Table

營業中

休息中

上次吃過這間餐廳的食物，感覺非常好，食物好有水準，所以又再帶家人來吃這家餐廳。喜歡這間餐廳的佈置，位置寬闊，空間感十足，被安排了位置，都幾舒服。今次試左啲扒餐，可以選擇用碟上或者是鐵板上。我們當然係選擇鐵板上，係本地特式，又可以感受汁料倒左鐵板的聲音和熱氣，好有氣氛。揀了兩個扒餐，一個是名字較特別的免翁牛柳，另一個是紐西蘭西冷。餐湯是羅宋湯，湯味濃郁，有濃濃既番茄香味。加上不同種類嘅雜菜，都幾健康。兩份牛扒我們都選擇了黑椒汁，上枱時店員會即時在你面前倒上汁醬，很享受汁醬倒下來的聲響，好有香港特色。免翁牛柳原來免翁牛柳是牛排的一種，為位於牛隻腰部的肉，在牛腰肉的末端。這個部位不是負重的肌肉，結締組織比較少而較軟嫩，被認為是牛肉最嫩的部位。每頭牛只有少量，所以價錢比較貴一點。紐西蘭西冷紐西蘭地理位置獨立偏遠，有著「與世隔絕」的地理優勢，所以呢度出產嘅牛肉質量都係不錯的。想不到用茶餐廳嘅價錢都可以享受到高質素嘅食材。今次食到的牛扒性價比都好高呀，肉質新鮮，質量很好。七成的熟度都可以令牛肉保持軟嫩，熟度拿捏得很好，牛肉味濃。隨餐亦付上很豐富的配菜，有雜菜亦有薯角，十分滿足😌最後叫咗兩杯嘢飲，都

其實食物，價錢都不錯，只係太多蚊仔🥲伴隨我們，我都被咬了幾啖，如果改善咗會好啲原來呢間分店在炮台山都有，叫茶東西，我認得店內嘅壁畫，而呢間晚餐抵食好多最後我們都食唔哂，因為其中一碟俾著蚊整到，唔想再食，湯同前菜都食哂

今日去食lunch, 我地二人share 4人位卡位坐, 要搭枱,之後用barcode點餐, 只係點咗一份食物, 出咗二份食物, 以為自己错手點多咗份, 跟住同侍應講點多咗份, 佢話幫我地delete, 之後再揀多一份, 未選又多一份, 跟住問佢會唔會張單同枱對方同一barcode, check 都唔check就話唔會, 只係話冇問題, 之後我同同枱都order咗凍檸茶, 但我要少冰茶濃的, 兩杯都一齊嚟, 侍應求其放低, 好快餐feel. 而且侍應成日係旁面行來行去, 見你一食完就收走你的野食, 想趕人走, 今時今日這樣態度, 就算野食有幾好味幾抵食, 我覺得都係其次.還有一邊食, 仲有的蚊滋周圍飛 .唯一好處, 就係Southside 呢個商場算平抵食.

今日又去發掘新路K，同車友遊完深淺赤石，就去咗黃竹坑新商場食嘢，好彩假日附近都多骨位。泊好車兜個圈就見到商場有間茶東西，之前喺將軍澳都食過，所以再返番兜。羅宋湯-十分濃郁，有少少酸甜和少少肉香，湯料蔬菜十足，讓人暖心滿足。西冷牛扒配蘑菇汁Order 7成熟，上枱啱啱好，牛扒外焦內嫩，充滿肉汁，而搭配大量蔬菜及薯角，超大份，性價比超高。牛肉石鍋白雞湯烏冬上枱時，熱騰騰的石鍋中，烏冬麵彈牙，吸收晒濃郁的雞湯，之後需要再加湯。而且牛肉選用大片厚切，較有口感而肉味更突出。飲品揀咗養生茶-雪梨杞子無花果，飲落幾滋潤，而且唔太甜，女仔揀呢個一流。

🚩之前食過將軍澳table 已經覺得好唔錯，響黃竹坑放工食晚飯都揀返table，將軍澳果邊偏西餐，呢邊偏中餐/茶餐廳feel～🔸免翁牛柳鐵板-磨菇燒汁$148（個牛超嫩滑0筋，入口即溶，裡面既薯菜配濃香蘑菇燒汁，啲汁淋落去噴哂煙，好正，必食唔該😎餐配嘅羅宋湯好足料～～～🔸蠔蝦球石鍋烏冬$108（熱㷫㷫，湯濃味烏冬QQ，蠔滑嫩鮮蝦彈牙）🔸話梅柚子梳打，加配$15（酸甜鹹香，好開胃）🔸桑寄生杞子菊花茶，加配$15 （好ok,自家煲，清肝明目，夠甘潤，好養生，飲完好舒服）

