Poseidon Restaurant & Bar (已結業)

疫情間甚少與朋友飯聚，今晚終於有機會同朋友食餐年後飯聚，我們點了兩個小食及一個主菜，已經很豐富。朋友點了個鱘魚黑魚子煙三文魚他他，表面舖上金箔，加上矜貴的鱘魚黑魚子，望落去都夠大方得體，而且入口味帶咸鮮的魚子味，煙三文魚爽口及紅菜頭清甜味又不會蓋過黑魚子香，整體鮮味十足。之後加了個邪惡的芝士肉醬牛油果薯條，表面舖滿了芝士肉醬，再加上牛油果醬，薯條香脆又有肉醬香，而牛油果正好平衡肉醬油膩感。最後加了個大啡菇黑松露意大利飯配溫泉蛋巴馬臣芝士，煙煙韌韌的意大利飯，有大量的雜菌，整個飯較濕潤，素食者至愛。

這間位於尖沙咀的西餐廳，有多款小食、主菜，而且價錢合理，份量十足，適合朋友聚會的地方。大蝦柚子沙律沙律菜新鮮爽脆，伴入酸甜的柚子醋汁，令整體更添風味，既開胃又健康，大蝦新鮮彈牙。德國腸拼盤有三款不同味道的德國腸，我自己就最仲意白色的豬肉腸，外皮較香脆，豬肉腸較濃肉香；另外兩款外皮帶點韌，不過帶辣味道更惹味，加上酸菜可減輕飽膩感。大啡菇黑松露意大利飯配溫泉蛋巴馬臣芝士意大利飯帶點煙韌，忌廉汁加上溫泉蛋令整體更creamy，有芝士香味加上淡淡黑松露香，清新又飽肚。

近排夜晚10點要收，一於約埋朋友去食brunch set，食之前都做咗research有free flow都係+＄168都係一心上去飲飽食醉。上到去outdoor環境都chill上去嗌咗個4 Course Set$208同埋All day breakfast$98同個fd share食，本身少食西餐嘅我都覺得水準唔錯，性價比一流。食咗陣野食見到隔離有人喺度食水煙，原來加埋個brunch set都係220蚊有。佢仲同我介紹想食啲勁啲都係＋60

難得平日放假趁而家可以晚市堂食帶媽媽出去食餐好既喺尖沙咀行完街book左Poseidon食晚餐見佢openrice都有好多好評果然大家冇介紹錯非常之高質上到去發現餐廳非常romantic燈光柔和 適合大家約男女朋友/BFF/屋企人上黎歎下美食 同傾下計餐牌選擇都好多必叫海鮮 有冷熱既seafood platter亦都有海鮮飯麵要左香烤半隻波士頓龍蝦配龍蝦汁意大利飯份量大到令人驚訝 半隻龍蝦都好大隻完全估佢唔到食落好新鮮 啖啖肉冇落太多調味料 食到龍蝦肉既鮮味意大利飯用左蕃茄做底 鮮甜得黎唔會太漏非常鐘意！另外叫左手打美國安格斯牛肉漢堡份量同樣非常大Share食剛好牛肉鮮嫩唔會過老 微微紅色最好加埋芝士 好正！伴碟仲有薯條 係即炸架！食落熱辣辣 夠香脆非常滿足既一餐！

昨晚同朋友專登book位去試Book八點，結果八點半先入得去(但職員都有禮貌，都接受既）餐廳環境係唔錯既，坐得幾舒服，幾岩傾計但食物一般般試左個主打既海鮮拼盤 2-4人分（無折$438），分量好少，啲海鮮都好細西西里蟹肉意粉（$178 八折）反而幾好食飲品（無折）試左Red Fresh Fruit Sangria同fruit punch.......好一般有折既既食其他主餐牌食物都ok值得既,但海鮮拼盤就唔值得試

好耐無同好姐妹出嚟八卦下，今晚放工即興約出嚟飲嘢，就試下呢間，都算有驚喜 😋今晚天氣涼涼地，坐戶外都好舒服：蝦拼盤：有4款蝦，每款有6隻，7款醬汁：水牛雞翼：食物好味，推介。飲品唔記得影相，味道正常。

疫情後放寛至4人一枱，便急不及待同家中三位主子食好嘢，係openrice見有85折就隨便揀，第一次光顧，環境有分in door out door，小朋友揀左坐外面，經理哥哥好醒，立即送上兩杯朱古力比小朋友，有驚喜👍食物水準唔錯，揀左半打法國生蠔，新鮮有海水味，大珍珠殼盛載賣相亦非常吸引，小主以為係美人魚專享晚餐👍全晚唯一搵笨菜式“焗棉花糖”，但小主都話好好食🙄蟹蓋意大利飯好香蟹味，但份量偏少，男士可能要食2份才夠飽。炸麒麟魚脆口，sauce 酸酸地很配合整體味道。整體滿意，價錢相宜。

