影片
招牌菜
申請帳號之後，從無寫過食評。因為覺得對餐廳食物質素，我一向都沒什麼問題，可以說，正正常常就可以，不用要好食到大叫媽媽咪啊～～今次第一次寫食評，是寫警剔世人，這間餐廳不可以去。話說早前在團購買了$148/人，主要是貪佢可以無限小時，方便和朋友聊天，以及可以試燒肉、刺身、西餐熟食當日去到，餐廳環境是不錯，有悠閒的音樂，好有格調心想，今次沒買錯！但是當食物來到時，就知道…媽啊，為什麼不是我所想的？1.泡菜乜乜炒飯，鹹過我2.黑松露...意大利飯，根本係濕哂既飯，仲慘過海底奇兵3.意粉，就不過不失，食得落口。4.燒汁牛脷，正常。5.全部燒肉唔食得，無味、有味既都係奇奇怪怪，可能我地食唔慣啦！6.三文魚，正常。壽司，正常。7.汽水，係我地覺得最好味既！8.所謂任食Mövenpick 雪糕，店員話，係無！！！只係求其唔知邊到拎左碟就黎融哂既雪榚出黎！！連最後一樣好食既希望都無埋！！！而最後埋單係148+49+3X，唔鬼記得實數啦！總之就差唔出一個人成220-230到！！咁既價錢，出面大把好野食，仲要有正正常常既雀巢雪榚！都好過唔知乜鬼野筆出黎既雪榚！
繼續閱讀
原本跟朋友在厚福街想找日式放題但人流很多,唯有跟朋友走到厚福街的盡頭停底討論原來盡頭是一座大廈都約10點,但還有人在派傳單..看到這間的單張一句"日法式放題"放題有法式都是第1次見,所以就試試上到去,看到全場都是燒烤??原來它的"放題"是燒烤放題,而不是自助形式的熟食為主的放題全場以黑色為主,配上水晶吊燈有種真的身處法國餐廳的感覺..每人都有配燒汁和油..但最後都沒有落過油..因為不知如何倒油落烤爐...menu就只有4張,有意粉,飯,刺身,沙律和燒烤的肉等等...飲料只有特飲豆腐沙冰和汽水豆腐沙冰-根本是豆漿+碎冰很甜...有少少豆味南瓜忌簾湯-佈滿粟米蓉,忌簾很香,但沒有南瓜味蟹籽沙律-份量有點多,生菜很新鮮,很乾淨燒烤的肉類選擇很多元化西柚,香草,芝士,燒汁等..對我而言...真的食不出分別只見每碟肉都滿是黑椒個人很喜歡牛舌和魷魚牛舌和魷魚都很清爽,魷魚好有咬口所有牛肉的脂肪分部很均勻,口感不錯一口牛有點韌,但都好入味雞肉也很嫩滑!另外白酒煮青口就一般,有沙但有個日本青瓜不錯!汁很入味刺身甜蝦不算鮮甜,而三文魚比較厚身,但不都算新鮮落order是以"人"為單位,開頭還以為份量會多,所以寫"2位"但它竟然真的送了"2塊"牛肉 因為我們4個人..所以後來點了每款4人份量店員走過來質疑我們食量...最後改了每款2人份(但我們4人根本都不夠食)而餐枱空間太少,放了2碟肉都已經無位再放 而且多漏單,點了意式生牛肉和法國麵包都未見過..跟朋友食得很趕很急...什麼2小時?其實我和朋友都不知有沒有1個半小時...11點15分左右已經催last oder說什麼廚房差不多收..
繼續閱讀
Sashimi唔新鮮Sushi冷飯大大舊，肉細細塊青口唔新鮮，入面仲要係清唔乾淨蟹肉意粉有蟹殼碎湯係涼的燒肉算過得去環境ok，乾淨埋單一人262到，唔值得，唔會再光顧
繼續閱讀
一坐低都只係見倒個menu都係正常既任食野，之後發現有得加錢有多d正野，咁就緊係加啦只不過四五十，冇所謂啦，e間野有個聽落幾特別既就係個意式既生牛肉，本人就發現冇其實唔算d乜，好似食緊一舊冰塊咁，冇咩味，不過講反重點先，就係加錢既野，果塊牛肉不得子啦，肥瘦分怖勁靚，只係加五十蚊仲要有得任加d咁正既牛絕對低食，燒完食真係唔係太識形容，只可以講反句，好有牛味呀
繼續閱讀
本來今次食生日飯一行六人係打算6點去極尚大喜屋食放題不過無book位, walk in 排隊又無位咁朋友就話去厚福街睇下有咩食去到樓下有位南亞人士派傳單見佢用唔純正既廣東話好落力咁推介話係日、法結合既fusion菜一行人又廢事再揀黎揀去就抱住一試既心態上去試下日式同法式點樣樣fusion法上到去,燈光好暗一入去已經聞到幾大陣燒烤既油煙味不過都接受到本人係超憎食煙果d煙味去酒吧一聞到就會走果d人黎但呢到既油煙味都尚算接受到咁燒肉店點都會有味既不過我覺得個抽氣系統可以做好少少講返環境,鋪面唔算大,我估計只可以坐到40-50人驟眼一睇成個場得5成滿心諗中伏因為正常黎講係人都知一間鋪頭既評價係同入座率成正比既(所以極尚大喜屋full到book唔到)仲要係星期六咁唔黎都黎左咪試下價錢係$238一位,我地一行六人,買六送一所以可以免一個錢~(嚴格黎講係應該叫買五送一? 