NeNe Chicken (東港城) (已結業)

今晚好肚餓，又凍凍哋，一於去喪食炸雞😚忌廉芝士炸雞伴泡菜炒飯 ($168) ，講真，個炒飯的確唔錯，炒得好入味，可惜份量太少，芝士炸雞就炸粉比較厚，可能因為啲雞粒本身體積細，所以比較難控制炸粉同雞肉嘅比例 (我估) 薯條只係普通料，$168嚟講，偏貴另外仲叫多咗個雙併炸雞，揀咗白群主拼蒜香醬油，但第一次時上錯咗第二款炸雞，向店員反映後，店員都好有禮貌同女迅速咁幫忙處理👍🏻味道方面，白群主個汁好特別，真係做到佢英文譯名中creamy嘅感覺，唔錯唔錯至於蒜香醬油，我超鍾意食蒜，以我嘅專業舌頭一試，呢個我覺得係合格有餘，但未算好好～味道唔夠香口

向東港城周圍搵下有咩好野食，行行下就不如試下呢間韓式炸雞，食野之前一定要提大家，呢間野個位置係收唔到信號，完全與外界隔絕一樣的, 大家要注意一下。講番食物先。入到呢度，緊係要試下韓式酸辣炸雞，酸既程度岩岩好，辣亦不會太辣，烤雞仍然是脆身，熱辣辣，是剛炸好的，正！而個杏片紫菜烤軟蟹飯卷 賣相一流，好靚，而味道我嫌佢啖口左D,冇韓式那麼重口味，似港式多D, 而炸軟蟹不是剛炸的，應該是炸了很久，呢度要扣分。總括來講，食炸雞可以來呢間，會滿足到你!如食其他野，就唔好抱咁大期望住了。

開咗間劉在錫做代言嘅韓式炸雞店，「NeNe Chicken」係韓國有過千間分店，之前勁多人排隊，宜家熱潮過左，宜家吾洗排隊，我同朋友3點幾lum住吃個Tea, 一於試下！見到個meun寫住夏日限定，我哋就叫左個summer set～～層層疊拼盤配芝士龍蝦通粉+黑松露蘑菇雞蛋卷＋兩杯沙冰。首先會有免費小食，仲要可以refill！！之後就上層層疊拼盤配芝士龍蝦通粉，一上枱而聞到濃濃嘅龍蝦香味，通粉上面炸物就有三款，大蝦、龍蝦鉗、雞柳，我中意吃個龍蝦鉗，比較多肉，熱辣辣好好味，個雞柳比較“鞋”，通粉都吾錯，不過慢慢吃，就覺得好飽，芝士有d滯。之後再上黑松露雞蛋卷伴隨住一大盤沙律，個蛋比較普通哦，無咩味，可以不試，同埋已經吃不下！反而飲品幾清新，石榴檸檬沙冰，味道不錯，酸酸甜甜好醒胃。另一杯是荔枝草莓沙冰，味道不太甜，好岩夏天飲！

平少好少去到將軍澳咁入食晚飯，原來都有好多野食！今次就決定食下係呢邊新開嘅nene chicken🐔而家夏天有個叫夏日限定嘅2人set，包左一個層層疊拼盤伴芝士龍蝦通心粉，黑松露蘑菇雞蛋卷同埋兩杯特飲。聽落好似好少野食咁，但原來每碟份量都好大，兩個人一定夠食！層層疊拼盤伴芝士龍蝦通心粉：Mac & cheese 黎講呢個一啲都唔會太漏/好飽滯，佢嘅芝士唔會太濃，但一樣好好味。拼盤入面有炸雞件同炸蝦，份量都好多下，如果唔介意冇得食其他特別調味嘅炸雞。其實叫呢個都好夠食，點下面嘅芝士都非常惹味👅黑松露蘑菇雞蛋卷：雞蛋卷夠鬆化，食落有點甜甜的，黑松露味亦好香！兩杯特飲分別係荔枝草莓沙冰同石榴檸檬沙冰，都幾大杯架！一個甜一個小小酸，兩個人share 都岩岩好👍🏻個人覺得荔枝草莓較好飲，就算係草莓都唔會有好假嘅藥水味🤣整體黎講兩個人食set都好夠飽，但如果想試下其他味嘅炸雞都推介大家散叫，因為佢都有好多其他調味可以揀😆