自從武漢肺炎之後都少咗好多出街食飯，所以今次又返堂試晚餐之後出街食飯都係第一次依間餐廳雖然係尖沙咀鬧市但係個位置都幾隱蔽，估唔到上到去餐廳人流都幾多，希望繼續咁受歡迎餐廳主打海鮮，所以我哋都唔輸蝕一嚟就叫咗一個熟海鮮嘅拼盤，真係好耐冇食過咁豐富嘅晚餐，海鮮嘅種類非常之多，我自己最滿意嘅就係青口同埋龍蝦，對於減肥中嘅我真係一個好好嘅選擇，因為海鮮嘅卡路里比食肉類低所以都幾適合我食下一個主菜我哋就叫咗個燒春雞，其實本身對燒春雞都冇乜太大期望，但係估唔到佢整得都幾好食，燒春雞最怕就係啲肉太過鞋口，但係依間做得非常之好，入口係好滑嘅，加上個賣相都做得好靚食完之後都好滿意飲品方面我就叫咗一杯雞尾酒，無論係擺盤裝飾都做得好仔細，餐廳嘅服務態度都好好，就算嘢食來得慢咗都會同我哋解釋返廚房準備緊，呢一點都幾抵讚希望嚟緊仲有機會繼續食到晚市啦!

十二月頭同女友提早慶祝聖誕，因為預左會有機冇晚市堂食，業界真慘...既然係慶祝聖誕，當然唔敢 hea 女朋友，如果唔係會發生家暴。 終於喺各大親朋戚友同事拎意見之後，揀咗呢間位於亞士厘道嘅 Poseidon.。去到食店氣氛相當不錯，已經有聖誕佈置，女友眼神就是合格，令我放下心頭大石。先嚟一個冷盤開下個胃，西班牙黑毛豬火腿三拼 ($188)；24 個月配巴馬芝士、36 個月配蜜瓜、48 個月配西瓜。個人嚟講每一種風乾熟成時間，都有佢獨特嘅風味，不同嘅油脂甘香味比例，都係會令我垂涎欲滴。當中我就最喜歡 48 個月的，味道濃郁、豐厚，依家都想再食。呢度嘅烤海鮮拼盤 ($318) 當然我哋唔會放過。呢個拼盤真係不得了，真係包羅不少種類：半隻波士頓龍蝦、香蕉蝦、扇貝、魷魚、三文魚、藍青口、蜆。呢個海鮮拼盤，除咗種類多份量亦都唔少，根據 Menu 所講，其實係 2-4 人享用，得我同女朋友食當然可以大快朵頤。而佢嘅烤亦都恰到好處，配合烤汁非常惹味。當中以三文魚非常出色，就是大件肉厚好味道。Pasta 叫咗蒜片蜆肉扁意粉。扁意粉配海鮮本來就係絕配，扁意粉同蜆肉處理得好高水準，加上蒜香味好出，令整個組

臨時打去預約到當晚八點半尖東站L5出去Ashley road直行到尾位於天星大廈四樓，似係一座商廈入面。上到去環境好chill，四人卡位都係梳化位黎，正！餐具同佈置都好有格調，第一印象非常好待應都比較忙，但都會主動收碟同睇下啲菜上齊未1）Trio Ham Platter有三款黑毛豬配蜜瓜同西瓜24/36/48個月大既ham, 我地雖然唔係好識食，但味道唔難入口，唔會好咸2）Spicy Mexico 🇲🇽 NachosNachos再配上sour cream, 仲有好多配料唔算辣3）Grilled Seafood 🦞 Platter上依個果陣侍應有比埋手套，濕紙巾同裝殼既桶龍蝦，好多肉，都唔會太難拆開。青口，縮水縮到好細隻。仲有蜆好多隻，三文魚，魷魚，西蘭花，椰菜花，粟米。啲蔬菜好入味👍👍仲有四件蒜蓉包可以點海鮮汁4）Seafood Paella🥘 一解思西班牙之情的西班牙燴飯感覺就似岩岩食既海鮮拼盤再加飯好香煮得好夠味店外有男女分開的洗手間，乾淨👍雖然冇提早預約有八折，但依個價錢我覺得好值👍會有下次希望可以試下佢啲signature drinks🍹

