ShowTime Sports Bar

營業中

休息中

諾士佛台呢間ShowTime Sports Bar真係癲㗎！唔單止有得玩Beer Pong、俄羅斯輪盤、飛鏢、Snooker，連食物都多到嚇親人，仲要Crazy Hour $38/杯，平到笑啊！😱 今次同班friend試咗幾款必食推介，真係冇伏： - 煙三文魚沙律🥗：三文魚超新鮮，沙律菜爽脆，開胃首選！ - 海鮮組合🦐：份量足，海鮮鮮甜，抵食！ - 日式燒牛肉🥩：肉質嫩滑，醬汁惹味，必encore！ - 明太子珍囊帶子意粉🍝：明太子鹹香，帶子大粒，意粉creamy，正！ - 薄餅雙拼（巴馬火腿火箭菜+黑松露野菌）🍕：餅底薄脆，黑松露香到爆，火腿鹹香夾火箭菜，完美配搭！ 飲品方面試咗H-PROSECCO同HSE GIN，Crazy Hour價錢真係抵到爛，仲要氣氛勁high，場內仲有show睇，成晚high 爆🎉

酒鬼又出動啦😎！今次嚟到諾士佛臺SHOWTIME SPORT BAR，佢地做緊Crazy Hour，啤酒、紅白酒同氣泡酒都係 $38/杯 🤩！當然要試埋 Signature Cocktail，呢杯Royal Flush打卡絕對無得輸。喜歡啡味Cocktail可以試下呢杯Double or Nothing，而且玩味性幾高。Crazy Hour 佐酒小食仲有半價日式燒牛肉秘製醬油加生雞蛋，個醬汁好重蒜味，加埋慢煮牛肉好惹味。火腿拼盤小食半價，性價比高芝士肉醬薯條醬汁自己淋上面，好邪惡想食飽啲可以叫埋主菜，真係可以邊飲邊食。慢煮法式波多爾紅酒膾牛面肉，薄切牛面頰，入口都軟腍。Bar 入面仲有多遊戲，除左基本嘅掟鏢、Beer Pong，佢地仲有俄羅斯輪盤。SHOWTIME連生啤都有Crazy Free Flow $168🍻，岩哂成班朋友上嚟玩返晚！

去完呢間Bar覺得超正，絕對係要bookmark响我哋嘅尖沙咀酒鬼地圖，仲要推介俾朋友添😆。裏面有好多遊戲，例如有Beer Pong、俄羅斯輪盤、飛鏢、Snooker等，地方都好大，仲有室外大露檯，夠哂開揚，確實係絕世好吧。🍸Double or Nothing $128除咗打卡一流之外，味道仲唔錯，咖啡嘅香味，微苦中帶甘甜，口感滑溜，其他Cocktail仲可以改成無酒精Version添。🍺Stella Artois Lager 500ml $38🍺Gwen.lo Stout 500ml $38呢個Crazy Hour時段，生啤、紅白酒及汽泡酒都只係$38，仲要係星期一至日16:30 - 19:30都有呀，生啤有Hoegaarden、Stella、Blue girl及Asahi 之外，仲有我哋最喜愛嘅Gwen.lo Stout 添，超正。除咗有$38酒精飲品之外，仲有半價食品添，有 意式火腿拼盤及炸薯芝士年糕；而我哋就睇中佢哋嘅2025年必食推介，非常抵食。🥢日式燒牛肉$58肉質軟腍肥美，撈埋蛋漿一齊食更顯滑溜。🥢健康之選三文魚沙律$38 三文魚口感軟糯味鹹香，加上新鮮沙律菜並配合個清新

