Pasticceria Giovanni Pina 1920 (如心廣場一期) (已結業)

餐廳是意大利百年老牌烘焙品牌，殿堂級的人氣甜點， 令到世界各地粉絲著迷，難得在香港登錄，怎會錯過。餐廳佈置十分優雅，金色的圓拱形柱， 配上中央懸掛着粉紅大吊燈， 好有氣派， 十分吸引。 我每次經過餐廳門口， 都被他玻璃櫃內精緻造型的蛋糕深深吸引，停下來看看。CIAO Menu有餐湯、主菜、甜品及飲品。大蝦肉醬意粉 $228濃稠的蕃茄忌廉湯餐湯， 帶濃郁的茄香， 配上卜卜脆餅乾條， 令人胃口大開。鮮味的大蝦挺身彈牙， 意粉口感煙韌，掛滿稠密肉醬及及蕃茄醬汁，伴以誘人芝士， 酸酸甜甜，令人食慾大增，每口細膩吸引。是日甜品，棋盤蛋糕，入口蓬鬆， 充滿空氣感，每層香濃朱古力忌廉，及榛子忌廉相間，香甜滑溜， 味蕾享受， 令人甜絲絲。拿坡里薄餅$148傳統的拿坡里pizza ，濃郁的水牛芝士配上蕃茄酸甜，十分搭配 ，pizza外脆內軟， 批邊帶淡淡焦香， 口感煙韌， 滿滿麵粉香氣， 加上邪惡芝士，簡單而滋味。

是夜朋友推介了一間已有百年歷史，進駐香港不久的意大利餐廳，裝修精緻猶如置身一間露天茶座，門口的甜品櫃也實在太吸引了。晚餐不貴$228已包餐湯主食蛋糕及咖啡。蕃茄忌廉湯非常濃郁，用上大量蕃茄烹調而成，啖啖蕃茄蓉清新開胃，麵包脆棒更是最佳點綴。大蝦肉醬意粉以芝士焗製，醬汁調教不俗，意粉彈牙並充分吸收了蕃茄的清香，肉醬伴大蝦入口酸甜開胃。經典米蘭咖啡醇香濃郁，配有一塊小曲奇，蛋糕聖安娜甜滑，上面有一粒泡芙，一濃一甜與咖啡是絕配。蒜片番茄白酒汁煮青口配意大利脆包片，青口厚肉大大隻，包片真的非常脆，加點番茄白酒醬汁再一同入口更覺完美。

因為謙謙好喜歡係荃灣西公園放電，所以成日都會帶佢去玩，玩到累就係附近覓食， 今次來到如心廣場比紫色的座位和大型吊燈吸引了，一望原來是意大利有百年歷史的Pasticceria Giovanni Pina 1920 。⚛ 意式傳統焗長通粉 ～ 謙謙鍾情食的長通粉去到邊見到餐牌有就會叫， 番茄醬濃郁沾滿每條長通粉配上青瓜黃瓜等材料。⚛ 意大利特色早午餐 ～ 有一點點驚喜的 brunch ，有焗過的芝士番茄雞肉， 有Parma Ham， 有焗過加左忌廉的薯仔，有沙律，有蒜香超脆多士，最驚喜係中間那個煙肉圈焗蛋白味道不錯。☕ 經典米蘭咖啡 ～ 果然係意大利名店，杯咖啡味道係唔同d ，碟邊跟一件 cookie 平衡返咖啡的濃厚。⚛ 意式開心果吉士牛角包 ⚛ 意式朱古力吉士牛角包同謙謙一人一個牛角包外賣回家睇住電視食，流心的感覺正， 另外呢到的蛋糕好出名，但太飽冇叫，下次買回家食先。