我同老公都係胃食之人難得2人世界當然要揀好食嘅唔好浪費咗個撐枱腳嘅機會Poseidon Restaurant & Bar今次揀咗呢間試吓佢哋嘅西餐🔸海鮮拼盤（二至三人份）入面包含嘅海鮮好豐富唔少得一定有生蠔然後仲有螺、蝦、蜆等等全部都好新鮮🔸海鮮魚湯扁意粉熱湯濃稠且有濃郁魚同海鮮味扁意粉爆口爽滑本人好怕麵類質感糊狀完全係我鍾意嘅質地而且意粉上面有大量海膽每一啖都有濃烈海膽味喺口入面爆炸聰明地加入菇類作配菜，增加意粉口感🔸美國頂級肉眼扒配大頭蝦肉眼扒我哋點左5成熟火候配合恰到好處，切開啱啱好粉紅色肉眼扒冇筋而且質地軟糯多汁大頭蝦蝦膏多到滿瀉而且大頭蝦質地亦非常爽脆🔸西班牙海鮮燴飯（細）一上枱香氣撲鼻，而且擺盤吸引一隻大大嘅大頭蝦瞓咗喺飯面另外仲有大隻嘅蜆肉、魷魚同埋蝦雖然點左份細嘅，但係份量都非常豐富總括來講，成餐晚餐都非常完美而且服務員都非常有禮

一年一度的聖誕節又到了，因為疫情無地方好去，唯有食餐豐富的聖誕大餐安慰自己。服務員態度不錯，會詳細地說明因要預備材料所以需支付訂金。雖然先付訂金會有些不安及心大心細怕選錯餐廳，但進食後非常滿意，無論味道還是買相都非常好。仲要有7折，5百5十幾一個人，覺得俾去食自助餐更安全及開心，好多謝贈送的一杯熱紅酒，好特別。如有機會，會再去食😋😋😋😋見到午餐29蚊起仲要品質都不錯👍👍👍聖誕大餐好滿足

今日係Happy Tuesday因為聽日放假🥳 我同女友嚟左Poseidon Restaurant & Bar，餐廳有室外同室內座位，室內嘅卡位空間感非常大，酒紅磚牆配上木系傢俬非常型格。一坐低之後餐廳送上爆谷小食，少少咸，卜卜趣。- 波士頓龍蝦海鮮燴飯🦞賣相非常壯觀，口感軟稔入味既燴飯上面擺滿各式各樣既海鮮，龍蝦已經佔左碟既一半，味道鮮甜濃郁，另外仲有蝦、青口、魷魚同蜆。- 酥皮焗蟹肉盒酥皮真係超脆，用叉篤一篤就碎晒🤣，酥皮上面堆滿豐富蟹肉，令人非常滿足。- 炸雞槌 🍗單骨雞槌食落非常方便，肉質幾嫩滑，調味亦恰到好處，有一陣香茅香味。- Summer Breeze 我地仲叫左兩杯餐廳signature cocktail，summer breeze。形態似沙冰加上味道甜甜，我好似平時咁兩三啖就飲曬，結果好快紅都面曬🤣- Naughty Dolphin 🐬 味道以乳酸為主，酒味唔太重，顏色亦相當迷人。整體來講，食物價錢唔貴，酥皮焗蟹肉盒最有驚喜，其餘兩款食物質素亦高。如果之後政府取消堂食限制，Poseidon restaurant & Bar會係我聖誕二人晚餐既不二之選。

趕係無晚市食之前標尾會，趕到尾班車。見到呢間餐廳用希臘神話入邊海神波塞冬做主題，我就估到海鮮係主打喇😎好有心機呀，一嚟佢哋就放低咗一碟鹹爆谷俾我哋做小食，咁就可以一路揀一路食，就唔驚肚餓。我地叫左一個白酒牛油燴鑽石蜆，西班牙海鮮燴飯，鮮蟹肉西西里扁意粉，洋蔥圈。啲洋蔥圈夠晒大碟，炸得好脆，唔會淋晒，加埋茄汁又香又有口感！另一個白酒牛油鑽石蜆，每一隻都見到好新鮮，全部開晒口，食落去好有好香嘅牛油味，聞落去又有少少白酒味，啲蜆又唔會縮到細細粒，我哋食到停唔到口呀。另一個海鮮燴飯，非常足料，可以見到有唔同海鮮，飯都煮得好入味，吸晒啲海鮮味，好味好味！不過我最鍾意都係扁意粉，啲蟹肉食落口好有鮮味，一啲都唔梅，完全冇骨，加埋啲蕃茄醬汁，好夾吖😚，果然係海神餐廳。我地本來想叫一個開心果蛋糕咖，不過咁岩無左，唯有叫拿破侖蛋糕🍰😗

新開張冇耐 聽朋友講shish好正所以泥呢到一試😍我勁鍾意個他他同個榛子蛋糕🤤🤤個他他夠足料同新鮮 唔會好細份👍個蛋糕好冰涼 口感好正 唔會死甜😍🥰🥰至於個西班牙海鮮花 我就覺得濃味就更好👍shisha整得出色 我試過咁唔同間 呢間shisha真心真👍