影片
營業時間
*星期日及公眾假期休息
星期一至五
08:00 - 20:00
星期六
10:00 - 18:00
以上資料只供參考, 請與餐廳確認詳情
招牌菜
食評 (21)
六月二十九日 (星期五)小店的東主Charmaine因懷念早年在倫敦求學的日子，回來香港後想將外國的口味也一併帶回來於是將Bagel與Froyo一拼放於一店這個理念，真的與Frey & Ford(但他們是澳洲版本)很相像由於小店設在較僻遠的上環區，租金相對便宜因而不用將貨就價，食物質素也可相應提高，食客也不用付太多錢來吃鋪租今日經過皇后大道中，吃完越旺，就走過來吃杯乳酪消暑小店地方大不，但還能容納一張梳他和一張檯供客人立食乳酪18元100g，可以自由選擇配料，另小店還有六款已經配搭好的Signature Yogurt見到一款有我最愛的Oreo，就點了這杯Coco Mania除了乳酪，配料包括Oreo，可可米以及朱古力麻糬據知乳酪是用上來自意大利的脫脂奶，口感特別香滑亦富奶香，也吃得份外健康Oreo與可可米的層次感十分突出唯朱古力麻糬的朱古力味道不太明顯，但口感煙韌小店除了乳酪外，還有比高包以及smoothies供應所以午餐時分不少OL也前來買個輕盈午餐
繼續閱讀
早排趁著天氣仲熱（天氣真係有啲反常），食完晏走咗過嚟老遠嘅Sloop Froyo嘆乳酪，其實因為要拎啲嘢比朋友，晌附近交收，至所以乘機試吓佢嘅乳酪。店子細細，一室橙色、白色好搶眼醒目，環顧室內環境，基本上都係主打外賣，唯一入門口右邊有張高腳枱，俾我放吓嘢兼擺低杯乳酪影吓相。此店以重量計算價錢，$18/100g，如果唔想煩，佢哋都有6款已設定嘅配搭，分別叫甜心莓莓、窈窕淑女、熱情森巴、東京雪塔、繽紛樂園、可可狂想曲。想DIY嘅，配料有近廿款，分為鮮果類（士多啤梨、火龍果、藍莓、菠蘿……）同糖果類（可可米、燕麥卷、麻糬、Kit Kat朱古力……），不過，乳酪就只有原味一款，所以，相比起其他乳酪店，覺得佢哋無論晌乳酪款式同配料選擇都有啲輸蝕。因為唔想味道太雜，有少少刻意唔揀太多配料，最後，只揀咗紅豆同Oreo餅碎。乳酪幾挺身，質感唔算輕盈，帶微酸，但口感頗為幼滑，冰冰涼都幾唔錯。紅豆蓉頗香甜，很有豆味，而Oreo餅碎嘅濃重朱古力味，配合微酸嘅乳酪，都好夾。雖然老闆都秤到好足，不過，$36食一杯乳酪又真係唔平嘅消費！題外話，此店除賣乳酪，另一主打就係賣New York Style Bagel（百吉圈 / 貝果圈），唔知係咪因為賣似足個水泡嘅百吉圈，就將店名改為Sloop，有帆船之意。如果揸住隻帆船出海，在海中盪漾，曬住太陽，食住件餡料豐厚嘅百吉圈，飲住杯冰涼鮮果沙冰，之後再嘆杯有5、6款配料嘅重量級乳酪，不知幾爽呀。不知店主係咪都有咁嘅幻想呢？
繼續閱讀
因為有團購優惠券，$16買$36的Froyo，所以今晚來這裡一試。Froyo乳酪：算挺身，不會很快溶。酸度適中，奶味不會太重，味道不錯。Toppings配料：紅豆蓉很夠焾，香甜而不膩。香脆碎(Home-made Cumble)是很細碎的餅碎，味道一般，但增加了整杯乳酪的口感。燕麥卷(Granola)很脆，也很有口感。紅莓乾是甜中帶酸，很不錯。藍莓新鮮大粒，好味。因為太貪心，要了很多Toppings，所以用了優惠券後要補$5。乳酪及各款配料味道不錯，但款式較少。職員態度良好，還落力推介各款配料及送貨服務。不過原價$18/100g，比其他乳酪店貴，所以日後未必常常會來了。
繼續閱讀
之前買左幾張開飯團購 以$16購買Sloop Froyo (200g, 原價$36)，今次食已經係第2次，都係食完午飯再黎食甜品。食客唔多，但每次等候都係有人買飽外賣，店員動作都係比較慢。我同朋友一齊食，都係隨意揀左佢地D選擇1-8，懶得揀topping。D Frozen Yogurt好易溶，似食軟雪糕，且得一種原味。因為今次重量多左少少，每人補3蚊。如果唔係有團購，我諗我都唔會買黎食，味道一般，地點唔方便，價錢同其他舖差唔多。仲2次都冇比迷你bagel換領劵，算啦! 反正用晒D開飯團購唔會再黎!
繼續閱讀
早幾天買了團購券，今天便正好去換，Granola的樣子看起來不是很吸引，所以單點froyo就算，沒有味道可以選擇，還好我喜歡原味，朋友說是牛奶公司提供的口味，我是吃不出有什麼分別，溶化的速度有點快，但一接到的時候是很夠挺身的，但地點真的能算是中環嗎?正確來說，我覺得應該叫上環吧，在上環E出口往上行，穿過噴水池，轉右走沒多久就到。店子有點小，唯一特別是有bagal賣，不過看起來有點簡單，拿著店家給的買滿$30可送小bagal的券和froyo，或許有機會才再來吧
繼續閱讀