SEDAP惹味馬拉 (已結業)

覺得很難在其他地方吃到的馬拉菜，行過睇兩睇餐牌，就入左去☺️.環境不算多人，但枱面餐具、水、水杯一應俱全🥰真的稱讚一番，對食客而言的確增添不少方便。.一人晚餐：包一款小食+一款主食連餐飲👍🏻幾貼心的，加埋人均消費都不超過一百蚊💯由於我地二人同行，所以就㨂左兩款一人晚餐，這樣就可以互相交換share😌另外多加了一個馬拉盞炒通菜，份量頗多，菜很爽口。.小食加左酸辣鳳爪同薯絲蝦，仲有個榴槤波波（額外追加的+$15），三款都呈正常水平👌🏻不過不失！.主食挑選了招牌蝦湯麵，湯底非常濃郁，使麵條吸收了湯底的精華，反而大蝦淡而無味，主角反被映襯下去🤫當中特別想說明的是麵底將米粉和油麵混合，感覺還好，並不反感。.另一主食咖喱雞髀拼印度薄餅，唯有美中不足之處咖喱汁份量太少，跟本不足以供給咖喱薄餅🙅🏻‍♀️咖喱的味道還叫正常，但並不惹味🙏🏻.飲品就平平凡凡地選擇了凍檸茶，味道也就是我們的態度，過於平凡，淡之無味，建議可以選擇其他特飲😅

馬來西亞吉隆坡馬六甲短線三日兩夜遊，旅行時吃得比較地道，去的都是Lonely Planet推薦餐廳，回港後第一餐特意來試試它是否正宗，因商場廣告說它是全球一百大餐廳。 吃後簡評：過譽了，名過其實，嘩眾取寵。 肉骨茶歷史為南洋地區潮濕，賣豬仔中國工人多為咕哩做粗重工作，容易疲憊多病。相傳一位中醫師將下欄豬肉，加入藥材香料烹煮，給予咕哩食用，自此強身健體。肉份量足夠，湯色偏黑，但湯味過淡，只有六成味道，宜加重湯包藥材比例。印度咖哩飛碟薄餅，反而做得好吃。用手撕下逐片吃逐片吃，微燶香脆，沾上咖哩，非常配合。薄餅比重慶大廈印度人做得更好。海南雞，雪味太重，沒雞味嚡口，浪費了半隻雞。師傅太心急，理應溫室完全解凍，也要多加掌握浸熟時間，明顯過了火位。可惜可惜。你問我它是否一百大餐廳，絕對不是。你問我它是否正宗馬來菜，絕對不是，口味已微調遷就了港人。還有馬拉餐廳不會像此大雜薈般，將所有菜式共冶一爐。當地是娘惹還娘惹，喇沙還喇沙，大排檔還大排檔，不會如此不倫不類。我看來太高要求。 但餐廳在屯門開是值得鼓舞，繼續改善。當馬拉餐廳最好味的是印度薄餅，倒不如改做印度菜吧

午餐晚餐都係中價拉，反而早餐非常抵食，呢個餐超級大份，無限飽都係$30呢個蛋幾特別加咗中式豉油，架咉都好大份而且餡料都好多個麥皮先至超級，一個人都食唔晒跟埋凍飲加$3都係$33，其實絕對夠兩個人食🤣🤣

今天去屯門工作，朋友話試一試呢間娘惹菜，於是就試了這店。午餐點了粉粿條同咖哩雞加印度薄餅，先講粿條，配菜有兩隻蝦同埋薄身嘅魚片，碟野份量都足，都幾大碟，粉粿條唔太油，唔知係唔係因爲呢個原因所以我覺得碟炒粿條唔係太香；至於個咖哩雞加印度薄餅就比較強差人意，最大問題就係佢嘅咖哩雞唔新鮮，而且肉質明顯係差，我朋友話上次嚟嘅時候都唔係咁，可能係我哋今次唔好彩啦。飲品方面有得揀拉茶，好彩杯茶都夠香，都算係有少少補償啦。

