影片
以上資料只供參考, 請與餐廳確認詳情
今日就去左茶痴買手搖飲，平時最鍾意就係飲綿芝醇茶系列綿芝白桃烏龍面頭既奶蓋質感幼滑，味道鹹甜鹹甜，奶香滿滿，我會先飲咗奶蓋，再飲一啖茶，茶底有淡淡嘅蜜桃清香，烏龍茶底回甘，之後再撈埋，入口更順滑另外見到新出左粒粒西瓜蘆薈，新鮮到乜咁，天氣咁熱就嗌咗一杯試吓主要用左馬來西亞既西瓜，底層超多果肉，果肉清新爽口，配撘四季春茶底，西瓜同茶底完美融合，底層既蘆薈粒粒好有咬口，加上每啖都食到新鮮果肉，層次豐富
繼續閱讀
難得中環半日遊！飲我最愛的CHICHA茶痴 招牌綿芝奶蓋系列 絕對係世一奶蓋！咁多年都維持到水準！鹹香又口感綿密而果茶直頭無加糖整！飲咗佢杯限定 — 綿芝青森蘋果 飲得出係用咗日本青森縣蘋果 好清甜！茶底係白桃烏龍採用原片青茶茶葉加入白桃乾烘炒吸取白桃香氣，係最原始嘅台灣白桃烏龍味道呢啲天氣飲好解渴🤪而粒粒西瓜蘆薈用新鮮西瓜做沙冰🍧底層有好多西瓜粒同蘆薈粒 好解暑😙大家要支持下呢啲local brand 🥰
繼續閱讀
前幾日去港島睇家具展，當然要飲杯廢水啦！我今次試左呢杯季節限定嘅綿芝青森蘋果，都係用新鮮蘋果即場整出嚟，仲可以轉埋乳酪奶蓋，好飲到停唔到口！另一杯黑糖仙草條條奶，啖啖都有嚼勁，仲要香甜得嚟唔會太甜！兩杯都係極級推介！新鮮青森蘋果即場整，乳酪奶蓋完美配搭！🍎✨仲有黑糖仙草條條奶，口感一流！飲完真係幸福感爆棚！想知邊度飲到？快啲留言『想飲』！#季節限定 #新鮮蘋果 #奶蓋控 #黑糖仙草 #飲品 #推薦 #港島 #九龍
繼續閱讀
今日去開港島區做facial，順路去行下街先，行到攰攰地，坐低飲杯野，朋友介紹有間開咗好多年嘅「茶痴CHICHA」，款式味道多選擇，選用不同國家產地原材料。🍎綿芝青森蘋果 $48～ 採用日本青森縣蘋果配上綠醇打成沙冰配以招牌綿芝奶蓋，厚身細緻質感濃厚芝味。奶蓋由香滑芝土和新鮮牛奶製成，不含任何奶精成份。香滑牛奶配上淡淡的鹹芝士，口感濃厚而不膩，再配上各CHICHA 系列飲品，令口感與味覺層次更加突出！🧋黑糖仙草條條奶茶 $37～原材料全來自台灣，手工台灣仙草條條，每日新鮮刨製。三種來自食材本身的甜味混合層次感大提升，配以濃厚紅玉純鮮奶沖調，順口天然之奶茶。
繼續閱讀
話說我已經去過上環文咸東街嘅茶痴不下十次次，應該係佢哋嘅第一間分店（如果我無記錯😅）。每次行經上環，總會忍唔住入去買杯茶飲，佢嘅芝士奶蓋同季節果茶真是一個字：正！首先要大讚佢哋嘅芝士奶蓋，入口係濃濃嘅真芝士味，咸香得來又唔會太膩，奶蓋質地綿密，啖啖都係滿足感！每次飲完都覺得好治癒～ 配上佢哋嘅茶底，層次感爆棚，飲得出用心講到茶，白桃烏龍同小山園抹茶係我嘅最愛！🍑 白桃烏龍茶香清新，帶點白桃嘅甜美果香，飲落好順喉，夏天飲超解渴！而小山園抹茶就係抹茶控必叫，茶味濃郁帶點微苦，餘韻好舒服最吸引我嘅仲有佢哋嘅季節限定果茶，每次有新款我都即刻想試！😋 日山梨縣桃、台灣青棗、日本白桃、綿芝荔枝，每一款配上芝士奶蓋都係絕配！🍑🍈 當中我最鍾意綿芝荔枝，荔枝味好濃好香，甜度啱啱好，芝士奶蓋加持後更加有層次，飲完一杯仲想再encore！佢哋用嘅水果原料好新鮮，感覺好有誠意，怪唔得係佢哋嘅招牌果茶。
繼續閱讀