URBAN Bake n Take

營業中

休息中

2023.02.10 lunch呢一日路過呢度，再次望下佢啲外賣食品，有沙律，有一、兩款飯或意粉或薯菜，仲有一個焗飯，但以咁樣外賣 feel，價錢就唔算平，但又睇佢可以揀三款配菜 (烤番茄仔、烤南瓜、西蘭花，另外一款配菜就係飯或意粉或薯菜)。 我哋揀咗香烤三文魚同另一個黑啤烤燴牛仔肉，一個配飯，一個配意粉。 配菜味道全部都好味，三文魚都ok，都幾大件，但就會冇汁，本人就冇乜所謂，因為三文魚同其他配菜有味我都ok。至於黑啤烤燴牛仔肉，有點意外冇乜味，因買時望落好似幾美味咁，有點失望。

一向都有係到買早餐，因為有新鮮出爐嘅麵包供應，但呢一個早上令我好嬲😤😤😤 呢一次一定係俾尖評！不過，除咗味道，因為呢度嘅包係好味嘅，尤其是新鮮出爐。呢一個早上發生嘅事係必須劣評！仲要其中一個包係未焗夠！有部份係生麵粉😒😒 其實當店員放完落膠袋，我睇到個樣都想叫換過個，後尾都冇，真後悔！睇吓下面個個包，唔好以為白色個啲係芝士，一食先知係未焗透嘅麵粉，其實從麵包盤放上去售賣枱時都應該觀察下係咪可以俾顧客😒 同埋，見唔到個袋已經朦晒，有水氣，就係我想講埋，間唔中啲店員都唔理個包有幾熱，就張你個膠袋貼到實一實，密不透風！其實係唔需要亦唔應該，就算你哋要做呢個動作，係咪應該點都要留個口抖熱氣呢，你貼實晒，焗到成個袋都滿晒水氣之餘，係個包都濕埋，影響晒個味道！可唔可改善以一下，令每位店員都知道呢個重點呢？第二，裝修完之後，收銀處嘅收銀機係完全冇畫面俾顧客睇到scan 完之後個包幾錢，今日好似整定咁，因一開始就貼實咗一個包，我即時話唔使再貼，佢就話俾張單我，一望，收多兩蚊😒 平時冇單，又冇講總數收幾錢，點知你有冇收多呢又 😒😒

離職總係要買散水餅呢一樣成日會令我好煩惱之後朋友同我講原來呢間Urban Bakery可以預早預訂迷你泡芙一盒有12個迷你小泡芙細細個，味道又幾好味賣相又唔差 不論係做散水餅定係送禮俾人都唔會失禮但係買完最好係第一至二日食我買咗返公司之後有啲同事第三至四日食味道雖然都仲係幾好味但係口感就冇第一日食嘅咁香脆可口呢間分店係唔可以電話預訂係要親身到分店俾埋錢先可以預訂成功旺角嗰一間，聽講就可以電話預約🫢大家可以試吓😆😆

最出名係牛角包... 已經試咗好多次... 都仲係經常回購!👍👍👍今次見到啲雞批同拿破崙好似好正... 忍唔住又買嚟試!🤭🤭🤭 雞批入面嘅雞肉肉質嫩滑... 忌廉汁又creamy... 係食過咁多個雞批之中最出色、最好味... 雖然要$25一個... 但真係好正!👏👏👏拿破崙嘅千層酥餅夠香酥又脆口... cream唔會漏又唔會太甜... 夾埋合桃仁非常吸引... 而且仲好抵食... $12一件... 下次可以再encore!😋😋😋

之前慶祝同事生日，有同事喺呢度訂咗一個oreo蛋糕，食過覺得幾好食。今日下晝經過呢度，同事又話想食蛋糕，所以就買咗件了newyork cheesecake返去同佢兩份食啦。啲芝士都軟身有口感，但略嫌個皮就好厚身好實，佢畀嗰隻木叉都拮唔開，對比上嚟，冇果個oreo蛋糕咁岀色。

之前食過Urban Bakery焦糖牛角包，見到介紹菠蘿牛角包好味，經過買黎食，真係皮脆香甜，同法式牛角包內層口感結合，如果配埋雞蛋沙律餡仲正 今日lunch同事經過Market Place -Urban Bakery聞到好香麵包味，見牛角蛋撻新鮮出爐，分柑同味買多一個比我，食落有香濃的蛋味，冇葡撻甘甜，酥皮又吾會一咬落去即散，吾會食到周地碎。 繼焦糖、菠蘿牛角包後又多一款選擇，價錢合理，牛角包成日買二送一 Croissant egg tartBall Law Croissant

✨呢間麵包鋪經過好多次,次次都無買過,見到個好似菠蘿包咁既牛角包,個樣又幾得意喎,所以買黎試下...🤔比錢時仲見到啲泡芙個樣好似得得地咁,所以都買黎試...點知好失望囉...⁉️.💬牛角包 利申,我事實係買收鋪前包裝好既特價包,唔係啱啱出爐嗰啲,唔知係咪唔係新鮮貨,個包口感有d軔,味道好一般😩。.💬朱古力榛子忌廉泡芙 / 雲呢拿忌廉泡芙 💰@$15- 朱古力味普普通通還可以唔係好濃個啲,唔算好甜,泡芙頂有朱古力脆面,個皮有少少淋,味道一般，$15黎講差唔多吧😞- 雲呢拿味唔知點解有少少雪味...???點解呢...?味道都係好一般🙈...

