！海鮮大坂燒外脆內軟！炸漿唔會好厚，食到有帶子、魷魚同蝦！啖啖有唔同口感，照燒汁唔會好多！剛剛好！成個漢堡味道好夾！（不過個飽不是太大，男仔可能唔夠飽）沙律菜新鮮！我揀咗芝麻醬，醬料同沙律分開，呢樣幾好！因為可以由我決定食幾多醬！粟米湯夠熱、夠滑、夠香濃！地方光猛 乾淨！坐位闊落！侍應好勤快！動作好爽，但又唔會令客人覺得煩！幾好！

是日午餐不知吃什麼好，經過MOS BURGER 門口見到有新野--三文魚漢堡 $26 和三文魚珍珠堡 $25 ，於是愛吃三交魚的我就進了去，因為不想食太飽的關，要了看似不太HEAVY 的漢堡其實當日已經是下午三點了，可是不知是人手不足還是其他原因，弄了很久才有食物吃，不過店員都很有禮貌說對不起個包熱烘烘，三文魚同番茄都係大大件，啖啖三文魚肉，無腥味，配埋滋味的沙律醬，真的很滿足啊

因為同事未食過Mos Burger早餐，陪佢一齊食，叫個G餐「火腿芝士漢堡早餐」配粟米湯，（$19）粟米湯依然好味，火腿芝士漢堡等咗5分鐘，不過無之前食過嘅魚柳包，腿蛋包咁好味道，只係OK，不過中間塊厚切蕃茄唔錯，好多汁同新鮮！

今日26／04／2013，再試第二款早餐，今日食魚柳包配粟米湯！（$22），魚柳即叫即炸，要等10分鐘，比麥X奴香脆，配料有芝士及沙律醬，熱辣辣，好味！粟米湯依然香滑，熱到辣咀！正！

今日24／04／2013，我因為未試過呢度嘅早餐，見個樣唔錯，叫咗個早餐E「火腿雞蛋漢堡餐」（$21），配粟米湯，可以買完先搵位坐低，五分鐘有侍應將餐點奉上，個包餡料足，蛋同火腿嘅尺碼都係超過個麵包，配埋一片生菜，幾健康，又飽肚，個粟米湯好香粟米味，又滑，最重要份早餐新鮮做，夠熱，個包用個三角袋包住，幾方便食，地方乾淨光猛，唯一唔好係無八達通收錢，只收現金！唔夠方便！

一直想試試Mos Burger的早餐，但屋企附近間分店無提供，終於公司附近呢間分店o係尋日(16/1)正式提供早餐，當然立即去試啦！餐牌選擇唔多，揀左個火腿雞蛋漢堡餐，穩陣之選買完野，見到有一檯auntie棟晒個牌等緊，已經心感不妙佢地全部叫多士餐，誰不知整幾塊多士竟然要七八分鐘結果我等左十分鐘先有得拎野食，作為一間快餐店，呢個時間肯定唔合格喇！雖然係咁，返到公司都好期待呢個早餐漢堡塊蛋如圖所示，厚度十足，對於鐘意食蛋既我黎講好正火腿就普普通通啦，夾左塊生菜，頓時「清新」不少，冇咁漏！其實個漢堡同burger king一款早餐包好似，但我鐘意mos呢隻包多D！另外杯咖啡係典型日式咖啡，味濃亦有炭燒風味，唔錯！如果齋計食物質素，我肯定俾個好評，可惜等候時間實在太慢，無奈比個中評！奉勸各位唔趕時間先好黎幫襯，唔係遲到自負！