Olbye

營業中

休息中

朋友生日聚會，雖然青衣城開了第2期，多了很多餐廳選擇，但要訂10人食飯真係唔容易！很多餐廳都會限時，有些又要人齊先可以入坐。最後，有朋友推薦我訂Olbye，我記起有次與友人食過下午茶，就係青衣城旁邊，近泳池旁邊！早一個星期訂位，都訂到位，而且地方寬躺，可以容納BB車，朋友帶BB黎都好適合。我地每人點一款晚餐，然後大家share食，可以試多幾款！這餐廳意粉煮得唔錯，卡邦尼煙肉意粉，芝士味好濃，好多汁。(不過如果一個人食曬成個就會好)全晚最好味，竟然這個是「豬」！睇睇餐牌原來是「西班牙豬鞍」，所以肉質真是比較鬆軟。點了兩份蒜香牛柳粒，$40來說，份量比較多，但肉質比較肕(煮得過熟)。我點了銀鱈魚，每人夾一口，很快就沒有了=.= 味道不算深刻，反而配菜的紫薯蓉做得唔錯！薯角炸得唔夠脆，但份量都算多。炸蠔青口意粉也唔錯，總整來說意粉的菜色水準比較平均，而且多汁！我們還點了「南瓜汁帆立貝雜菌意大利飯」，帆立貝味道唔錯，但意大利飯中心比較生，熟的時間唔夠。(忘了影相)晚餐選擇唔算多，下午茶或午飯比較抵食，但勝在地方大，適合一大班人聚會食飯，而且無限時間，又唔收切餅費用。

每個星期日定必當上「無飯」主婦，不想煮，不想洗～通常在家拖拖拉拉加上有兩個孩子的關係，每次出門需要一定時間，而大商場的餐廳九成要排隊……通常如果不想等，我們會呢間去青衣泳池側的餐廳快閃食，都食過10次以上了，勝在十次有十次都不用等，地方大，bb車不用收～如果不是要求好高的話，係好對得住個價錢的。今時今日五十蚊大大碟有找真係唔容易，特別推介$20 炸薯角，熱辣辣又大碟，超值，炸魷魚圈就略嫌炸粉太多，不過$30無要求啦～主菜方面通常都例牌大大塊豬扒飯/雞扒意粉/牛扒飯/咖哩牛肉飯/龍脷柳意粉等，全部食過了，不過不失，覺得個厚人切豬扒飯仲比連銷店的有誠意啲添！

喺青衣運動場做運動，見到有間餐廳好似幾抵，我就是試個黑椒西冷牛扒，個碟好大好似好正宗嘅西餐咁樣，味道都可以都係茶餐廳中上嘅水平，我老婆我要咗個厚切豬扒，只係個餐一係包湯一係就飲咖啡，2 course,所以比較平。

位於青衣泳池邊的Olbye西餐廳選擇不算多，但勝在便宜又幾寧静，有時想同朋友仔傾心事都選擇呢度。 雞扒意粉，大大舊，絕對大件抵食。平時飲開忌廉湯，好好飲，但今次的羅宋湯就差小小，似係罐頭湯。

今日忙裡偷閒，中午同同事去青衣泳池側既西餐廳食飯。其實之前都食過兩次。但因為上餐時間實在太慢，好耐都無去食。今日就比多次機會佢😌等位時已經想點定餐，點知老闆話上餐好快，三分鐘就得。入坐後，真係三分鐘就上左沙律，跟手又上埋主菜，真係要比個勁佢👍🏻今次點左厚切豬排跟意粉，好好食呀😋 豬排唔會太dry, 啲意粉軟硬適中。之前黎過食三文魚意粉，嗰時已經覺得尼度既意粉好好食。價錢真係好抵，買單都只係HKD55。一個主菜，另有沙律/餐湯/飲品三選一。今時今日，尼個價真係超值，重點係好食。唯一美中不足既係，佢啲椅比人感覺dirty。但我接受到😌

我愛蒜蓉包😍😍🤤烘到香香脆脆咁🤤如果蒜蓉可以塗多一點就更香口了☺️覺得就咁食太乾既話不妨配多個湯～是日餐湯：好似係南瓜忌廉湯🤔我忘記了🙈餐湯都有拉花😍🌿驚喜個水牛城雞翼都好好食🤤🤤呢間可能係一間唔太起眼既cafe,但係so far覺得食物質素唔差！而且價錢都相對平民😬飲品種類唔多，不過我覺得食物質素先係最可以吸引我黎食既原因！加上佢啲坐位都幾闊落，唔會同隔離枱好貼近，有返自己既空間😌以後應該會黎多啲呢間鋪頭食🤤

估唔到青衣城隔離泳池都有小餐廳🍴(聽說以前只開放俾泳客)，裝修好簡單，服務姐姐都樂意做...本來抱著無期望心態食，因為朋友話以前食質素好一般... 但估唔到餐湯已經有驚喜好濃蕃茄湯，並不是一般好稠嗰種，係好濃仲有蕃茄渣，入面仲好多配料，譬黃椒，紅蘿蔔，西芹，肉粒，好正仲好熱有點燙口(一般出面都係暖)主菜: 蜜汁雞扒意粉完全不能相信$55塊雞扒好大塊仲好厚，食落仲好嫩口好滑，蜜汁剛好不是很咸 意粉份量又夠，隻碟大到無輪 總之係䉀渣價錢燒鵝味道今時今日真係好難搵到$55午餐食到勁飽