偶然想食炸雞， 還好就係屋企附近有間NeNe Chicken 同韓烤， 唔使跨區去食正宗炸雞。 適逢週末屋企冇煮飯，我哋就去食炸雞。 依间間唔中都有季節性限定嘅套餐。 今晚呢款係季節限定特式炸雞拼盤， 包括了兩款炸雞，小食，沙律，同兩杯飲品。 簡簡單單ok啦唔使諗咁多。店鋪裝修好fancy，年青有活力。飲品則選了梳打類。青提子梳打及藍莓梳打 味道不算太甜， 用咗電燈泡外型嘅飲品杯盛載， 夠曬型格。套餐嘅沙律非常大份， 爽脆嘅沙律菜， 配上酸酸地嘅自製沙律汁， 清新醒胃。 除了沙律菜仲有蕃茄，橄欖。 沙律主角係幾塊炸魚餅， 幾有特色， 味道唔錯， 煙煙靭靭。<< 炸雞內戰 >>季節限定特式炸雞拼盤 炸雞出場， 同餐牌圖畫一模一樣， 賣相顏色都討好， 亦貫徹韓菜大堆頭份量。可以選擇有骨或者無骨炸雞。 我哋揀咗有骨炸雞， 始終食炸雞唔係食雞塊， 有骨落地先至夠滋味。左邊嘅係咖哩炸雞， 表面嘅味粉相當惹味， 外皮炸得鬆脆， 熱辣辣。 估唔到裏面亦保留肉汁， 香口滋味。右邊紅噹噹 嘅係辣椒味炸雞， 估唔到都相當辛辣， 愈食愈刺激， 雞肉要保持 相當juicy，

叫左雙重滋味炸雞，揀左廚師炸雞同韓式甜辣炸雞兩款炸雞。廚師炸雞同韓式甜辣炸雞上面既汁顏色差唔多，但其實廚師炸雞食落去好辣需要飲野解辣。鐘意食辣一定要食呢個，味道唔錯，食到你噴火。但係我就比較鐘意食韓式甜辣炸雞，因為唔會太辣而且甜甜地。但係覺得炸粉比較多。

晚上想來個韓風 🇰🇷🇰🇷加上唔等位 又有卡位坐 就trytry叫左甜辣炸雞 半份$80芝士年榚拉麵 $98 追加炸魷魚$40等左陣來左個拉面先！呢個好正、佢個汁有小小spicy ，上面芝士加埋拉面好好味呀，炸魷魚上碟時 侍應姐姐好好咁會幫你剪好一舊舊 呢個有喜出望外既感覺，好快就食晒成碟了 !!之後上左個炸雞，呢個反而令我失望(因為鋪本身賣點係炸雞） 唔係人地熱上，只係暖暖地，好彩皮都算脆身！佢個甜辣汁比較gel 唔似人地滲入去d雞度、即是好似中式楊洲炒飯d汁咁 ，雞肉算有肉汁唔鞋、下次可能試返招牌炸雞會開心d.

Your staff is so rude. This will be the last time I eat here! I ordered something that will take 20 mins. And asked if everthing will come together because it comes with rice. If the rice comes first it will get cold, and your staff showed me an annoyed face. 3 minutes later she brought the rice, and I said the main dish takes 20 minutes and she said ‘so you don’t want your rice now?!’ in cantonese in a rude manner.

