影片
營業時間
今日營業
13:30 - 23:00
星期一至四
13:00 - 22:30
星期五至六
13:30 - 23:00
星期日
13:00 - 22:30
以上資料只供參考, 請與餐廳確認詳情
相關文章
糖水舖要等就預咗嘅，本身未入坐已經等咗大概二十分鐘，夏天等到成身汗🫠但係估唔到嘅係入到入面坐，店舖入面嘅冷氣完全唔夠（幾乎係冇）仲焗過室外，而且鋪頭剩係掛住做外賣單都冇乜出過堂食單；結果等咗足足二十五分先有店員行過嚟話廚房入面有幾張單出唔到，冇芋圓要轉其他嘢，同店員講轉小丸子，結果等咗5分鐘，又話冇小丸子，好混亂😑————————————————食物方面由於等咗好耐結果冇芋圓又冇小丸子，朋友冇癮就取消咗四喜仙草，黑芝麻雪燕西米露都冇咗芋圓，不過就好彩仲有得轉桃膠，味道不過不失。
繼續閱讀
滿心歡喜想食仙草嘅你，呢間甜品舖一定會好失望。佢嘅仙草係完全冇味而且仲要係圓形一磚感覺好預製罐頭咁。啲芋圓係熱嘅，擺咗落啲凍嘅嘢度就搞到所有嘢都即刻唔夠凍。個底係所謂嘅冰底，但係真係水嘅冰底，得水味唔會好遲鮮芋仙有啲黑糖 其餘嘅其實都係普通水準，應該唔會有下次除咗嘢食方面，餐廳都有啲問題。坐得好逼夾，排隊情況都好混亂，員工亦都冇乜點安排，搞到成間餐廳迫滿人 同埋食一餐好大浸「除」，個人認為浸味好難頂，同埋冷氣都唔係好足夠。。。
繼續閱讀
買了外賣，需要等係正常，在門外等待見有凳咪坐係度等，坐咗一陣就有店員來收返張凳，到取外賣我向店員提出，怎解寧願張凳擺係度都唔俾叫外賣嘅客人坐，後邊另一個店員加把嘴九唔搭八答我製作需時，後尾我再重複講返個問題，但話d凳比堂食嘅人坐，我當然知堂食人要坐，堂食又唔滿座，外賣個位置果凳就係我坐果d凳，收返咪又係擺係度，我已經好識做企咗出去等，見有凳咪坐下啦，嗌外賣d客人就唔應該有得坐咩，真係乜嘢服務，我有消費㗎，香港就係呢d咁唔識變通服務，怪不得個個北上啦(圖片圈住就係收返入去嘅凳)
繼續閱讀
經營模式完全唔得，叫位入坐但係完全唔夠staff營運，路人入去隨便自己搵位，冇人阻止。正經等位既等左成粒鐘，入到去仲要再排隊買野。堂食同外賣同一條隊，食個甜品浪費左粒幾鐘時間
繼續閱讀
明明拎籌排隊，結果無拎籌既人直接入去搵位坐，有拎籌既人就係外面白等。店面人手唔夠，完全冇管理到秩序問題，麻煩檢視一下。安排好差。堂食限時三十分鐘，結果有位坐低，叫野食都等左三十分鐘。
繼續閱讀