今日去位於黃竹坑站商場的港式茶餐廳融合多國元素的創意料理且親民價格套餐一選了美式什扒配羅宋湯羅宋湯以港式經典手法呈現濃郁的番茄底蘊中透出蔬菜清甜湯料豐富到幾乎可當作一道小菜盛裝於馬克杯中的設計更添懷舊感 主菜美式什扒選用鐵板盛載上桌時淋上黑椒汁的咋咋聲豬扒雞扒與香腸的組合份量十足尤其以豬扒厚切卻軟嫩不柴搭配薯角與清炒時蔬完美平衡油膩這道菜重現港式鐵板餐的熱鬧氛圍套餐二是巴基斯坦皇室咖喱牛肋肉飯養生燉湯是這套定食的亮點之一當日供應的蟲草花燉雞湯色清澈醇厚前菜選擇了關東煮有蘿蔔魚糕吸飽高湯清淡中帶有昆布的鮮甜為後續濃郁主菜作鋪墊  主菜巴基斯坦皇室咖喱牛肋肉飯以香料層次複雜的異國風味取勝牛肋肉燉至軟腍蓋上濃稠咖喱醬汁微辣中帶有椰奶香氣與白飯堪稱絕配最後配上一隻蘭王蛋作最強點綴

入面環境綠幽舒適，點了廣島蠔與蝦球石鍋烏冬，賣相不錯，難得地食到有石鍋的海鮮烏冬，內裏有日式配料，木耳粟米豆芽魚板，當然有不能小的蠔與蝦做主打，喜濃者大愛也。然後套餐餸菜非常豐富，包括蘭黃蛋醬油飯，採用了鬆化的乾身飯顆，混上濃郁蛋漿與紫菜碎後變成口感鬆化的有味飯，比起普通蛋漿飯更有層次。然後是茶碗蒸，超滑溫暖的茶碗蒸，有兩片東菇及魚板一塊和數顆肉顆。再來是川色紅油豬耳，豆瓣辣椒醬伴豬耳，辣度為濃味小辣。之後是蘋果桃膠燉排骨湯，真有桃膠，足料蘋果排骨甜湯。最後是泰式芥蘭苗炒脆肉，濃味脆燒豬肉炒芥蘭，份外惹味。配上養生茶，感覺超食完了很多道菜，套餐低食。

呢間門面好藍綠色入面望落又好似去左森林咁既環境餐廳,入面好多座位,而且食物選擇多,養生套餐真係好抵食,前菜叫左一份煮牛筋,牛筋入味又軟淋,另外養生小菜餐都包一盅燉湯，淮山紅棗雞腳湯好濃味同足料，食物叫左主菜桂花炸蝦，酸甜開胃，炸蝦又大隻彈牙好味，雪梨無花果汁清新口感唔會好甜，烏冬配芝麻醬汁岩晒。蒸蛋熱辣辣又滑溜。鐵板牛扒餐，牛扒大塊抵食，另一個養生餐木耳辣辣地又健康，份量好多，壽喜燒牛肉肉片都好大碟。

同朋友於下午茶時段，幫襯咗一個沙嗲牛肉餐蛋麵，咖喱漢堡滑蛋蓋飯，上菜時間都算快，沙嗲牛肉餐蛋麵，份量同味道都算可以，而咖喱漢寶滑蛋蓋飯嘅漢堡同飯都份量真係十足，咖喱味都可以，對於一個成年人，絕對可以滿足到食欲，但當咖喱漢堡滑蛋蓋飯，食到一半，突然嘴裏咬到硬物，吐出來一睇，發現原來係一塊大約手指甲咁大嘅蛋殼，於是找職員投訴，當時職員只係同我講話會同廚師反映，之後就一去不返，完全冇回應，連道歉一聲都冇，完全當我係傻嘅，咁嘅服務態度真係好有問題。

光線充足，環境優雅，有室內及室外雅座，幾十蚊一份嘅下午茶，絕對吸引！強烈推薦🔸芝士安格斯牛肉漢堡：🍔🥓份量十足，唔講以為食緊過百蚊burger餐安格斯牛肉肉厚多汁，配上芝士同秘製醬汁，啖啖滿足，配上美式薯角，新鮮脆炸，加埋野飲，都只係幾十蚊🔸英倫紳士炸魚薯條：炸魚薯條🐟🍟唔係好多餐廳會供應，因為要新鮮即炸，魚大大塊，外脆內軟，好多魚肉，足料呈上，加埋檸檬汁不得了，又係超值好推介👍🏻👍🏻🔸芥末雞扒漢堡呢個雞排包大大件，芥末清新開胃而且雞扒啖啖肉，肉汁爆曬出黎係一個好豐盛嘅下午茶