Showtimesportsbar❤️‍🔥❤️‍🔥有得玩有得食，輕鬆一個晚上😎。模下酒杯底。坐係露台位都幾舒服😌。酒吧仲有好多娛樂！有幾部電視播住MV；有轉盤game，用籌碼玩儲到相應嘅籌碼數量便可以換酒。每逢週六晚上指定時段，ladies night每位女士贈送兩杯酒及泰式魚餅一客，場內非常熱鬧；而且有DJ打碟助興！叫啲佐酒小食，可以食吓芝士肉醬薯條同豬頸肉沙律🥗，鹹香惹味非常啱口味。薯條外皮炸至香脆，加左芝士🧀鹹香、肉醬惹味。豬頸肉質感軟身有d肥膏🐽。避風塘午餐肉粒表面脆，咬落卜一聲。軟殼蟹蟹膏意粉🍝意粉索晒蟹膏既醬汁，軟殼蟹質感都好脆。

上網睇到逢星期一至日 (16:30 - 19:30) ，有Showtime Sports Bar Crazy Hour，$38/杯，超級抵飲！🩵酒盗芝士Cream cheese配鹹醬汁，重口味小食送酒，絕配！🩵日式燒牛肉薄燒牛肉，有10塊左右，點埋蛋黃食，唔錯👍🏻🩵串燒海鮮組合燒刺身帶子、白鱔、虎蝦、廣島蠔🩵秋葵總共4條，火候控制岩岩好，燒蔬菜係唔可以缺少既一環🫢🩵山賊牛肋串牛肉肉質幾嫩，個醬幾惹味，可以一試😛🩵日本免治雞肉棒&南部雞雞脾肉雞肉唔會燒到乾柴，雞肉棒幾大條，激多醬汁～

呢排工作壓力大到爆，放左工真係想搵個地方chill下，於是同同事一齊黎到尖沙咀諾士佛臺既Show Time Sports Bar。呢間酒吧氣氛好輕鬆，播住chill chill既音樂，燈光昏暗，空間感超大，仲有大螢幕睇球賽，飛鏢機同遊戲枱等設施，玩得又食得。順便提一提，五月份每個星期六晚上10點後，女士入場仲送兩杯指定飲品同份指定小食，超抵！另外佢地有Crazy Hour，星期一至星期日4:30到7:30，飲品$38一杯，仲有好多新出品既小食，等我地試下先。.廚師是日精選湯麵 ($48)湯底係胡椒湯，胡椒味好濃郁，飲落好夠味。入面有大大塊牛肉，仲有好多蔥花，配埋拉麵，麵條夠彈，食完暖晒胃，岩晒放工後食。.避風塘魷魚鬚 ($88)呢款小食真係吾錯，魷魚鬚炸得香脆，仲有大量炸蒜同魷魚鬚混埋一齊，香口得黎又有咬口，煙靭既口感佐酒一流，食完一啖都停吾到。.西班牙辣肉腸薄餅 ($128)薄餅用薄批底，入口鬆脆，上面鋪滿西班牙辣肉腸，啖啖都係芝士香同辣肉腸既鹹香味，食落好滿足，幾個人分埋食都好夠。.Fruit Punch ($45) + 可樂 ($38)Fruit Punch味道清新，帶d水果既酸

以前成日都會嚟呢間酒吧飲酒，一直都覺得佢就係普通嘅酒吧，估唔到原來佢都有嘢食，而且最近仲出咗新Menu，咁就約埋朋友嚟試吓啦。第一次坐outdoor嘅位置，原來感覺好好，吹住風飲住酒，好適合朋友聚會傾偈。最近酒吧有一張新嘅Menu，有好多唔同款嘅食物，我哋就揀咗個煙三文魚芝士撻。一上枱見到賣相好靚，煙三文魚好大嚿，食落驚為天人，佢嘅煙三文魚唔會太鹹，襯埋芝士撻竟然好夾，而且都非常送酒。喺度同朋友吹着風傾偈，得閒飲番一兩杯，真係好舒服。非常推薦大家除咗飲酒之外都要嚟試吓呢度嘅食物啊。

店員介紹咗杯Signature cocktails🥂咁啱中我口味😗同大家分享吓佢叫Double or Nothing 💫係咖啡三重奏特調 ☕️🍫 深焙咖啡 × 巧克力利口酒 × 黑啤慕斯🍺口感由苦澀到甘甜味覺👅面頭係黑啤綿密氣泡形成嘅慕斯頂蓋 同時帶有espresso嘅油脂香氣🤎仔細飲落有法國黑巧克力利口酒嘅絲滑 加入咗可可粉 偏甘甜店員話呢杯好啱一個人飲嘅Cocktail🚬🥂ShowTime Sports Bar (尖沙咀)尖沙咀諾士佛臺10號騰龍閣3樓