搬咗來青衣都有兩年，第一次試呢間餐廳！ 前兩日有朋友黎呢度試過晚餐話食物唔錯，於是今日放假就黎試下個午餐啦！環境都好開揚，有啲似裝修比較靚嘅food court 。員工都好友善！ 由於朋友推介厚切豬扒，所以我二話不說就揀咗洋蔥汁厚切豬扒意粉。男友就揀咗牛扒飯，由於佢唔食黑椒汁，咁都好好可以改咗做牛肝菌汁。首先嚟咗個餐湯，應該係蕃茄雜菜湯，一睇就知道個湯唔hea, 好多料,比好多餐廳嘅餐湯都好味!如果女孩子飲完個湯包你飽左一半！之後一上個主菜都嚇咗一下，因為真係好大碟，男仔就應該好啱, 女仔就應該好大機會食唔晒!個厚切豬扒真係幾厚，帶少少肥嘅好香口！個洋蔥汁都好惹味，伴碟仲有一啲雜菜夠晒健康！男朋友個牛扒都唔錯，但係我會推介個豬扒多啲！餐飲凍檸茶味道都唔差喎！因為有時茶餐廳啲凍檸茶係可以好難飲嘅！有機會會再嚟試其他嘢！👍🏻 午餐價錢真係幾抵食！

今日男神話帶我去一間隱世餐廳食好野...於是就行左去泳池果邊，間餐廳真系好吾起眼，平時行過都吾會留意到有呢間餐廳間餐廳以粉色為主，入到去已經有種好舒服既感覺。侍應招呼左我地坐底之後就遞上餐牌..我同男神研究完一輪最後叫左個雞扒配牛肝黑野菌汁，男神叫左個龍脷柳配文他汁，再叫左吉列炸蠔同埋焗田螺。個蠔就一般般，本身以為佢系一大隻，但原來系用幾粒蠔仔...焗田螺超好味主菜超級大份，雞扒皮脆肉嫰。龍脷柳個醬汁好特別，好味。總括而言-賣相很好，味道一流，環境優美重點系！佢一d 都吾貴！

同朋友食午餐，在青衣城間間lunch time都排晒大隊，胆粗粗試吓呢間咁隱閉嘅西餐廳，見冇乜人排隊幾分鐘便入座。一望餐牌五六十蚊有扒鋸，，，，，抵。份量又多，味道又不俗，，推介，跟餐只可茶，湯，沙律，三選一。我點左西冷扒飯加南瓜湯，好味道

打完風第二天，媽咪話不如試下泳池西餐。二人就懶懶洋洋咁行去試下High Tea。下午茶時段，點左一個主菜同小食。白汁蛽肉意粉 質素唔錯， 一搞就會嗅到一陣芝味推介意粉而小食就一般 不太特別。

搬入黎青衣都兩年，估唔到係泳池都有間咁特別既餐廳。黎食下午茶，先黎試一試「厚多士」！又堅係幾厚下，金黃色的厚多士，其實係法式多士，新鮮整起，就係正！嗱，唔好以為係普普通通既花生醬。切開先見到原來係黑芝麻醬，食起黎會無咁甜。但多了一份芝麻香！食起上黎，比起一般的花生醬，更加特別、更加好食！炸薯條魚柳，都估唔到幾大碟下。仲要係厚切薯條，食起上黎更有咬口！兩大塊的魚柳，比起一般的茶記，更有份量，更有誠意！而且啊，仲要肉質嫩滑，都唔錯啊！瑞士雞翼法包，一望就知個醬汁夠晒濃。而且入晒落個雞翼入面！少有地，咁既細細間茶餐廳，有咁入味的瑞士雞翼！

身在青衣如果打算食Solemate 或 MrSteak 或 Pokka之類$200-300per head西飯，我一定改道去呢度，因為一半價錢但更好更有心既出品。推介任何意粉🍝及煎豬扒🍖。Lunch 同 Dinner Set 嘅性價比高，餐湯亦很用心，但環境有點舊就有待改善咯。

今天到青衣泳池暢泳，中途肚餓，幸好訓練池旁邊有間西式餐廳，可以醫下肚子。约下午3點左右，這裏可選set lunch和set tea。所以點了2個set lunch和1個set tea。價錢方面，set lunch由48-58不等，而set.tea 則略贵。環境當然不俗，可邊食邊看人游泳，不是每個泳池可以享有的。

5點幾入到去冇咩人，環境幾好，服務態度都唔錯。 呢個時間仲係lunch set , 個南瓜湯幾好飲！之後食左一個蕃茄火腿雞絲意粉，不錯。一個厚切豬扒洋蔥汁意粉，仲好食 ！豬扒真係好厚，而且汁好味，份量剛好。