去Southside戲院睇戲之前，順道過嚟附近嘅呢一間人氣cafe食個tea。話說Southside成個商場都人流都唔係太多，倒是呢一間餐廳就要排隊，所以就決定跟着人流走，揀佢黎做下午茶嘅落腳點。餐廳裝修幾文青，牆上不少佛系智慧故事嘅壁畫，有室內室外部份，室外方便比有養寵物嘅客人坐。🍗炸雞髀分別有三款口味可以選擇，分別係柚子、芝士，同埋七味。今次揀選咗柚子炸雞髀，柚子係甜甜地嘅柚子醬，會令雞髀變得比較濕身，建議鍾意乾身啲嘅話，可以揀七味炸雞髀。而雞髀肉嘅本身就炸得幾嫩滑多汁，大大隻，唔錯。🍴雙拼三文治可以係餐肉/火腿/芝士/雞蛋/蕃茄，幾款材料裏面自選兩款，揀咗經典嘅餐肉配雞蛋，雞蛋滑嫩，餐肉邊緣薄脆，鹹度亦恰到好處，加上烘底嘅多士，整體出色係我心目中嘅餐蛋治。🍳蘭王蛋肉碎飯兩個橙紅色嘅蛋黃貌相非常誘人，加上邊緣薄脆，香口濃滑，拌飯一流。泰式肉碎帶有微微辣，肥瘦適中調味整體係幾惹味。

📍Table (黃竹坑)📍黃竹坑香葉道11號THE SOUTHSIDE LG樓LG03號舖板燒厚切牛舌北海道咖喱蛋蓋飯呢個真係要試！牛舌厚切得嚟完全唔韌，仲有超多舊，差唔多有四五嚿！板燒處理得香口又多汁，有啲微微焦香好吸引。北海道咖喱偏甜，口感溫和唔辣，拌埋軟滑嘅蛋蓋飯，食落勁有層次。見到都好多人叫，值得試吓！下午茶飲返杯紅豆冰解解膩，紅豆煮得夠綿，配上碎冰仲有少少煉奶，唔會太甜，可以接受！懷舊味滿滿，好有驚喜。

性價比高的晚餐 重點係燉湯超足料❤️養生茶係蜂蜜杞子菊花茶 有助於消化，為接下來的美食做了很好的鋪墊！燉湯係姬松茸蟲草花杞子燉雞腳這道燉湯是晚餐的亮點之一。湯底清澈，雞腳的膠質與姬松茸的鮮香交融，蟲草花與杞子的滋補功效更是讓整碗湯充滿了養生的氣息。湯的口感滑順，喝上一口令人感到無比滿足！茶碗碗口感好滑 好食啊！選配：胡麻醬菠菜胡麻醬菠菜醬汁香濃，菠菜的新鮮感與胡麻醬的香味相得益彰，係個開胃菜主菜：琥珀芥末脆蝦球琥珀芥末脆蝦球則是一道令人驚喜的開胃菜，外脆內嫩，芥末醬讓人胃口大開又唔會太熱氣水門雞飯雞肉滑嫩，配上特製的醬汁，微辣令人回味無窮。無論是單吃還是搭配湯品都非常合適！Table (黃竹坑)黃竹坑香葉道11號THE SOUTHSIDE LG樓LG03號舖

難得一場入到黃竹坑睇戲睇戲前梗係揀間好餐廳嚟善待自己啦😌由於時間唔多 就揀咗一間叫Table嘅餐廳諗住嗱嗱聲快食 點知有意外驚喜🙂‍↕️✨免翁牛柳（蘑菇燒/黑椒汁）$148可選鐵板或碟上 識揀一定係鐵板上咁先夠滋味🤪份量超級大 有粟米 翠玉瓜 椰菜花 薯角 紅蘿蔔當然唔少得主角牛柳兩大嚿 仲可以揀幾成熟添 🫣跟餐額外仲有羅宋湯 而且係用杯裝住感覺非常之特別✨4配養生茶餐$138言下之意有A B C D跟配一個燉湯 姬松茸蟲草花杞子燉雞腳仲有跟配一個茶碗蒸而前菜選擇胡麻醬菠菜而主菜揀咗琥珀芥末脆蝦球加配蘭王蛋醬油飯再配養生茶 蜂蜜杞子菊花茶個套餐係中餐形式 一個小菜就 當然要加配白飯食再加上蘭王蛋撈埋一齊係絕配主菜芥末脆蝦球份量相當多總括然而成個餐好有驚喜好有日式便當感覺

今次去到southside呢間餐廳，叫咗幾樣嘢，食完真係好滿足，想同大家介紹吓燉湯蘋果桃膠燉排骨：呢道湯品真係好特別！湯底清甜，蘋果同桃膠嘅香味融合得好好，排骨燉到軟嫩。高湯浸時蔬：啲娃娃菜鮮嫩爽脆，浸喺高湯入面，味道相當清新。星洲炒米粉：呢碗炒米粉真係好食，米粉炒得香口，配上啲蝦、肉片同埋豆芽，味道好鮮，還有少少辣味，味道剛剛好。廣島蠔+蝦球石鍋黑蒜油豬骨湯烏冬廣島蠔新鮮Juicy，蝦球彈牙，搭配上石鍋嘅黑蒜油湯底，令啲烏冬更加吸味。紅豆冰：呢個飲品一上來就被吸引！紅豆滑膩，配上剉冰同埋牛奶，食落去又甜又香。養生茶 - 蘋果桂圓茶：呢杯茶真係飲落好舒服，桂圓嘅香味同蘋果嘅果香配搭得恰到好處，飲完之後覺得身心舒暢。