影片
彤記雲吞牛腩麵：來回地獄又折返人間昌運中心後方面向大埔中心市區的士站，OK便利店後因為早前看過地區網台介紹，看似有點吸引，加上抱著支持地區小店的想法，今日中午親身去體驗。分享個人食後感，希望幫襯時識得選擇食物款式，不喜勿插：1️⃣雲吞湯底奉送韮黃而不是蔥，正宗廣東雲吞格局。以$ 39價錢嚟講，湯底不可以要求太高，雖然淡但合格2️⃣雲吞大小合適，唔會大過乒乓波（一般街坊店尺寸）或者细細粒（麥丕、正斗高檔路線）。 雲吞餡有蝦、豬肉、肥肉、大地魚粉），好食3️⃣麵條爽彈、冇梘水味，好食4️⃣南乳豬手，附有花生，味道似阿媽煮咁，入味唔會死鹹，而且豬手炆得剛剛好，不會太硬也不會一夾就爛，我會覺得好食過雲吞5️⃣五香牛腩麵，絕對中伏。🔹一上枱個樣以為係肉骨茶(馬來西亞嗰種)，飲湯分唔出咩味道。 🔹好出奇會有蘿蔔，不過因為湯底太深色，起初以為係牛薑，因為成個外貌黑晒。🔹牛腩更不濟，比車仔麵的碎腩也不如，有啲肥到似五花腩、另一啲全部係牛肉邊，同一樣唔夠火候炆，全部放棄 🔹（個人相信因為為成本理由，食材揀選最似牛腩嘅嘢，再加蘿蔔以為可以砌得好睇啲）6️⃣個人認為廣式雲吞麵應該配辣椒醬而非潮州辣椒油7️⃣筷子筒內有活生生小強 😨🔹醬料盛皿及筷子筒都有心思用上較好的物料，可是當拿出筷子🥢時，筷子中間黏附着一隻綠豆般大小的小強🪳，仲係生㗎！🔹即時通知唯一的女性店員，她好有禮貌地取走筷子．．不過沒有即時更換筷子筒。我亦抱著支持的心態，繼續在筷子筒上取筷子用（當然用紙巾猛摔）🔹奇怪地，當我食完俾錢，女店員仍沒有動靜去處理筷子筒。本著對接下來的顧客利益，我離開前開口叫佢要處理，至於事後有冇處理，就不得而知⋯⋯你問我會唔會再去，我會答有機會，不過會特別留意衞生同埋唔會叫肉骨茶牛腩囉
繼續閱讀
前幾日同個囡出咗成日街，然後勁肚餓之制，求其入左一間粉麵店食，我問店家乜野最好食，佢地推介我食招牌鮮蝦雲吞麵，家郷南乳豬手，同招牌牛腩河！店員都好nice，好細心，仲幫我剪短啲麵俾小朋友食，真係係sweet!!! ❤️❤️招牌鮮蝦雲吞麵啲鮮蝦雲吞粒粒都勁大粒，勁足料，粒蝦🦐又勁大，平時出面啲鮮蝦雲吞麵有浸鹼水味。呢個個湯底係鮮下味。家郷南乳豬手南乳豬手炆燘好入味，好有南乳味，而且炆得好滑，唔會一夾就爛！！👍🏻招牌牛腩河一般出街好少會食牛腩河因為驚黐牙，同太韌，但呢個我真係哇一聲，佢地燘得好林，亦都好入味，好用心！👍🏻👍🏻蒜辣雞翼尖我真係覺得自己叫得好好，有啲似元朗嗰間！個酸辣做得適中，調配得好好，搞到我成碟青晒😆我下次一定再encore!!❤️👍🏻
繼續閱讀
大埔彤記｜蝦子撈麵、牛腩河、雲吞、豆漿，地道港味一網打盡！🍜 今日來到大埔彤記，泊車方便，食左幾款招牌美食，真係好滿足！✨ 🍤 蝦子撈麵麵條彈牙，蝦子香味濃郁，撈勻之後每一啖都充滿鮮味，絕對係必食之選！ 🐮 牛腩河**：牛腩燜得軟腍入味，湯底清甜唔油膩，河粉滑溜，食完一碗仲想再encore！ 🥟 **雲吞：每日新鮮即包皮薄餡靚，蝦仁同豬肉比例啱啱好，咬落去鮮味爆棚，湯底仲有淡淡大地魚香，好正！ 🥤 **豆漿豆味香濃，甜度適中，飲落順滑，係完美嘅飯後飲品。 彤記嘅出品保持水準，價錢合理，係大埔區內不可錯過嘅地道美食！👍 而家外賣仲有優惠，唔怪得知咁多人排隊買外賣啦。
繼續閱讀
同媽媽係大埔昌運中心行街街 見到新開嘅粉麵店😍我哋就決定買返少少返屋企加餸呢間店嘅食物質素高，價錢又親民環境雖然唔大，但人情味十足，值得大家一試！仲做緊8折優惠😍😍🔸淨南乳豬手 $58呢個豬手炆得非常入味，肉質滑嫩，滿滿嘅膠原蛋白食落去口感超級好，真係一啖就令人滿足！🔸淨潮州四寶 $42呢個四寶包括墨丸、貢丸、牛丸同魚蛋，每一樣都好有特色，特別係魚蛋、墨丸，彈牙又鮮味真係好適合配湯食。 🔸淨招牌鮮蝦雲吞 $45雲吞皮薄餡多，裡面有好幾隻鮮蝦🦐口感滑嫩，湯底清香，完全無味精飲落去唔會覺得鹹，真係好好味！🔸鮮炸魚皮 $15呢個炸魚皮份量十足，外脆內香，搭配湯食更添風味真係一個好邪惡但又好好食的小食😈
繼續閱讀
去大埔朋友屋企，買彤記雲吞牛腩粉麵，去佢屋企一齊食，朋友仔呢間推介價錢親民，食物好味😋係佢愛店🐮五香牛腩河牛腩味濃，好腍好入味，一睇蘿蔔就知入味，而且清甜無渣，係招牌之一，可以自行加上清湯調配濃淡度🐷家鄉南乳豬手飯南乳豬手炆得好好，好香南乳味，皮好有彈性，豬手亦有唔少肉，就連花生都好入味，個汁送飯好正❤️🥛凍豆漿自家製豆漿，唔太甜有豆味好香濃好飲，港式粉麵配豆漿最夾🥬加埋油菜，夠晒健康！
繼續閱讀