之前曾經在剛開張時買過外賣炸雞，但是當時無論味道、外觀及包裝都不得要領，成佰蚊的炸雞只係用紙袋盛載，炸雞亦較濕同淋身，再者侍應亦沒有禮貌同黑面。本來決定唔再比機會ｅ間店，咁啱屋企人想食炸雞又唔想去咁遠，就儘管再一試。今次叫嘅嘢其中包括初雪炸雞及芝士炒年糕伴拉麵。初雪炸雞味道好正，雞肉亦不太乾。而芝士炒年糕伴拉麵嘅醬汁亦幾好，好似我曾經食過嘅韓國地道店舖嘅部隊鍋。而店舖侍應可能巳換人所以禮貌亦有所改善。

新工作崗位很是忙碌，每天下班，肚子已經咕咕叫，今晚放工後立刻吃晚飯。坑口一帶的選擇很多，晚上6點多到達。餐廳裝潢很溫馨，燈光柔和，以紅磚為牆壁，配以木系桌椅，整體令人舒服。翻開餐牌，離不開炸雞，餐廳提供有骨雞和無骨雞，還可以選擇半份或全份。另外還有粉絲鍋、鐵板雞、炒飯等，主食的選擇很多呢！點餐後，店員送來兩小碗前菜，醃蘿蔔和沙律玉米，清新開胃。⭐️韓式手抓飯（吞拿魚）$88紫菜包飯的配菜有紅蘿蔔絲、青瓜粒、吞拿魚肉、玉米粒、蟹籽，米飯也預先調味。把配料跟沙律攪拌，搓成一顆球，再沾紫菜絲。把搓成球狀的紫菜包飯放在手心，仍有微熱。嚐一口，米飯的味道很夠，夾著蟹籽和清脆的青瓜粒，吃起來「霹靂巴拉」，吞拿魚肉配飯吃很熱惹味，不會寡淡，口感豐富。⭐️香蒜炸雞伴薯條（半份）$88點了一份無骨雞，吃起來沒有雞骨頭的礙口。麵衣薄脆，可以盡情享受香酥麵衣與雞肉，在口中撞擊的酥脆聲！雞肉的肉汁鎖在雞肉內，吃起來不乾柴，唯一可惜的是蒜味不明顯，口味比較淡。不得一提，薯條和薯片意外地好吃！薯條經過醃製，吃起來很入味。還有把薯仔切成薄片下鍋炸過以後，吃起來脆卜卜的，很過癮呢！▪️餐廳上菜迅速，不消句鐘時間已經把盤子上

之前係旺角食過nene chicken 覺得好好味！之後佢就黎左將軍澳開了！一定要去食下啦🤤佢嘅menu 都係同旺角嗰間差不多，以下係炸雞menu：今日有個夏日限定嘅set menu，所以我地就三個女仔嗌左呢個二人set，再加炸雞餐具好靚hahaSet dinner 嘅main course: 層層疊拼盤伴芝士龍蝦通心粉Mac & cheese 非常濃郁，又唔會溶埋一pat 野，口感不錯！拼盤入面原來有炸蝦同炸雞粒，如果唔想食太多炸雞的話淨叫呢個都夠的了。不過呢個都幾飽肚下，其實三個人叫都差不多～跟餐的荔枝草莓沙冰石榴檸檬沙冰好大杯！成隻手咁大。兩杯黎講荔枝草莓較啱我口味，聞落去好香荔枝味，唔算超甜，配下熱氣野食幾好。石榴檸檬唔係想像中咁酸，檸檬香味重過石榴～嗌左個半半炸雞～一半係香蒜，一半係初雪。上菜時非常熱辣辣，初雪其實係沾滿芝士粉，係咸咸甜甜嘅味，兩隻黎講我覺得初雪更特別同惹味🤤跟set 嘅黑松露蘑菇雞蛋卷估唔到係有伴菜的🤣雞蛋卷有點甜甜的，鬆鬆軟軟，都幾好味👍🏻最後我地仲叫左燒酒，摸下杯底🤣推介柚子燒酒🤩

