UCC COFFEE SHOP

營業中

休息中

Lunch 過黎食，去到門口見冇人排隊都心知不妙(因為往時通常都要等位)，想食日式咖哩，所以嗌左個咖哩炸雞+沙律吧+飲品，非常失望，咖哩不太熱，而且味道同超市買既盒裝咖哩差無幾（屋企自己整應該仲好食），炸雞淋哂勁乾粉，飯是硬硬的，也不夠熱，不過基於惜食原則，盡力吃左半碟都頂唔順，唯有向食物之神懺悔了一下。沙律好難整得難食的，因為大部分係罐頭，罐頭菠蘿，罐頭鷹咀豆，罐頭粟米，薯仔沙律，生菜，所以不過不失，不過選擇極少，基本以上已經係全個沙律吧的料了。記得上次吃過下午茶，份量極少（小朋友都唔夠食）個碟係一個女人手掌咁大，加上是翻叮意粉，諗住只係下午茶問題，今次再給次機會自己去試多次，點知失望而回，大概可以永久放入黑名單也不算損失了。

今日下午光顧銅鑼灣廣場分店， 食物質素十分令人差勁， 碟什麼意大利燴飯，似被人食剩，無味，雞肉又鞋有雪肉味。。。。自助沙律食品種類少，亦被人一掃而空，冇職員加添食物，只剩数片西生菜， 幾件罐頭菠蘿 ，提子乾，麵包粒及一些爛番茄仔， 十分後悔另外加錢光顧沙律。。。。

最近又去左銅鑼灣UCC Coffee食飯😁晚餐叫左個咖哩漢堡飯 - 上面咖哩醬汁好香濃，非常好吃😋漢堡都好好味😎另外，自助沙律吧個薯仔沙律都好好味🤤沙律配料很多樣化，有蕃茄仔、沙律菜、粟米等等🔥裝到滿滿～再加上招牌凍啡，真係絕配❤️❤️如果仲有胃口既話，強烈推薦佢地既香蕉朱古力🍫窩夫🧇，每一淡都帶有濃濃既巧克力同香蕉，好爽！叫左咁多野都只需要$234，真心覺得價錢非常實惠。如果你也是 UCC Coffee 的粉絲，這個晚餐絕對不能錯過！🤤

銅鑼灣閒閒地都食你$100蚊以上, 想食到又平又抵既下午茶餐? 昨天中午經過銅鑼灣廣場一期, 見到有位就去左UCC食個下午茶👍👾黑松露煙肉炒蛋三文治 - $71👾輕量蟹肉菠菜本菇意粉 $78份量真係唔多, 但下午茶黎講就好足夠了👾最後叫多左份甜品 - 香蕉朱古力窩夫 $62食埋真係夠飽了😂😂 埋單$232.1 唔算平~P.S. 有Aeon Card仲會有折扣優惠~😍😍

自從搬離港島後，很久沒去銅鑼灣那邊吃東西了⋯今天中午經過銅鑼灣廣場一期，心血來潮想上去ucc cafe吃個下午茶。.不過很快我便感到有一點點後悔了。闊別多年，銅鑼灣這間樓上ucc cafe還是得排隊輪候，而且速度超級慢⋯其實現場等候的人並不多，只是每位的輪候時間都好長喔！（哭 ，好像等了45分鐘才進場，以一間連鎖的「舊式」咖啡廳而言，有點不值（主要是那天百無聊賴，又懶得再轉地點，於是便呆呆地站在門口邊刷手機邊等位⋯.最後我們二人點了兩杯招牌咖啡，和兩份甜點：鮮果窩夫、海鹽焦糖窩夫。兩款甜品賣相和味道都是傳統派咖啡廳的水準，沒有太多新奇古怪的創新配搭，就是一碟平平穩穩的窩夫🧇不過就個人口味而言，草莓醬略微偏向藥水味。放在從前可能會不以為意，不過，當現在滿街小店的甜品都愈發高水準下，有比較便開始有傷害了。畢竟好像滿久沒再嘗過藥水草莓醬口味了吧⋯還好雪糕球夠冰涼、軟硬適中，溶掉速度沒有什麼問題。（吃窩夫時，超怕看見秒速溶成液的雪糕球）雪糕有香濃奶味，挺好吃。