因為食荃灣漁屋放題有買六送一,不過要係total七個人,算啦語法既野就由佢啦)佢仲有一個就係生日2星期內果位可半價,不過我地買5送1抵d侍應姐姐好落力sell我地加唔加50蚊有無限野飲同食物升級不過我鍾意佢既語句,佢介紹完就話你地有興趣就可以升級不過由於飲品係接近無野揀,加上升級既食物唔吸引,所以無加同行友人整左蛋糕,切餅費要$50切餅費個人覺得合理既,始終你霸住人地地方食自己野(係完左2個鐘之後先食),仲要幫你雪住蛋糕同比過d乾淨既碟同叉比你,唔會趕你走不過我地走果陣,基本上間鋪都無咩客,唔知好多人等位果陣佢地處理手法會唔會都係咁講返食物基本上都唔錯刺身新鮮既, 三文魚正常,甜蝦都好食,不過款式就真係太少不過香港人食黎食去咪都係三文魚,所以其實都預左其他就麻麻啦,吞拿魚就貫徹全香港既放題咁,一樣咁嚡,咁無計啦,又唔係拖羅講返d肉,上菜都算快,肉大約5分鐘,刺身壽司熟食就大約8-10分鐘啦d肉上到黎唔會一pat野,係擺得好既,就算一大個碟有5種肉,每種肉與肉之間都會有條楚河漢界分清楚份量佢自己執,其實ok既,以牛肋骨計,6個人就比6塊香港人成日都眼闊肚窄一上到去好肚餓就瘋狂咁叫叫到成枱都係又食唔晒,跟住又倒,浪費,其實真係好無衣食又唔諗下其實d食物得來不易,以為比左錢食放題就大晒咁所以其實我好贊成d食肆將浪費既食物逐両計黎罰(ok fine你揾到錢你浪費得起你對得住良心就skip上面果4句,不要對號入座)其實我地一行6人點左一round 肉之後已經飽飽地之後只係再叫多左一次牛肋骨呢度推薦既有牛肋骨,佢切到薄,約5cm x 5cm,好好燒仲有火雞腎,牛舌都係比較好食既其他一口牛呀,牛腹脯,豬頸肉,雞,黑豚豬腩等等,都不過不失,正正常常(本人好少用好味黎形容任食野,通常只會拎黎形容高級牛肉)講明先,D牛都唔會係入口即溶,只係屬於正常貨色壽司都係大路貨色,我比既評價會係''好過食爭鮮少少''不過紫菜係脆既,呢個要讚其實最有驚喜既反而係西式料理黑松露炒蛋幾好,D意粉都幾好食我食左3個意粉,一個係三文魚忌廉意粉2個係龍蝦汁蟹肉意粉,因為食完想再食,所以食左2個佢一人份量岩岩好,大約有75g(估架炸,無人會帶電子磅出街掛)食2,3啖到會食晒佢個意粉煮得好好,唔會稔晒,保留返少少硬度個汁都足夠包圍每一條意粉,令個意粉入晒味唯一少少缺點係鹹左少少,同埋龍蝦汁蟹肉意粉無蟹肉,如果個鹹味減低返10%會perfect池因本人飲食偏清淡口味,生日飯所以先比面朋友出黎食個意粉質素真心拍得住中上環一個lunch set收你$70-100果d另外佢仲有2個意粉,一個係乜鬼辣味唔知乜鬼~聽個名覺得係伏野,加上飽飽地所以唔想試另一個係忌廉野菌意粉~相信同三文魚忌廉意粉係換湯唔換藥,所以唔試另外有道鴨胸同d意大利飯都正正常常,酒煮牛舌無試但同行友人話好難食仲有個白汁煮雞肉其實係炸雞扒淋上忌廉白汁,呢個唔太好食其他唔太記得lu返到屋企特登上openrice睇返厚福街其實仲有咩野食搵返呢間野,點知劣評勁多睇返果d負評既食評,多數都係團購既買家咁可能店家真係將貨就價,將食物質素同服務降低左本人雖然唔係從事飲食業,亦唔係時常外出用膳呢篇亦只係我第2篇食評,上一篇係怒插某店不過本人對食有種態度同要求,平時係鐘意自己係屋企煮既有感而發,做飲食業真心辛苦又困難食材,租金,水電煤人工樣樣都係錢如果無生意真係聽執第一下上到間鋪見到唔full場都覺得會中伏但食落又唔係返到黎屋企再睇食評講到既咁差仲覺得有d好食添,起碼d肉既質素唔似某d垃圾韓燒集團公道d咁講,可能真係團購一分錢一分貨但個老闆咁就做臭左自己個名唔抵講到生意層面添,算啦我都係end topic大總結: 埋單計埋切餅費同加一&free左一個每人比$227~呢個價錢同質素,cp值10分滿分黎講我會比7.8-8分, 刺身壽司不過不失,燒肉有一定質素,西式食物部份有驚喜,學侍應姐姐一句,有興趣咪去試下,係啦,個廁所真係好熱
繼續閱讀