Pico Cafe

營業中

休息中

今日路過大埔，同屋企人黎到呢間餐廳食晚飯。餐廳主打手工意粉，老闆娘亦有介紹餐牌不同意粉菜式。餐廳在細節位亦相當細心，一入到餐廳老闆娘就問我哋要橙茶定檸檬水，另外餐廳沒有minimum charge，因為屋企人唔太肚餓，所以我哋三個人只係叫咗兩個dinner set加一個小食。我哋跟咗老闆娘嘅推介，叫咗個意大利牛肉醬手工闊條麵，餐廳用了六小時烹煮的牛面頰肉，味道很濃郁不錯。仲叫咗個卡邦尼意粉，相當正宗，蛋香味濃，當中選用嘅煙肉油脂比其他餐廳多，但因為煙肉特登切得細粒，一啖落去沒有油膩嘅感覺，同時又感受到好濃嘅鹹香味。跟餐仲有椰菜花湯同蒜蓉包，都好好食。下次應該會嚟試埋其他款式嘅意粉。

一直對老闆嘅西洋菜西湯念念不忘，今日終於有機會再嚟幫襯啦😽Set dinner嘅西洋菜湯同蒜蓉包都好好食😽仲記得上次第一次嚟見到我係有啲遲疑，但飲咗第一啖次後，就覺得勁好飲呀！！！🤣🤣蒜蓉包新鮮熱辣辣勁正😽😽朋友M繼續叫招牌牛面肉醬意粉，我今次就試海鮮意大利飯😻非常有驚喜呀！！！我仲叫咗件Tiramisu 為今晚寫上完美嘅句號🤭埋單嘅時候聞到老闆整梗菇菇意粉🤤勁香！！！下次我又要試🤭

大約下午2點黎幫襯，亦係首次光顧.. 不過絕對無下次～餐牌選擇好小，標榜住手工意粉..本來我地都好期待！！ 🔸蒜蓉包🌟🌟🌟🌟🔸蛋意粉🌟淡味到暈，完全無味🙃🙃🔸卡邦尼意粉🌟啲意粉好硬，同樣地個汁都係完全無味🙃🙃🔴百幾蚊一個意粉，唔會預計係呢個質素.. 所以係絕對無下次既！🔴其次就係，客人已經食晒個包，飲完湯，仲要等廚師傾完計先慢慢開始準備餐點～ 呢個價錢認真大把選擇好過佢🙂。

平時我都好鍾意捐窿捐罅發掘未試過/新開嘅小店，今日俾我發現前身係咖啡店嘅舖位開左新餐廳，仲要係我最愛嘅手工意粉😍，所以就馬上try try！Lunch set選擇唔多得5個，仲要得3個係手工意粉，不過都可以散叫～入到黎店主同我地介紹兩個招牌意粉——意大利牛肉醬手工闊條麵 ($98) 同埋 卡邦尼手工意粉 ($108)！兩個都係set，所以我哋各自嗌咗一個湯同埋沙律～佢嘅湯好特別，係西洋菜湯🫶🏻自己平時喺屋企都鍾意飲媽媽牌嘅西洋菜羅漢果湯，所以食落去好有家嘅感覺，又估唔到西式配搭唔錯！另外嗰個沙律係色彩繽紛嘅車厘茄，黃色細細粒嗰種好甜，推薦！兩個意粉都強調係手工意粉👍🏻所以食落超咬口，係我鍾意嘅韌度😍牛肉肉醬闊條麵嘅牛好腍，同埋肉類份量都幾多，啱晒食肉獸👦🏻意粉掛汁，配埋牛肉醬好match～另外卡邦尼意粉絕對係必叫之選，佢係用蛋汁整嗰隻，特別要講係佢個風乾豬肉，少少肥但係好香同埋脆卜卜，絕對係加分！我哋之後仲嗌咗個檸檬芝士蛋糕🍰顏色好colorful，上層係有類似果肉成嘅醬，不過就略嫌檸檬味唔夠，同埋芝士嗰層唔夠細滑～下次想試Tiramisu☕️Pico Cafe (大埔) @pico_c

食物有質數…感受到大廚對食物預備的用心今次第二次食佢地預備既食物湯～蕃茄湯…平靜的小街中…有一間出色既咖啡和手打闊條麵食完麵後…慢慢看下車…渡過一個美好的下午～讚

大埔新開好正嘅小店 - Pico Cafe呢間café由一對夫妻檔經營，signature 係佢哋嘅手工意粉。老闆兼廚師親手整嘅意粉，加埋靚食材，配埋佢哋嘅醬汁，真係好唔錯，如果可以再彈牙啲或者麵條厚身少少仲perfect!價錢方面好相宜，2-course dinner 有沙律/湯同蒜茸包，真係好抵食。仲要份量都幾足。甜品都係一個驚喜，特別係佢哋嘅手製燕麥雪糕，好清好解膩，feel到都係老闆嘅心思之作。 期待佢哋黎緊新menu!