影片
以上資料只供參考, 請與餐廳確認詳情
相關文章
同事請食午餐，叫了外賣pizza，第一次食呢間韓國薄餅店，有驚喜！𖦹 Grilled Potato Chicken Chicago Pizza HKD285最大賣點是餅底全舖芝士🧀， 而且仲係兩層，難怪每塊拉絲效果好厲害，當然食一塊都覺得少少膩滯！整體來講是有驚喜又好食！𖦹 Crab Festival Pizza HKD247呢款餅底薄，味道較普通，可以不用試。𖦹 Rose Topokki Fried Chicken (6 pcs) HKD189不太食得出有玫瑰香味，年糕煙煙韌韌好正，醬汁會顯膩！𖦹 Honey Garlic Fried Chicken with Prawn Cracker (6 pcs) HKD178蒜香味好重，個人喜歡呢款，惹味得多！不過炸雞肉較乾身，炸粉較厚。
繼續閱讀
@pizza maru今日約咗幾個朋友去食呢間韓式pizza店，之前都好想食，不過要湊大班人至可以食得多嘢，咁今次有五個人就最好不過，今日係星期日，我哋兩點到餐廳已經坐滿人，我哋點咗四樣嘢#韓國烤肉芝加哥呢個即係堅好食，最鍾意佢有海量嘅芝士，同平日食開嘅pizza感覺好唔同，唔係脆邊嗰種，批邊係軟熟麵包感覺（包住厚厚嘅芝士），感覺好滿足#蜂蜜牛油炸雞配粟米燒呢個都好好味，唔太鹹，有蜂蜜味，我哋只係嗌咗六件，諗住試多啲其他嘢#至尊熱狗意粉呢個相對pizza和炸雞就冇咁出色，不過都好味嘅，五個人嚟講份量就少咗啲#紫菜烤雞pizza（12寸）呢個pizza醬汁帶甜味，感覺似韓式燒肉酱，少少脆邊，呢款就冇芝心，烤雞同紫菜配搭都幾夾，感覺都幾新鮮總結：我覺得呢間韓式pizza店出品出色，相對於其他pizza店價錢相對貴啲，但係好味嘅，同埋我哋都坐咗三個鐘，完全冇摧我哋走下次又有一班人聚會，我都會提議來呢間
繼續閱讀
曾經在尖沙咀吃過這間餐廳的pizza 十分好吃，這次來到屯門不知吃什麼好，見到竟然有分店又不用排隊，二話不說和友人一起走進餐廳，心知味道一定不會出錯！🍕薯角炭燒雞肉芝加哥 （$223）這個是必叫！最愛這個餅底軟綿綿，不像一般的Pizza那麼乾身，吃了第一口真的不像吃pizza，以為像吃麵包，但是是非常美味的麵包！口感絕對不會忘記！內含用上雙倍馬蘇里拉芝士、芝士條、忌廉芝士慕絲，芝士熊，簡直是吃到滿足！至於味道是鹹甜鹹甜，鹹味的炭燒雞肉，加上蜜糖杏仁邊，意想不到的配搭，眾人一致認為是這本餐最美味第一名。🍗玫瑰炒年糕炸雞（$148）炸雞肉質不會太韌，炸皮也不會太厚。可惜配上的自家製玫瑰香辣醬汁有點太辣而且玫瑰味不夠突出，至於年糕口感煙煙韌韌，剛剛好。🍗蜂蜜蒜泥炸雞配蝦片（$139）這個醬汁非常美味，蒜味突出，再加上甜甜的蜂蜜醬，想不到這麼夾和惹味！如果選炸雞的話比較推薦這個口味！🍝煙燻鴨胸泡菜卡邦尼意粉（$183）如果想試試辣味的卡邦尼，這是個不錯的選擇，有卡邦尼的鹹味，加是泡菜的辣味，至於鴨胸和意粉的成熟度也是剛剛好。🍟蜂蜜忌廉炸薯條（$96）本來對薯條沒有什麼期望，只是打算隨便多叫一個小吃的意思，沒想到所有人吃了第一口之後都贊嘆不已，脆卜卜的粗薯條本身沾了蜜糖和巴馬臣芝士粉本身已經很美味，但配搭了這個的忌廉竟然令這個薯條提升了另一個境界，冰冷的忌廉在口中入口即溶，猶如雪糕和cream cheese般的口感，混和剛出爐的薯條，簡直是出乎意料的美味！
繼續閱讀
今日約咗朋友happy hour😁朋友揀左食Pizza Maru+飲下嘢好抵喎，嘢飲分兩個價錢：2030前happy hour，2030後就貴少少（如無記錯）但因為當日真係太肚餓，嘢食又好好味👍所以食得勁心急，定唔知未食嘢就飲酒😳結果食左兩嚿Pizza一嚿炸雞之後就開始頂胃食唔到但真心好想讚pizza超好味，批邊都有芝士🧀又唔會覺得好漏、好肥膩，上到枱都仲暖笠笠😋至於炸雞，相對有啲失望🙈因為啲雞件比較柴，個人比較鍾意有肉汁同滑雞嘢飲就冇咩特別啦
繼續閱讀
今晚放工唔想煮飯，就同大細寶貝去咗屯門市廣場嘅Pizza Mura食晚飯，真係一個好輕鬆嘅選擇！我哋叫咗一個Pepperoni pizza同埋咖喱味炸雞，兩樣都令人好滿意。Pepperoni pizza嘅餅底薄脆得嚟又帶少少煙韌，芝士份量十足，拉絲效果一流，加上鹹香嘅Pepperoni，味道非常經典，大人細路都鍾意。至於咖喱味炸雞，真係冇得輸！外皮炸得超級香脆，咬落去好鬆化，而且咖喱味好突出，唔會太辣，反而帶少少香料嘅香氣，雞肉仲保持到嫩滑多汁，食到停唔到口。餐廳環境乾淨、座位寬敞，適合一家大細聚餐。服務方面，店員態度友善，上菜速度都算快。整體嚟講，Pizza Mura嘅食物質素同性價比都唔錯，尤其係咖喱味炸雞，絕對值得encore！
繼續閱讀