Outback Steakhouse (MOKO新世紀廣場)

營業中

休息中

其實outback已經食過奶多次，以前覺得旺角呢間最好食，不過真係越嚟越差！2個人20:30去到，冇咩人，唔駛等位就入得！黑糖麵包 - 一坐低，餐牌都未睇，有個侍應哥哥就已經拎咗呢個黑糖麵包過嚟俾我哋食，講真其實每次食呢間餐廳都係因為佢呢個麵包美國精選肉眼牛扒 - 叫咗五成熟，其實已經唔係鐵板上，嚟到嘅時候，切開都差唔多熟晒！好失望！芝士白汁燒蝦闊面 - 啲面上枱嘅時候已經凍左，上面啲芝士，一嚿嚿硬晒，白汁好少，好難食！燒雞肉凱撒沙律 - 最食得落口嘅已經係呢個沙律，普通嘅凱撒沙律汁，雞肉好硬！餐湯 - 難飲，唔熱！總括，我唔會再嚟！

一行五人高高興興打算食餐好的, 食過後發現不外如是, 待務員都相當的不專業, 係一間所謂專業的少少高擋餐廳, 我們ORDER 2 SET 牛扒餐, 一份5成, 一份7成熟的, 問那一份是5, 那一份是7...竟然不知道, 真是天大的笑話, 而食物則數真的是比一般的還要差, MEMU中的產品不是全都有, 易不會提醒...真係...沒有下次...太差

很久沒有吃outback。某些分店令人失望moko斧頭扒質素高 沒有筋 碳燒美味其他前菜也美味 例如炸雞翼 沙律 麥西哥waiter服務殷勤 附上濕紙巾 頻密換碟 值得再光顧！

今次用信用卡優惠order 了美國頂級海陸套餐（二人餐），扣埋之前抽到的moko mall $200餐飲現金卷，折實左只係大約四百幾蚊!(´,,•∀•,,`).蘑菇粟米忌廉湯、黑糖麥包忌廉湯似係日本好好飲個款罐頭粟米忌廉湯，香甜濃厚得來又creamy，配埋招牌黑糖麥包一齊食，おいしい!.公司沙律沙律上面嘅芝士係我嘅最愛，撈埋沙律一齊食清新得來又帶點口感，佢既自家製沙律醬，充滿蜜糖味得來又帶點芥末口感，令沙律味道更加昇華。.美國頂級紐約牛扒拼加拿大龍蝦尾叫了三成熟，但最尾先食，又吾記得用鐵板上會越煎越熟，令牛扒質地偏硬。 但牛扒肉味香濃，又不沾連太多肥膏，可以放心大口食。 而龍蝦尾新鮮啖啖肉，但略嫌加太多鹽，令味道偏咸。

Outback is a well-renowned steakhouse restaurant and most of my friends recommended me to come here to try. I came here with my parents and we ordered a piece of steak, one spaghetti, one chicken rice and a bottle of German beer. Their service were quite nice. I asked for changing table due to the poor position of the air-conditioners and they re-arranged our table quickly and gave us a few glasses of warm water. Since we came there at lunch period, so they are all set meal. Their salad and brea

四個人黎食，叫咗HSBC卡優惠四人餐，包括有沙律，蘑菇湯，小食拼盤，雞肉夾餅及芝士帶子忌廉燴飯同埋35安士牛排。Side order咗炸蘑菇。一坐低當然唔少得上咗個黑糖麵包，百吃不厭，黑糖甜味剛好。上菜好快，沙律，炸蘑菇，小食拼盤同蘑菇湯同時上，有少少食唔切ge感覺。沙律屬正常水準，小食拼盤有豬肋骨，薯條同雞翼，豬肋骨同雞翼比較驚喜，調味剛好，特別係個雞翼，胡椒味重好惹味。炸蘑菇配個酸酸地沙律醬，好開胃。另一驚喜之作係個蘑菇湯，原煲上，忌廉香濃幼滑，蘑菇好足料，夾埋麵包食剛好。35安士牛排極之重量級，店員好好人主動問使唔使幫手同牛排影合照，牛排叫咗5成熟，但比想像中熟，肥膏比想像多，肉質唔錯，如果生返少少應該更好味。四個人食到好飽準備埋單之際，店員突然上返個早已被遺忘ge雞肉芝士夾餅同蕃薯條，質素普通，特別係蕃薯條上灑上糖粉但配蕃茄醬，配搭有些奇怪。跟餐冇飲品同甜品，需要另外嗌，但有7折，個人認為跟餐連基本飲品會更完美。總括而言，食物水準高，服務質素好，期待下次再食!

之前試過九龍灣德福花園嘅outback, 無論食物，環境和招呼都令人十分滿意。所以平安夜便相約家人到Moko outback 歡聚一下。當晚我們六時左右到達等位，到七點半才安排到位置，但羊架和慢煮牛扒已沽清了，真的有點失望。總括當晚嘅服務，侍應招代一般，既不主動也不熱情。食物也只是一般，完全沒有驚喜，所以是失望嘅一餐！

心血來潮平安夜快閃食個very late tea/very early dinner，85分鐘還枱，完全不用等位，點了個$590二人餐。首先二人分一個黑糖麵包，麵包鬆軟，黑糖味濃，配上較輕身的牛油。以餐包來說很不錯。接著來了個磨菇湯，真是不喝也罷。很稀，除了很多黑椒味基本沒什麼味道，粟米還是一整粒，究竟有沒有煲過？像是將材料撈在一起就拿出來。然後來了一個青口，吃到一半才記得拍照，其實原本要比照片多一倍。但反正空殼比較多，加上青口本身品種肉比較小，所以其實沒什麼可吃。又是另一道嚐不出味道，只吃到辣。食到這個時候其實嬲嬲地，覺得有點受騙。這是卻送上燒肉醬味豬肋骨拼烤雞，乃美式家庭餐廳經典菜，其實都算好難煮得難食。果然吃下去覺得兩款肉都肉汁飽滿，質地軟稔。最後來一碟烤美國帶子白汁燴飯，薄煙肉裹著帶子來烤，雖算不上什麼創新技巧，但確實香口好吃。米飯調味也很好，不太乾不太濕，與小蕃茄味道很配。上面有薄薄幾片將溶未溶的芝士（是真芝士，不是processed cheese），大滿足！😋後面兩樣好好味，叫做值回票價，所以我可以忘記之前兩樣唔好味，當作收到一些不合心意的贈品。