見屯門少有馬來西亞嘢，仲有肉骨茶，就去試下。人唔多，唔洗等位直入。門口個姐姐話肉骨茶可以無限refill，最初唔係好明點refill...但見佢咁多款選擇，應該都係iconic 掛...入到去，見隔離枱兩碗粉都食淨一半有多,有少少中伏feel....唔係嘛...個碗喇沙睇相好似好樣嫁喎。。。唔緊要，一於試下肉骨茶，應該安全嘅可惜, 都係失望而回。個湯好味精，飯仲要散叫。一個肉骨茶加飯剛好$100埋單。絕對唔係平，仲要係味精。好失望！原來refill 係好似打邊爐咁加湯 算啦，唔通比碗新嘅你咩。但$100嘅肉骨茶，呢個質素唔收貨囉

又一新開餐廳開業，原來係食印尼嘢，入到去地方都好大，感覺良好，仲可以用手機點餐，方便快捷見到餐牌椰漿飯好吸引，就試吓巴東牛肉椰漿飯，即係咖喱牛腩，牛肉都好有牛肉味，唯獨牛肉比較硬，炆得唔夠淋，不過都有印尼風味胡椒魚肚雞煲，充滿濃烈嘅胡椒辣味，雞件都算嫩滑，唯獨個湯比較水，冇乜雞味，好似胡椒水，呢個就麻麻咖喱鯧魚，個味似巴東牛肉咖喱味，條魚都算大條，不過就一定唔係新鮮，因為呢個價錢,一定係雪藏魚，不過整得都幾好味呢度有一樣嘢唔好，就係服務太快，冷氣開得太凍，成間快餐店咁，用手機落單，唔夠2分鐘，就已經可以上菜，啲嘢食似整定，跟住整返熱俾你食，所以呢度唔係我杯茶

忽然想食惹味野，發現原來屯門市中心就有間馬拉野，見個餐牌嚟睇好吸引。嘢食黎得好快手，個肉骨茶，蘭花椰醬沙嗲飯配牛肉，串燒味道唔錯，不過個咖央反而有啲失望，中間嘅料太少，唔夠好食，總括黎講，中規中矩嘅餐廳，快餐店質素

其實係屯門諗食咩都非常費腦，因為選擇真係唔係好多，所以只可以係屯市同VCITY簡。而且呢排VCITY冇開，所以聚會都係簡係市中心。我同朋友都冇試過呢間野，所以就個晚一齊去試下。餐牌如下:其實款式比想像中既多，所以都簡到野食。我地四個人叫左以下野食，可以參考下:馬拉風光($62) 味道偏向比較辣，因為我自己唔係好食得辣，所以覺得一般。不過朋友們都食得既，所以佢地覺得味道可以。黎到馬拉餐廳，當然唔少得試下佢既肉骨茶($139)，我地叫左一個大既。通常馬來西亞既肉骨茶偏向中藥口味，但呢個中藥味唔算太濃，都容易入口，所以我幾鍾意佢既味道。呢個係胡椒蝦($86)，味道算是惹味，而且數量都多，我地四個人每人平均都食到3-4隻，唔錯唔錯。海南雞半隻($128) 有點雪味，冇咩雞味，所以一般。鮮蝦炒粿條($66) 有點似河粉，味道正常。呢間野味道偏向重口味既。我地四個人最後埋單大約每個人200元，正常既價錢、正常既味道，不過不失。

之前係屯門睇完朋友仔表演就順便係附近醫下肚仔啦揾左好耐open rice 都無乜岩心水既餐廳直到見到呢間~晚巿其實都叫客滿既 一開始都覺得咁多人食~應該唔差啦椰漿飯配巴東牛肉睇個樣都好似好正咁但其實我期望得太高有啲失望 覺得唔太岩我口味我覺得個椰漿飯算係比較好食但佢都唔係全個飯係椰漿飯 佢係半白半藍咁飯有少少冧身 硬少少會好d然後果塊餅 睇上去好似好吸引但勁乾 仲要有啲苦 真係唔太岩我食牛肉睇上去正常發揮但我覺得好韌... 而且有啲硬同乾