平日下午茶時段，冇諗過食UCC都要排隊，不過因為太耐冇食，加上入邊真係坐得舒服，所以就等咗一陣。嘢食都唔錯，意粉沙律麵包都幾好睇，意粉比想像中彈牙，煮得啱啱好，海鮮沙律都幾新鮮，仲會配麵包，窩夫真係整得唔錯，即叫即整，所以整體質素認真唔錯。尤其是如果你係帶住小朋友嘅父母，呢間餐廳都算係小朋友Friendly嘅餐廳，BB凳就唔使講，最重要係餐廳有兒童餐，同埋好多食物小朋友都係可以食到嘅。座位夠晒寬敞，我哋連埋BB加埋BB車都夠位，非常適合有小朋友嘅父母帶埋小朋友一齊去食😊

尋日預錯左時間出門口，諗住食d嘢路過ucc cafe，啱啱開門唔洗排隊就叫左今日special menu 士多啤梨牛油果牛排沙律☺️一上枱見到好豐富，已經好開心😁成件事都幾keto friendly但食食下先發現有少少藜麥😂下次食要寫走藜麥D牛油果又幾靚，黑醋分開上我剩係食蕃茄仔有點少少醬牛扒都有少少汁流落d菜度牛扒無乜味🤣食完再飲埋杯凍咖啡☕️滿足🥰$168用aeon card有九折UCC Coffee Shop (銅鑼灣)銅鑼灣軒尼詩道489號銅鑼灣廣場一期2樓

其他野食正正常常，無話特別好食；對比同一類型飲食餐廳，價格偏高。但UCC招牌咖啡 誠意推薦！下午茶餐都無咩特別，試過味就ok啦。唔會再黎。 店員服務質素ok阿！整體ok。不過不失。 順便幫大家更新個tea set menu

隨著部分社交距離措施逐漸放寬， 今天發現UCC的自助沙律吧也重新開放了。 雖說沙律吧內的食物都是些很普通的蕃茄、菠蘿、紅豆、粟米、薯仔、新鮮菜等， 但可以見到沙律吧的重新開放，感覺上， 熟悉的UCC回來了。自助沙律吧及沙律餐湯香濃美味，蒜蓉飽是跟餐選的，正好用來配湯一起吃。黑松露醬鮮白菌帶子意大利燴飯，差不多每一次光顧UCC都會點的，很香的黑松露味、意大利燴飯又不會太膩，幾個人分享來吃甚佳。西冷牛扒， 香口的牛肉， 加上附在牛肉的牛筋，甚有口感。多年前，UCC的窩夫都是在餐廳內製作的。曾幾何時，不知甚麼原因，UCC 改了用工場制的窩夫，味道及質素大大下降，令人失望。今日的窩夫，又變回現場製作的，味道一流。總的來說，今餐吃得頗為滿足，價錢也算是非常合理。吃完今餐，終於感到疫情對大家生活的影響，該到尾聲了！

很久沒有來UCC，因為常感覺物非所值， 我可以有更多開心的選擇。不過幸好朋友扯了我來，我又改觀了。起碼花多少少錢，能夠在CWB找到一個寬大舒服餐廳坐下，非常難得。除了碟菠菜份量過份少外，整體來說食物質素尚可，反正煮這類pasta就不是太高難度太麻煩菜式，煮得好是應該的。來UCC，永遠最吸引我是個甜點waffle。 我說我就只吃waffle及菠菜已足夠(起初不知是小人國份量)，不吃別的了。Quota 就留給賣飛佛栗！但朋友說我這樣是不飽的，她說不如共享啦！其實我對意粉完全沒有興趣，自己隨時煮到來吃，用不上花百塊錢品嚐。但朋友的好意要珍惜，唯有放棄獨享一個waffle 的機會。Waffle 以外，UCC咖啡亦是我的喜好，雖然已經是晚上，來了唔飲一杯則對不起自己。這兒咖啡多年沒變，淡淡咖啡香撲鼻，入口不乾不澀，順滑落喉，全部都是剛剛好，一杯過後無窮回甘。