諾士佛臺酒吧林立，呢間樓上酒吧除咗有包廂K房，仲有標吧，桌球及Beer Pong俾客玩，其中桌球係免費，排隊就ok，啱晒Happy Hour😁間吧仲有個户外露台，佈置浪漫，有埋laser燈射出唔同圖案，幾有feel👍但只有3-4枱，要早訂食物就出咗幾款新食物，包括秘汁烤焗豬頸肉($78)及一人份量蟹籽帶子意粉($127)，味道唔錯，個泰式魚餅happy hour($28)幾抵食，坐露台成晚同friend 吹水唔錯

今晚同班friend去咗Showtime Sports Bar食飯📺 餐廳有大電視直播賽車賽事，仲有桌球枱同飛鏢機，啱曬一班人gathering👬👭🍴 椒鹽炸魷魚🦑炸得金黃酥脆，椒鹽調味剛剛好，送啤酒一流🍺 🍴 蕃茄虎蝦意大利麵🍝虎蝦大大隻好彈牙，蕃茄醬汁酸甜開胃，意粉al dente口感正😋 🍴 辣肉腸pizza🍕餅底薄脆，辣肉腸份量足，不過pizza底食落口麵粉感偏重🍴 泰式魚餅🐟外脆內軟，點埋甜辣醬更惹味🌶️ 🍴 啤牌Cocktail🃏造型得意，用火燒完會顯示出一副啤牌做裝飾🍸 熊仔糖味道，易入口又唔會太甜，啱曬女仔飲～

Show Time Sports Bar尖沙咀諾士佛臺10號騰龍閣3樓經開尖沙咀，老友推介樓上酒吧，環境舒適，氣氛夠正，入去 Chill 吓先。💘金黃炸薯條即叫即炸粗薯條，炸油新鮮，又香又脆，配茄汁 perfect match。😋惹味泰式魚餅爽口彈牙，鹹度適中，配泰式辣醬，好惹味！😽精選凱撒沙律香滑煙三文魚，新鮮沙律菜，酸酸甜甜的麻醬，好開胃！😸Royal Flush調酒師將 Homemade 龍眼紀子Gin酒和花味利口酒調和，酸酸甜甜的，濃度適中，精彩的同花順視覺效果，推薦！😎Gambler調酒師將 Homemade 牛油果美國威士忌和 佛手柑利口酒調和，果味濃郁，香甜順滑。 😍Show Time Sports Bar 環境舒適氣氛好，小食 Cocktail 正，侍應服務態度好，回頭率高。😉

這晚我們放工後來到尖沙咀吃飯，這裡可以打桌球🎱、玩飛鏢🎯等，我們是晚吃了泰式魚餅、黑松露野菌薄餅、蟹肉龍蝦濃湯、帶子青醬意大利粉、芝士蛋糕。泰式魚餅，味道香辣，啖啖魚香和檸檬葉香氣，蘸上泰式酸辣醬，十分惹味過癮！👍🏻蟹肉龍蝦濃湯，想不到這個湯如此濃郁，用龍蝦膏黃和蝦油熬出的湯，顏色紅亮，香味馥郁，加上鮮味的蟹肉，提升了龍蝦湯的口感，啖啖濃郁真材實料！😋芝士蛋糕，最後吃上甜品，滿足了～這個芝士蛋糕和平時吃的不同，有一塊芝士在蛋糕上面，增加了口感，充滿醇厚滋味。🧀Info店名：Show Time Sports Bar地址：尖沙咀諾士佛臺10號騰龍閣3樓