星期三晚上經過 見到有炸雞放題有2個唔同價錢可以選擇一向好少幫襯韓國餐廳，都好少食炸雞不過就貪得意試下揀左$128 可以任食三款雞(自選)加左任飲汽水有個瘦既waitress, 服務態度好好，有咩問題都用心解答講下我地既選擇:1,韓式甜辣炸雞可能因為咁岩食左舊幹左柴既"雞?"/"炸粉?"，食落個感覺好似失敗左既咕嚕肉，或者超市有得賣一包包個d零食齋燒鵝。2, 初雪炸雞 第1次落order叫左2份，即係8件。太多芝士粉，反而麻麻。第2次落order叫1份，少d芝士粉就好食好多。雞好juice，d芝士粉有少少甜3,白郡主要雞最好食，有白色既汁加新鮮洋蔥，d洋蔥即刻中和左肥膩感。點完菜，每人有一碗仔菜沙律既。如果炸雞放題可以提供埋refill 沙律就好，始終狂食肉，都真係幾瘋狂

流心芝味豬扒飯🐖流心不是太流心，有點失望！豬排炸得非常鬆脆!略嫌沙律醬個味有啲怪🤨整體總括味道不過不失不要期望過高📈賣相相當不錯！仲有隻流心旦！反而呢一個碎芝士番茄意大利粉幾出色！🍝唔鍾意食太多肉嘅，呢個意粉非常之啱口味沒有肉類！但份量十足！🈵芝士夠哂多！🧀🧀🧀大人細路都啱食！🤤餐廳內夠晒舒適寬敞！服務員態度一般！被門口午餐餐牌吸引住！都好多芝士系列嘅嘢食！🧀🧀好多都賣哂啦！

舊年去韓國旅行既時候食過Nene chicken,估唔到而家竟然係東港城再見返！於是拿拿臨入去重溫下韓國滋味😆我地到既時候係晚市時間，餐廳已經有唔少客人但唔洗等位😆職員帶我地去左個卡位🤣仲有個夾俾你方便你夾啲炸雞！一坐低，職員好快就送上栗米同醃白蘿蔔，可以邊食邊睇menu～見到有晚市set同埋夏日限定既套餐，但我最想食既都係炸雞😆叫左半份既橘子蜜炸雞（無骨）🍗好快就上到～啱啱炸起既炸雞好脆口，啖啖肉，再配上帶住淡淡🍊味既蜜糖，啱曬我呢啲鍾意食甜野既人～另外仲叫左半份韓式甜辣炸雞（無骨），同韓國食到既味道一樣！外脆內軟，食落唔會好乾！每一塊炸雞都有滿滿嘅甜辣醬包住🤤🤤無骨炸雞食落真係好方便，連手套都唔洗戴，啱曬我呢啲懶人😋主食叫左個濟洲海鮮炒粉絲，同韓國食到既差唔多，而且份量好多！兩個人差啲食唔曬😂總結雖然200幾唔算平，但食到咁多唔同款既野食都唔錯下次要試下佢唔同味既韓式炸雞!

平時呢間野都多人食，但今日平日，時間又早，見冇乜人就決定去試下！😛今次嗌左個辣炒年糕伴拉麵，見佢個炸魷魚好似幾吸引，就加40蚊加配埋😜😜😜炸魷魚層炸粉好香脆，佢會擺係啲麵上面，唔會掂到啲醬汁，咁就唔會淋左👍🏽店員黎到會問洗唔洗幫我地剪埋👍🏽👍🏽👍🏽都幾正嫁😆😆年糕拉麵一路都係我最愛😋年糕好煙韌，拉麵亦有彈性同入味！！都辣辣地，唔食得辣既人可能要留意😛另外嗌左半份蒜香醬油炸雞，好香好入味！肉質好滑同好juicy😜😜😜😜😜環境好舒服，位置好闊落！我見佢有啲限定食品都幾吸引😜😜下次可以試下😋😋😋