朋友生日就黎食下，其實都未食過普普通通，啲芝士幾香配埋生菜好爽甜Ok唔錯聽就聽得多啦，試下佢個黑糖包。幾好食呀食左兩個total，重點係佢個cream cheese 🧀 good. 水準可以再好啲既一餐。整體性格比唔高

朋友生日，諗緊一大班人去邊到慶祝生日時候，朋友話好想牛扒，即時上網搵下附近有咩好餐廳，睇到Outback 份量都多，又岩一大班人食，決定去食呀，一去到好快安排到位比我地，見到芝士薯條好吸引，即時叫呀，我好喜歡食芝士，芝士配薯條無得輸，不過要趁熱食先好，芝士一涼左唔好食，同埋黎到outback 當然要叫佢地最出名炸洋蔥花，每次黎食都一定要叫，但是食唔哂，因為好大份，叫左一塊牛扒，叫左5成熟，一入口溶，好正

黑糖面包十分十分推介 🥖每次黎都一定會叫個湯麻麻地 唔夠熱 凱撒沙律賣相唔錯 啲沙律醬幾好食 裏面有麵包同芝士 美國西冷牛配龍蝦用鐵板上菜 有蘆筍同蒜子份量還可以最後上嘅就係芝士白汁燒蝦闊條麵 🍝🍤個汁都唔錯同 面頭有d香草 芝士味濃郁 面嘅軟硬程度適中 不過寫得多有啲膩😗員工服務態度10分好10分親切和友善 餐廳上菜速度亦都好快 大概20分鐘就陸續上齊曬 cp值十分高 🥰兩個人黎叫左呢個二人餐都算幾飽 值得再黎食過😋😋😋

今日去到旺角食飯，想起很久沒有去吃黑糖包就和朋友去六樓食飯，原來都幾多人，幸好等了不用一小時就入到去，期間仲有人比汽水等位，都幾窩心。有不同的餐選擇但因為二人不太餓，就決定散叫，叫了一個扒和意粉，用了openrice優惠有八折最後價錢約四百三十左右。豬肋骨，牛扒再配菜和薯蓉，豬肋骨好淋身味道都濃不錯，牛扒有點硬肉汁普通，只可講醬汁幾好味，配菜好味，薯蓉好軟熟又香，不過菜就有失望得好少而且不好味。另一個蕃茄海鮮意粉，意粉都幾好份量多，蕃茄醬不夠蕃茄而且比較酸，比較油了點，海鮮比較少。

今日約左同事去旺角Moko Outback 一聚吃個lunch set，話說已經好耐無去，仍然係好高水準的餐廳，唔洗等位去到可以即時入座，讚！而且午餐好抵食又好味，簡直大滿足一坐低先來最喜歡的黑糖包配cream，好正，非常推介！再來沙律和香濃粟米忌廉餐湯，好美味豐富，未食主菜已有點飽意我們二人各點一個set，首先來的是燒雞肉芝士夾餅配薯條，份量好大份，芝士味好濃加埋雞肉好飽肚，熱辣辣厚切薯條超正，薯條控必點之後來的是磨菇芝士漢堡配薯條，厚切安格斯牛配芝士大大片，好吸精亦都有水準，但若牛肉汁多d會更吸引非常豐富的午餐，吃著美食加傾下計，快樂時光過得很快，下次一定會再來

去得outback真係為左黑糖包，星期一至四某信用卡有個特價嘅套餐可以食埋個斧頭扒，不過斧頭扒有d生。覺得水準比以前差左，個意粉乾爭爭冇乜味，其他嘢都係普通，都係黑糖包最好食。

今日難得約左舊同事聚舊! 當然要一早book定位啦! 星期六日呢D時候，唔book定位都真系要等到天荒地老都食唔到，輪到你都可能系食tea set。所以假期一定要book枱啊! 普遍黎講，outback既lunch set其實唔貴既，100-300都有。lunch set會包埋湯，沙律，最出名既黑糖包同埋一杯飲品。咁既價錢食得落啦! 沙律正正常常，但系個餐湯真系要講一講。雖然睇落去好似冇咩特別，但系飲左落去其實有好重既忌廉湯味道。感覺就好似將忌廉湯既精華濃縮左咁，完全唔可以同街外個D忌廉湯比較。抵讚!我地三個每人叫左一份，再大家share黎食。首先登場既系雞肉餅併薯條，呢個主菜跟埋芝士醬嫁! 雞肉餅其實唔算話好有味，好多時都要靠芝士醬黎調味，好彩個芝士醬完全唔膩，落多少少都冇問題。而雞肉餅裏面既雞肉都唔會好柴，可惜系啲肉既分配其實唔均勻，有D比較多有D比較少。 第二個菜系牛扒仔，雖然睇落去好細份咁，但系其實都幾厚身，我地叫左5成熟，因為7成有時會太老。好彩叫左5成，感覺岩岩好，可以方便分開幾舊細既大家一齊食！第三個系蝦飯，蝦飯反而系我覺得最好食既主菜，佢既飯經過特別處理，好惹味，而且飯