SEDAP 惹味馬拉 係別府集團下的副線馬來文的好吃意思呢間開左一段時間,就過黎試下招牌蝦麵同蘭花椰漿飯 都係比較多人點既餐屯門市廣場二期一樓角落,晚上不用等太久就有位了菜式多,有串燒,巴東牛肉,肉骨茶等等~湯麵中有既配料一隻大蝦,芽菜,半隻雞蛋,雞絲料也幾多,湯底夠濃香,麵條吸滿湯汁精華,相當好吃海蝦肉質也算彈牙,份量足夠飽,整體上水準也算中上了,風味都做得幾好,價位也合理水平屯門屯隆街3號屯門市廣場2期1樓30-31號舖

今日放假約左朋友仔去食馬來西亞既食物 首先叫左佢推介既皮蛋👍 都唔錯呀之後叫左豬頸肉同埋牛肉既串燒，味道就好一後般, 唔夠juicy我地四個人叫左半隻海南雞試下😛 都幾好食另外叫左呢個裸條😂 都幾特別 可以一試黑椒蝦都唔錯 我同朋友都幾鐘意食馬拉盞通菜 辣辣地都幾好食最後係肉骨茶 味道藥材味 同係馬來西亞飲既有d 唔同 會啖味d 但頂下引都唔錯

未去過馬來西亞去飲過肉骨茶於是今次就搵個朋友一齊黎呢間試一試佢入到黎既感覺 好復古懷舊風我諗都幾貼切番馬來西亞當地？呢度都幾大 坐得都鬆動 同朋友黎食個飯傾下計都幾好鮮蝦炒粿條第一次食粿條 原來感覺都幾似河粉 只係佢粗身少少厚少少 而粿條比河粉就彈牙d 至於整碟黎講 味道唔錯 可以一試串燒 香口惹味！ 個沙嗲醬都好鬼正肉骨茶其實我同朋友係對於呢個茶而黎既首先 佢好抵 可以無限添飲 其次 好想試下係咩味道對於我第一次飲呢講 我唔知佢正唔正宗 但我覺得味道幾好 好濃既感覺 飲落去好暖胃 同埋店員好好 佢地會好主動問 要唔要幫我地加湯🥰至於個炒通菜 我就覺得一般般比較普通

早餐總離不開茶歺廳，沙嗲牛肉麵真係厭拉今天試新野，馬拉餐廳的早餐，幾有特色 除咗茶餐廳平時有嘅早餐以外，還有咖咉多，馬拉拉☕️，香濃，我就喜歡微甜另外豬扒米粉亦都好唔錯，米粉有質素好欣賞

馬拉菜只會食海南雞、肉骨茶，周末食返個11點幾的早餐🥣😎😎早餐選擇也不少，座位舒服，服務都ok ，咖央多配拉茶好有特色，仲有2⃣️只蛋同一大碗麥皮，真係2⃣️個人都夠食👍👍

屯門新開的馬拉菜，地點方便，屯市扶手電梯直達，這晚經過便來試一試。黃金飯配參荅蝦參荅蝦微辣，爽口彈牙，非常開胃。米飯乾身，粒粒分明，比較吃不慣。另外配菜還有雞蛋、秋葵、咖喱薯仔，味道不錯。印度飛餅雞腿經過長時間烹煮，肉質軟腍，咖喱味濃，飛餅普通，比某連鎖店的稍微遜色。愛他愛她最愛的馬拉小食之一，混合了香辣和香茅口味的魚餅，不是到處都能吃得到。黑胡椒雞翼雞翼表面色澤，表面沾了粗顆粒的黑胡椒，吃起來辣辣的，令人胃口大開。