難得平日放假梗係要安排當日行程😎首先同媽咪去做過body massage，再去食返個下午茶！本來諗住同佢食Pasta，點知佢見到隔離枱人都食緊兩層高嘅afternoon Tea set，佢都心郁郁想食🙈只要佢開心食咩都冇所謂啦🥳於是叫咗個afternoon Tea set！估唔到呢個英式下午茶套餐 2人用 都只係298👀 仲有手工Pizza！聽落好唔錯唷！可以自選兩件精選蛋糕我就揀咗以下呢兩款：意式薩赫蛋糕超級香濃嘅朱古力醬蓋住呢個朱古力海綿蛋糕，中間夾住rhum同jam，入口香濃嘅朱古力味仲有淡淡果香，酸酸甜甜！好味唷！提拉米蘇蛋糕同平時食嘅Tiramisu味道差唔多但係佢就用咗海綿蛋糕做base，口感香軟，相比起朱古力蛋糕就冇咁甜唷！幾好！第二層有六件雜錦迷你糕餅分別有吉士泡芙、藍莓撻、忌廉酥、野莓撻、蘋果金寶撻、吉士酥卷。雖然款式固定，但係就勝在六款各一件！每件少少就已經滿足😚最令我有驚喜嘅一定係呢個即叫即焗嘅手工Pizza！長形pizza分別有兩隻味：24個月Parma ham & 田園香菇芝士，人工Pizza餅底香脆又煙韌，簡單配上火腿/香菇芝士已好滋味！Pizza永遠都係即

聽聞荃灣呢間Pasticceria Giovanni Pina 1920係意大利嘅百年老店，所以一放假就同閨蜜來試下啦。雖然佢嘅西餅好出名，不過我哋好肚餓啊，所以要食咗個lunch先~~我哋點咗個虎蝦意大利飯同埋牛肝菌意大利飯。我本身係好鐘意食Risotto咖，因為佢同平時食嘅飯唔同，Risotto係加咗好多材料去煮嘅，米飯吸收曬啲材料嘅精華，好入味，口感稔中帶點煙韌，非常Creamy。呢個虎蝦同牛肝菌意大利飯都係非常入味咖，轉眼間就已經食曬啦。最後食埋個甜品，真係好滿足啊，佢嘅西餅真係好好食，難怪可以屹立百年啦，一個lunch有齊餐湯、飯同高水準甜品，228呢個價好值啦。大家如果經過呢度附近，都可以試試呢間餐廳啊。#PasticceriaGiovanniPina1920 #意大利百年老店 #Pisotto #甜品 #下午茶 #荃灣 #荃灣美食

唔歡迎客人食下午茶，狗眼看人低的兩位男女經理（著suit所以我視為經理），男經理高瘦戴眼鏡，女經理著條子suit肥肥地，兩位超級趕客，男經理在我們入座前用恥笑語氣大聲同負責蛋糕位置嘅職員講「嗰啲人1:45就黎排隊，全部都係等你㗎」，是否擔心假期多人早到睇吓環境會影嚮貴公司做生意？是否未到2:30便向職員查詢有關下午茶事情阻礙貴公司職員工作？以致男經理要比說話我聽？我們是在2:00到，向男經理查詢有關下午茶資料，男經理話「你哋等就喺嗰度排」（指一指門口排隊位置，當時冇人排緊），我地就去排隊，結果就聽到男經理不滿我地咁早黎排隊嗰句說話，等左一陣，女經理好好人2:15就比啲排隊等下午茶嘅客入，點知一坐低又係第二個狗眼看人低，女經理放低餐牌好快咁講低一句「喺4款入面揀1款可以重複揀」然後頭也不回走左，完全唔肯定佢講乜，係聽到佢好似咁講然後估佢嘅意思，結果落單先發現原來女經理係講「喺4款入面揀1款（唔）可以重複揀」，由於聽唔清楚理解錯女經理意思要重新揀過，但我地因見佢個樣已唔多高興就即刻諗左2秒就答佢改乜，冇要佢罰企等我地諗食乜，真心唔明點解我好似殺左佢全家咁，點完食物到飲品，女經理落單時問非所

今日放工去如心廣場行街，之後被Pasticceria Giovanni Pina 1920 門口各式各樣的蛋糕吸引到，於是就同朋友入去試吓！一入到餐廳，我們感覺很舒服，地方很清潔乾淨，環境很寬敞很舒服！之後我地一人叫咗一個指定套餐！蕃茄忌廉湯：香滑的忌廉配上蕃茄，口感別有一番清新感覺，的確是進餐前開胃之選！大蝦肉醬意粉：大蝦味道鮮甜，意粉不但滲滿香濃番茄汁肉醬汁，還吸收了大蝦的精華，非常美味！朱古力金盒歡： 表面有椰子味，而且朱古力味濃重，但不覺得甜，這個的確是超好味的朱古力蛋糕！