呢間位於尖沙咀諾士佛台嘅酒吧，環境寬敞，有室內同戶外位置，店內具備Beer Pong、飛鏢機、桌球檯等設施，啱曬同朋友仔嚟飲酒吹水。食物則以日式同西式為主，串燒、意粉、小食等，選擇多元化且價格合理。前菜有煙三文魚忌廉芝士塔，煙三文魚包住芝士再放上脆餅上，味道鹹香，口感層次豐富，令人胃口大開。秘汁烤焗豬頸肉賣相一流，烤焗方式都係第一次食，呈淺粉紅色，脂肪量較低，肉質鮮美，帶咬口，啖啖肉，值得一試。炸物方面會推避風塘魷魚鬚，香脆得嚟保持韌勁，避風塘炸蒜香口惹味，越食越上癮。另有風沙鹹蛋黃炸雞，八大件，即叫即整，新鮮熱辣辣，外層薄身且脆，金黃色，內裏軟嫩，好Juicy，估唔到有爆汁效果，值得一試。

話說前日同老公註冊結婚三周年，諗住搵個地方超chill吓二人世界！網上搵到呢間Bar評論都唔錯👍🏻入到去環境闊落，好多娛樂設施例如桌球、飛鏢game等等！喺3樓望落去嘅尖沙咀有一番風味～音量都適中好舒服！唔會好嘈～大約七點已經滿晒人🙈職員服務態度都好好👍🏻美食⭐️⭐️⭐️⭐️🩵Singleton 12yrsSingleton（蘇格登）12年是一款來自蘇格蘭的單一麥芽威士忌🥃聞香有清新果香略帶蜂蜜的甜潤。帶輕微木質香有橡木桶帶來的香草和椰子片氣息，無強烈酒精沖鼻。前調以蜂蜜甜味主導，混合蘋果汁、葡萄乾的果香。中段以麥芽餅乾、堅果的溫和穀物感，偶有太妃糖的圓潤。尾韻以橡木單寧的微澀，帶出肉桂或肉荳蔻的香料暖意。🩵Misty Manor如果對酒精敏感嘅人可以試吓呢杯Misty Manor,味道有點像黑櫻桃、李子果香味！成杯嘢粉紅色超打卡～唔會好甜🥰幾好飲🩵牛肉組合（牛肋串丶牛舌丶牛肉串、安格斯牛肉串）📍 Showtime Sports Bar尖沙咀諾士佛臺10號騰龍閣號 3 樓

除夕有得早收工，飲開酒嘅同事帶咗我哋去呢間酒吧，不過我好肚餓，心思唔係酒水度🤣-Menu主食款式唔係好多，不過有好多特價嘢食😚🌟雞脾菇串燒 $10雞脾菇烤得恰到好處，外皮微微焦香，入面都多汁嘅，仲要係特價只係$10咋-🌟山賊牛肋串 $25 同樣係特價串燒，牛肋嘅肉質軟腍又唔會冇牛味，每嚿都充滿肉香😚🌟唐揚炸雞塊 $58呢個夠熱辣辣，配埋沙律醬嘅經典組合，咬落去裡面嘅雞肉鮮嫩多汁，好香口，送酒一流😝⭐️香煎珍寶帶子意式青醬忌廉汁意粉 $138帶子大大粒🙌🏻意粉煮得啱啱好，醬汁收得好乾身，味道上唔會好濃，適合share食😁🌟炸魚手指 $58價錢上都幾抵食，份量都幾多，配埋兩個特色醬，餐牌上冇講明係咩醬汁，睇嚟應該係自家製作😎兩個都係辣嘅，第一個係帶啲芥辣味，另一個係都幾辣嘅辣醬。炸魚手指嘅外皮酥脆，魚肉好多，飲住酒勁快食曬😂⭐️秘汁烤焗豬頸肉 $78個蜜汁甜味好出，有少少麥芽糖加豬頸肉嘅感覺🤣墊底嘅菜都幾多，整體賣相好靚💕除咗一啲基本嘅酒game設施之外，間bar仲有美式桌球、掟標機，都算幾多野玩💖-最令人驚喜嘅係埋單唔計酒水竟然唔使$400，咁嘅價錢喺咁嘅環境下，真係超抵😍-此乃自費食評