影片
開飯介紹
位於深井、供應多款巧手點心及小菜的中式酒樓，水準穩定。
繼續閱讀
營業時間
星期一
全日休息
星期二至日
07:30 - 22:00
公眾假期
07:30 - 22:00
公眾假期前夕
07:30 - 22:00
以上資料只供參考, 請與餐廳確認詳情
傳菜姐姐拎馬拉糕上枱，手指插入我碟腸粉道，同佢講就唔出聲急急腳走，另外個姐姐見到一樣當冇野，我碟野都食左一半又冇話要你哋換，但全部人一句唔好意思都冇，唔會再幫襯！
繼續閱讀
朋友話呢間啱啱又再次裝修完之前同朋友食過點心，我個人應為就麻麻哋，點心價錢貴，亦唔係特別好食，如果去到荃灣，我覺得會多咗好多選擇，朋友話呢間啱啱又再次裝修完無耐，見佢好似有好多唔同嘅套餐，即管又試吓個晚餐如何，叫咗個套餐再加幾個小菜，龍蝦真係好鹹又無肉，隻雞完全冇雞味，諗住佢哋招牌菜燒鵝應該會好食，點知食落去啲鵝肉全部又乾又鞋，其他D菜我諗都唔使點影，可能真係我唔識欣賞。點知去到半夜，忽然間肚痛起身又屙又嘔，睇左醫生之後足足病左我三天，我諗啲嘢食應該都唔乾淨，當晚去到成間酒樓咁大個場得三至四枱，我數過待應仲多個D客，可能啲嘢食擺咗好耐又賣唔出，呢次真係黑仔，仲有埋單又唔係特別平，我同咗朋友講以後就算佢請客我都唔會再去！仲有就係呢間酒樓收銀有個肥女人態度極差，朋友想問淸楚帳單收費，肥女人好像不可一世的態度，不知她是老闆或是打工，100%幫這酒樓趕客，其實吾憂做便不用裝修重開。
繼續閱讀
之前喺深井食嘢如知名的燒鵝茶樓或其他茶茶廳，覺得環境較迫和較嘈，依家夏天熱辣辣，想揾間舒服嘅呢間嘉韻軒是不錯的選擇，每張枱之間通道夠闊落，有不少2人枱，我1條友用一張2人枱，唔駛同人搭枱，有電視睇，又有落地玻璃睇街景，感覺悠閑！茶樓提供一般正常點心，始終嚟到深井，都係自動波諗起燒鵝，燒鵝質素OK，夠肥夠入味，不過鵝皮唔脆，飯轉瀨粉要加錢，唔係好大碗好好味，下次都係叫番飯！食完加個椰皇燉鮮奶或燉蛋（不是常有）是個完美句號！
繼續閱讀
成日見佢一時開一時唔開今日放假見佢依排又開就落嚟飲一飲茶2個人照叫啲點心嚟食下兩個人來講 都嗌得比較多嘢食叫咗燒賣，雪山包，腸粉，菜餃，排骨，菜心，紅棗糕..叫咗XO醬蒸排骨，超鹹，食咗兩舊就頂唔順放返低了..其他點心不過不失唔算話好特別出色亦都唔係差紅棗糕專登叫黎食 唔係太甜都幾好食嘅雪山叉燒包個雪山 可以再脆d會更好之前都有去過麗城度食嗌得仲多嘢食但係埋單都無咁貴 兩個人食咗$285同麗城酒樓比 性價比真係低咗啲...
繼續閱讀
停業一段時間，剛剛又重開，點心有進步，蝦餃燒賣配合疫情2粒一籠，這樣可以食多幾款潮州粉果味道十分好，口感爽脆，而且是古法的皮（最不喜歡水晶皮）蔴辣涼伴肚絲，味道也是很好，但就是要食得辣才可以叫，我哋最終要用湯洗洗才能食到😅燒䳘賴粉，一般水準，粉就少咗啲潮州魚旦河，湯底不差，也是粉少啲最後加左雪山义燒包，剛剛焗出來，好正整體來講重開後比之前有改善，希望可以保持水準。 現在有好多特價海鮮，下次可以試吓
繼續閱讀