  lee  個星期, 唔太 happy 啦, 因為有兩個同事同我地 say good bye..... 今日 ga farewell cakes 比較特別, 係泡芙呀, 有雲呢拿味，朱古力味，同綠茶味同事一打開, 我覺得好靚呀, 同都幾好食, 又唔會有膩 ga 感覺.  食完就同同事仔講 bye bye la 

依家好少買麵包需要大排長籠！！今日係URBAN Bake n Take (九龍灣Market Place內)見到呢個場面都嚇左一跳！！咁好食要排隊買！！不過真係見到一盤盤不提款式嘅新鮮麵包不斷推出！！確實壯觀！！我都跟住隊尾買左新鮮出爐加賣相吸引嘅千島醬腸包！！$13有少許貴咁！！番到公司即刻急不及待拆開嚟食！！店員很貼心, 係袋口用膠字封好, 番到公司先食都仲暖㗎！！好窩心呀！！香腸超脆身！！大大條！！香腸仲長個包添！！哈哈！！望到都想笑！！包包軟棉棉的！！面層仲有許多千島醬加芝士加香草！！食完包包後！！口中仲留有千島醬嘅餘香！！整體一個正字來形容！！

平時行market place買送之餘，最鐘意順便買幾個面包食下。最鐘意食焦糖牛角包，仲俾我見到近期大熱既芫茜牛角包，原來下午開始做買2送1優惠，所以一買就買左3個。加力茜牛顧名思義就係蒜蓉芫茜牛角包，中間有蒜蓉芫荽醬，好重蒜蓉味仲有啲芫茜中和返，又唔錯喎！16蚊個，都可以接受！

焦糖咖啡泡芺～～～～～～～焦糖咖啡忌廉：忌廉比其他鋪頭嘅多泡芺：我知係唔係因為叫焦糖，所以有好多糖黏係泡芺到，搞到好甜，個人唔太鐘意。值得讚嘅係裡面唔算話太多空氣。*細心位：泡芺係用紙袋裝住，雖然個紙袋幾靚，但係攞個泡芺出黎幾時候同食嘅時候都唔係幾方便～～～～～～～～～～～～～～～～～～～～～～整體：$15來講幾抵食

一入壽d香味已經好吸引！買3送一好抵食！所以3條友忍唔住一人一個朋友話朱古力麻麻但得個焦糖咖啡就正到暈！好香焦糖同脆脆地中間d coffee cream 又夠味！但一定好肥！食完要跑多幾個圈

這間麵包店我每天返工都會經過，好多時候也會入去買早餐，長長人龍，店員每天也很忙碌的，有人負責整三文治，有人負責幫客人包好麵包，有人負責在整麵包，因為全部係新鮮出爐的，他們的焗爐好多個的。甚是吸引，甚是充滿麵包的香氣今天買了一個芝士包回公司，還可以加錢配咖啡奶茶，不過我沒有加。熱辣辣新鮮出爐，回到公司還是暖身的，麵包不算好大，但真材實料，不會空洞洞，好有飽足感，芝士也不吝嗇的，好軟綿綿，好好味，還有些香草。我好欣賞這裏的出品，用心制作

想買幾打餅送人，又想有啲新意，兼食得又睇得，左度右度決定係Urban bake and Take買！總共有2款禮盒～（每盒12件）一個係puff, 一個係牛角酥個盒有型有格，更右令人好奇打開嘅樣「迷你泡芙盒」（一打）$98除開大約$8 一件本身店鋪有5隻味嘅泡芙，而泡芙盒則可選其中3款。我揀左雲呢拿味，朱古力味，同咖啡味成盒打開真係好靚呢個係凍食嘅，個個朋友都話好食！入面啲cream又唔會太甜～迷你牛角酥盒（一打）$108 （以上圖片有2件牛角酥已經偷吃了）計番每件大約$9，比泡芙盒貴少許。牛角酥有4款，款式set好左唔洗揀呢個都大獲好評又脆又香口！呢2款禮物盒真係好適合派俾朋友食！又靚又好食，款式多可以俾人按口味選擇，贏取唔少掌聲而且價錢唔貴，只要早一日打電話去訂就ok!

是晚，出席親戚婚宴，除了東海堂西餅，還有Urban出品的泡芙款客。泡芙外皮稱不上十分香脆，質感偏韌且實了少許，幸仍具口感。雲呢嗱忌廉泡芙厚厚的塞滿泡芙內，質感綿滑細膩又結實，蛋味香濃，且不太甜膩，小妹蠻喜歡的。抹茶忌廉泡芙的忌廉色澤嫩綠，抹茶味淡薄，失卻回甘之餘韻。幸而，泡芙上的脆粒，增添口感，挽回不少分數。朱古力忌廉泡芙除了中間夾心的香濃幼滑朱古力忌廉外，還有泡芙上厚厚一層的甜膩朱古力醬，入口頗為膩滯，教小妹吃不消。