荃灣真的有很多美食，開了很多新餐廳，其中一間就是這家，開了一段時間，這次就來試試。餐廳採用開放式，座位舒適。點了一個Ciabatta set，加多一個牛肝菌意大利飯。‖ Ciabatta set ($208) ‖包括：黑松露蘑菇忌廉湯蕃茄芝士焗雞肉香草包伴炸甜薯及燒菠蘿車厘茄沙律是日蛋糕 (這天是“金合歡”)飲品 (要了“經典米蘭咖啡”)黑松露蘑菇忌廉湯，十分creamy，菇味香濃，還配有香草麵包條，脆卜卜，有陣陣香草味散發。蕃茄芝士焗雞肉香草包，整個包都是滿滿的香草，食到有百里香，包身熱辣鬆軟，夾著蕃茄蓉和半溶芝士，還有雞肉，不錯。炸甜薯，香脆帶點嚼勁，滲著甜薯的香甜。燒菠蘿車厘茄沙律，伴著黑醋，新鮮，酸酸甜甜。‖ 牛肝菌意大利飯 ($148) ‖有十分多的牛肝菌，口感軟淋，味道偏酸，帶點苦澀。意大利飯煮得都算適中，有口感。此蛋糕名字叫金合歡，蛋糕非常細滑，有著淡淡忌廉甜味。經典米蘭咖啡，咖啡香濃，還伴有小口水果撻 😊。餐廳不但提供一件件蛋糕、批餅和牛角包外帶買走，還有一整底蛋糕可預訂，作生日蛋糕送給人，而且還有咖啡豆和咖啡粉出售。

見到荃灣西如心廣場開咗間新嘅西式餐廳, 難得平日放假, 就約咗媽咪一齊去周日chill 一chill. 餐廳裝修真系好靚好Grand, 平日嘅晏晝有set lunch, 價錢包埋咖啡都系$200左右. 首先附送個蘑菇湯， 蘑菇湯creamy又濃郁首先叫咗個帶子蘆筍意大利飯, 飯量不多，但是正宗的意大利飯，唔會太濕，飯嘅質感煙韌，帶子爽口。再叫了個雞肉三文治配炸甜薯條, 伴沙律。雞肉三文治份量也很多， 包嘅小麥味很濃， 比較乾身， 甜薯條炸得卜卜脆， 巿面比較小食到。餐飲叫了杯咖啡冇新嘅料杯英式奶茶， 食物不錯加上餐廳的服務和環境， $200左右一個人， 值得的午餐。

和女朋友來到這間有名的意大利餐廳吃午飯， 首先叫咗個帶子蘆筍意大利飯,意大利飯的汁很香濃， 帶子很大塊很爽口。再叫了個雞肉三文治配炸甜薯條, 伴沙律。三文治的包很大，外觀很吸引，雞肉比較乾身， 肉身稍鹹，加上配菜，剛剛好。甜薯條脆身，女友很喜歡。 最後還叫多了個沙律，沙律很新鮮配菜也很多，有小八爪魚、帶子、青口，鮮蝦很彈牙。最後還送上了當日的甜品， 有少少海綿再加上cream， 份量不大，但是飯後甜品來說剛剛好滿足。 最重要係餐廳有情調，用餐體驗良好。

見Lunch/dinner 時間成日有人排隊，決定搵日試下。有一日荃灣行街見唔駛排隊即刻入去🏃🏻‍♀️🏃🏻‍♀️燒牛肉包配炸甜薯沙律 $208黑松露意粉set $228每個set 包湯，飲品，是日蛋糕。南瓜蟹肉湯好濃好味，有少少蟹肉絲係面😂 牛肉包有少少乾， 甜薯份量都多。 黑松露意粉望落以為好細碟唔夠食 但食落可能個醬偏漏 所以都好飽。原本最期待蛋糕，點知第一啖已經覺得超甜有少少失望😩整體食物環境唔錯 但要排隊再試就未必會😳

