影片
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
依間店長期都要排長龍。今次等左15分鐘左右就入得！繁忙時間，冇辦法要同人拼桌。今次叫咗三款—香酥脆雞便當、紅燒牛腱湯麵、和牛QQ牛根丸湯麵—全部都係大份又抵食！【香酥脆雞便當🍗—邪惡炸雞厚切丼】不得了！一上台，即刻見到兩塊超厚大炸雞塊，外皮脆卜卜，睇相都感受到個香氣！咬落去咔咔聲，雞肉超嫩，唔會乾爭爭，醃得夠味之餘仲有少少胡椒香—食完個人精神咗。配菜方面有滑蛋、爽口醃菜、醬汁冬粉，組合豐富唔單調。飯用珍珠米，粒粒分明又唔會濕笠笠，炸雞配飯真係邪惡得嚟好幸福！配菜粉絲又入味。同事都話要即刻影相照先食～😋【紅燒牛腱湯麵🥩—肉感厚切，湯底濃郁】牛腱湯麵真係誠意之作！碗面有幾塊厚到不行嘅牛腱，滷得入味，入口鬆化但唔爛，帶點牛筋黏口超滿足。湯底係紅燒風味，飲落好濃，好出牛香但唔死鹹。關廟扁麵爽滑彈牙，每一啖都吸滿湯底精華。加埋一串炸豆卜，層次好豐富，食到最後都唔會膩～阿里山蜜香烏龍茶做tea pairing好啱。茶味夠香，回甘之餘仲有少少蜜味。午飯飲住，夠晒refreshing，唔會口乾乾。【和牛QQ牛根丸湯麵🥢—牛丸彈牙，湯頭清甜】呢碗和牛QQ牛根丸湯麵賣相比想像中有驚喜！成碗有五粒大和牛丸，每粒都超彈牙、咬落去有肉汁好Juicy，而且冇牛腥味。黑麻油雞湯底好濃郁的麻油香味，夾雜住淡淡既好似藥材當歸味，唔會太濃，好好味！我今次特登點選雞蛋面，質地彈牙蛋香又足。豆卜吸晒湯汁，加埋冰凍25%甜度的花壇翠玉，味蕾十級滿足！【環境 & 價錢 ✨ 】成張order total先$234，三大份主食+靚飲品，平均一人$78左右，性價比超高！😆💯堂食位舒服既，唔會太逼，但就係有食完就要拿拿聲走的壓力，冇辦法啦，外面午餐時間長期都有人等。
繼續閱讀
小人對於台灣菜餚，僅是略懂皮毛，只知道台式風味偏甜，今次在此家台式便當開餐，且看如何。柯打的是滷排骨便當，未有想過出在眼前的竟然是一大塊炸豬扒！首先豬扒有部份預先切開，卻又沒有切到尾，小人需要在面積不大的碗面上舞來舞去，狼狽不堪！豬扒是脆的，誰知道非常非常之重口味，鹹到反艇！是用來佐飯的吧？碗內還有些椰菜、木耳及菜脯，無甚作用，未能做到增添食味。小食要了炸蝦卷，蝦肉很實，跟豬扒一樣油份相當高！未如所料，以為是偏甜的東西居然勁鹹，難食到傻眼！
繼續閱讀
份量好多，對得住個價錢。一個女仔食基本上好難食得晒，三個人嗌兩個餐就啱啱好。佢啲粉絲好好食，但係啲小菜有時會比較偏油。整體而言味道比較濃，如果係鍾意食淡嘢嘅人未必好啱食。
繼續閱讀
嗰個招牌滷豬扒便當鹹到無法形容....環境麻麻哋，明明都冇乜人好多空位，但都需要與人哋搭枱，服務都可以嘅，但係淨係嗰個食物唔知為乜都鹹到滯....然後就係話嗰個便當餐圖畫有飲品，但上嚟就冇飲品，但係同枱別人同樣餐就有...唔知係唔係台南嗰個風味就係咁鹹，定係話廚師個問題。都希望可以俾人去選擇啲鹹度喇雖然呢塊排骨都幾大嚿，炸嘅都幾酥脆，但係因為鹹嘅問題，都算是一次好差嘅用餐體驗啦。唔值得我專程過嚟食。
繼續閱讀
公司附近其實有唔少台灣菜既選擇...呢間小店係我會不停encore~Lunch 飯堂之選原因 有2個第1 性價比高，大大份第2味道正宗，無論食物定台式飲品🫶同事嗌左嘉義雞肉便當飯配上雞油再配肉鬆小菜 好好送飯，雞肉食落唔乾柴。滷排骨便當🍱 大大塊炸排骨大過個碗炸到金黃酥脆，食到啖啖滷水咸香。食肉獸表示大滿足🤪。另外嗌左個綠豆牛奶沙冰，綠豆沙同牛奶混合比例啱啱好，本身依杯野係香港比較少見，飲落去質感沙沙，入口好綿密。
繼續閱讀
您可能會有興趣的...