星期日嚟下午茶，自助撳飛排隊等位，等咗大概半個鐘就有枱，算係ok，食物同環境都可以，係有個黑衫黑裙嘅黑面經理，我地三個人，檯面只係得兩份刀叉同碟，請佢比多一份我地，面黑兼發晒脾氣叫其他人攞，到叫埋單又係黑面發晒脾氣叫其他人攞張單過嚟（ 冇辦法唔叫佢，佢因為我張枱附近真係見唔到有其他侍應）。 講番嘢食，可能因為下午茶， 意粉真係好細碟， 但窩夫都幾好食。當日招牌咖啡冇貨，轉咗做炭燒咖啡，正常水準。 由於服務實在惡劣，短期內不會再幫襯。

UCC又有新餐牌啦，新加入既All Day Breakfast 全日早餐，下午茶時段食佢嘅tea set之餘仲可以試吓呢一個全日早餐，佢包含咗經典嘅款式，更加新增咗有窩夫同埋煙火腿片，味道又真係唔錯，仲要包咗一杯橙汁，簡直就好似食緊早餐咁，橙汁之餘包埋佢哋UCC嘅招牌咖啡，值得一提嘅係呢杯招牌咖啡佢嘅奶係分開，可以自由控制奶嘅份量，我就比較鍾意多奶，所以成杯睇落似奶茶😂，佢嘅奶真係好特別，仲要係UCC專屬，出邊嘅咖啡佢哋大多數用嘅奶係鮮牛奶，但佢哋嘅奶係有啲鹹味同比較潔，咖啡就係蒸餾出嚟嘅，所以佢有種特別嘅味道，香濃唔再講，仲要唔使加任何費用就可以享受到，所以真係非常抵👍🏻👍🏻👍🏻而下午茶set方面佢係有12款可以揀，至於麵食嘅方面雖然係下午茶輕量版但一個意粉嘅份量都可以頂到整個下晝😆😆令一杯比較精緻嘅係炭燒咖啡，佢嘅唔同之處就係更濃郁，更香，只係加$10就可以升級炭燒咖啡😍😍仲唔快啲嚟試吓😏😏

佢嘅咖喱炸豬扒飯不嬲都唔錯 咖喱係選用日本咖喱帶甜之餘 炸豬扒炸得黎好鬆脆 配埋白飯簡直一流 但唔知係唔係繁忙時間嘅關係餐廳嘅服務態度一般 成間餐廳嘅侍應都好忙 等咗一段時間先有人嚟落單

今日收工打算搵啲好野食 咁岩諗起身邊朋友10個有8個都話UCC吾錯 咁岩喺銅鑼灣就打算去試下 等位吾洗好耐時間 帶位嘅員工都有禮貌 到落單時 幫忙落單嘅員工好似趕住要我地快啲落單咁 說話又好快 根本聽吾清楚佢講咩 問佢套餐點計 靜係話包野飲餐湯沙律吧 但無講清楚包啲咩野飲 最後決定吾要套餐 主菜飲品都散叫 但該名員工落單居然幫我地落左套餐 都算了 沙律無食 跟餐飲品無叫 飲左個湯 水一樣 淡而無味 另有員工（短髮阿姨）見狀 幫忙改了單 只收餐湯套餐 呢樣值得一讚！主菜到 叫了一個菠菜雞肉忌廉意粉 水太多 用叉撥開時 意粉形狀似拉麵 雞肉份量不多 不值$100以上的質素另一主菜 煙三文魚菠菜芝士焗螺絲粉 不過不失 煙三文魚比較燶 正合我意！飲品叫了凍朱古力雪糕 朱古力味太淡 似溝太多水 飲品底部有似未搞勻的朱古力粉似茶餐廳質素溝水的朱古力 不值$58 今次食完之後 都吾會再幫襯🤦🏼‍♀️

久違地光顧UCC，主要是因為太想飲一杯佢既咖啡。香，濃，回甘(自己感覺同另外一家x兩既日式餐廳咖啡好相似)。平日不甚喜愛咖啡既我，對咖啡亦好少有研究，但係真係好鐘意UCC咖啡既味道。如果你未試過，都誠意推薦給你。至於食物方面，當日食一個UCC下午茶意大利燴飯，八十幾蚊，味道普通，分量太細碟，個人覺得單為食物性價比不高。