影片
港鐵奧運站 A2 出口, 步行約6分鐘
繼續閱讀
電話號碼
51299436
營業時間
今日營業
10:00 - 20:00
星期一至日
10:00 - 20:00
公眾假期
10:00 - 20:00
公眾假期前夕
10:00 - 20:00
以上資料只供參考, 請與餐廳確認詳情
-
網上訂座服務暫停
係super sports park 玩完，食埋野先走。唔知係咪因為星期六，無套餐供應，得單點食物，價錢都唔平，坐位唔多，有D位置出現滴水情況。另收加一服用費。加州California Pizza $138薄批，批底軟，批邊好鬆脆，口感似餅乾。塗上千島醬 ，有菠蘿、洋蔥碎、紅椒碎同炸煙肉碎。好多芝士，有拉絲效果。滑蛋漢堡扒飯 $98賣相吸引。滑蛋夠滑，有微微奶香味。漢堡扒肉淋，都算厚身，配上燒汁。米飯用珍珠米，特別有咬口。店員另送上爆谷一小碟給小朋友，爆谷夠焦糖，脆身，牛油香。小朋友食得好開心。
繼續閱讀
一個場 有得食 有得玩📍地點：大角咀🍽️菜式：西餐💰人均消費：午餐 HK$150~200🔖服務費：✅🧻餐巾/ 濕紙巾：✅ / ❎🪑座位類型：方枱/ 長枱📝落單方式：QR code落單【滑蛋漢堡扒飯】💰HK$98漢堡扒係純肉搓成，比較有肉嘅質感。滑蛋蓋著飯上面，𢳂落去，有蛋有飯配個蕃茄香草汁，好食。【蜜糖雞翼-5隻】💰HK$68蜜糖淋係炸雞翼上面，必定好食。【酥炸魷魚鬚】💰HK$78炸漿酥脆，撈左香草。【兒童餐-雞翼、焗薯、蛋沙律、蕃茄醬肉丸、Qoo 果汁】💰HK$88#foodcourt #foodxcourtx #foodxcourtxTKT#大角咀搵食地圖 #大角咀美食 #大角咀 #西餐.SSP Cafe @ssphongkong🏷️大角咀海輝道18號一號銀海銀海坊地下G03&G05號舖
繼續閱讀
係隔離樂園玩足4小時後，過來cafe食埋野先。佢本身入口同樂園係分開，平時都可以自己walk in 入來食。環境好chill ,一邊對住海景,一邊望到樂園入面雖然係樂園附屬餐廳，不過價錢都算合理。有二人餐，有主食，小食，甜品都有。餐廳設計色彩繽紛，廚房吧台設計，望到叔叔煮野食我地兩大兩小，叫左兩個小食+兩個主食+飲品溫泉蛋卡邦尼意粉$98可能本身對樂園餐廳期望唔高，所以反而比到驚喜我。食物質素絕對做到西餐廳式嘅卡邦尼意粉並唔係港式求其嗰啲忌廉汁撈埋佢，對得住個價錢👍🏻漢堡扒蛋包飯$98漢堡扒食得出係自家製又厚又juicy，蛋皮亦都做得滑溜蘋果汁&橙汁$28@煙三文魚酸忌廉配法包$68煙三文魚嘅鹹香同埋先幾點啱啱好，法包亦都夠脆。每一塊嘅三文魚份量都唔少，讚👍🏻小食雜錦$88有雞翼，薯條，蛋沙律，蕃茄醬肉丸。每樣小食都係新鮮做起，所以薯條都係熱辣辣。餐廳食物質素同出品唔錯，價錢亦都尚算合理。如果去樂園就可以順便醫埋肚先走，再唔係平時過嚟食嘢，環境都唔錯呀~~
繼續閱讀
係klook買Super Sports Park門票, 送左份小食劵, 玩完就可以係裡面cafe 即刻填飽個肚 單叫價錢又唔會好貴, 同出面cafe 價錢不相伯仲, 食物質素亦幾高 食物選擇又多, 除左咖啡、汽水, 呢到竟然仲有啤酒、紅酒、白酒、cocktails 今次簡簡單單叫左煙三文魚乳酪多士 多士烘得好脆，乳酪應該用希臘式乳酪? 夠濃稠又唔太酸 橙汁就真係麻麻地, 呢個牌子有啲稀, 蘋果汁好飲啲
繼續閱讀
同小朋友去Super Sports Park玩，打算就喺裡面間餐廳食埋午餐先開始玩啦，原本都不抱任何期待會好食，諗住醫得飽個肚就算😆叫咗芝士焗肉醬意粉同橙汁，估唔到個肉醬意粉好出色，面頭放上好多芝士，一放低已經勁香，小朋友食完一碗又一碗，佢自己都食咗大半份，兩份食我直頭覺得唔夠皮，呢碟意粉性價比真係好高👍🏼杯橙汁就麻麻地好飲，其實都係倒出嚟即飲嗰種橙汁，不過可能佢哋用嘅牌子唔係太好飲，抱住唔浪費嘅原則我都飲晒😌玩完晒之後我哋再入餐廳食個甜品做下午茶，叫咗棉花糖朱古力千層窩夫配朱古力雪糕，窩夫係牛角酥窩夫，配雪糕好好食，一份有3件，好滿足☺️
繼續閱讀