今日出外工作完事後順便吃午餐後才回公司，經過如心廣場一期看見這間新餐廳，認得是 K11 Musea有分店的，是一家出名的意大利百年蛋糕老字號GIOVANNI PINA ，這家店的咖啡和蛋糕都是招牌，除了咖啡蛋糕以外還有提供多款意大利美食，好像Pizza、意粉、沙律等等。餐廳環境雅致整潔，裝潢以露天茶座設計，帶點現代建築藝術感覺，門口亦擺放左各種意式甜品，未食已經令人好期待。午餐CIAO MENU 有兩款主食，意大利飯或香草包，還有餐湯，蛋糕及飲品。我點了主食帶子意大利飯，食一口以感受到陣陣海鮮味道進入味蕾加上奶油味好香，creamy而又不膩，飯的口感亦適中唔會太硬，帶子厚肉彈牙煎得好香口，非常有水準。黑松露磨菇忌廉湯 黑松露味道濃郁，磨菇粒粒令味道口感更富層次，還有配上餅乾脆條。招牌甜品Tiramisu綿密香滑，海綿蛋糕夾層奶油配合得層次分明綿軟順口，芬芳迷人，咖啡味道香醇，而又不會遮蓋酒味，口感細膩濕潤度恰到好處。飲品來一杯熱檸水。下次有機會再品嚐一下其他蛋糕咖啡！

blue monday收工想食啲甜品開心下，同朋友嚟咗呢間主打法國甜品嘅餐廳。我哋嗌咗一個pasta set，再另外加咗一個risotto。pasta set嘅湯係蕃茄忌廉湯。湯飲落係好濃嘅蕃茄酸甜味，食到好細粒嘅蕃茄蓉，應該係用blender打碎咗啲蕃茄，個人覺得甜味同酸味幾balance，唔錯。大蝦肉醬意粉原來有用芝士焗，大蝦真係大大隻，蝦肉爽口；意粉偏重蕃茄味，食完都唔會話好漏。帶子露筍意大利飯嘅帶子煎封得唔錯，入面有少少半透明咁，好食👍🏻 意大利飯唔算太creamy，比較清淡，同樣唔會有漏嘅感覺。食完主菜就可以食主角甜品啦😆 跟餐有一個精選蛋糕，今日係mimosa。mimosa主要係由海棉蛋糕同cream組成，當中加入咗橙味gin酒，蛋糕非常軟棉，酒味唔重但食到一絲絲嘅橙味，鐘意清清哋嘅朋友會鐘意👍🏻另外我哋再散嗌咗一個tiramisu。tiramisu加入咗咖啡味嘅rum，入口咖啡味香，加上淡淡嘅芝士味，非常滿足🥰

再次來到荃灣找朋友吃晚餐，這間一百年歷史的餐廳由意大利進軍香港，因為價錢屬於中高檔，所以很多地方都執得很正，例如他們有統一的自家品牌口罩、餐具亦擺得一絲不苟、不論是座位或是大堂亦令人感覺很乾淨一塵不染。Dinner set $228【黑松露蘑菇忌廉湯】忌廉味不會完全蓋過蘑菇的香味，又有黑松靈增加味道，恰到好處。【帶子意大利飯】份量真的不算多，只有手賞心大小，幸好我平時不是吃很多飯，三粒帶子鮮嫩彈牙，有少少紅椒粉吊出鮮味，一咬下又有肉汁，好滋味！而意大利粒粒分明，很重奶油味道，加上三色椒和青瓜粒一起吃，又幾夾。【Mimosa】是套餐指定的甜品，整體很鬆軟，外面是微脆的蛋糕碎，中間有橙酒味道，很香，而且沒有太甜，更嚐到蛋糕本身的味道！【經典米蘭咖啡】頗濃縮的咖啡，適合吃蛋糕前喝。因為覺得蛋糕真的好出色，再外賣了兩件蛋糕和細佬分享。【榛子朱古力慕絲】多重口感的蛋糕，每層都有不同質感，又清晰吃到不同味道，重點是不會過甜！

日前在雜誌裏看到Giovanni Pina這家意大利烘焙店進軍香港，趁着復活節假期有空便前來朝聖。先來的是餐咖啡，儘管主打是甜點，咖啡豆的選材一點兒也不馬虎，是Caffe Milani的出品。聽聞不少酒店也是選用這個品牌呢！酸度剛好，不加牛奶也沒半點苦澀味。南瓜忌廉湯口感濃稠，裡面有許多鮮甜的蟹肉，喝起來十分滿足。安格斯西冷份量十足，厚度剛好有嚼勁，幾juicy。最欣賞是伴碟的puree，是紫薯打成的蓉，甜度剛好不會膩。是日精選蛋糕是這裡的招牌，mimosa。層層海綿蛋糕夾著忌廉，順滑可口，卻不像千層蛋糕般膩。由於蛋糕給了很好的印象，我還外帶了一些迷你pastry回家讓家人品嚐。總括而言，這裏的蛋糕挺不錯，是尖沙咀區下午茶的好選擇！