影片
營業時間
今日營業
11:30 - 22:00
星期一至日
11:30 - 22:00
*Last order 21:30
以上資料只供參考, 請與餐廳確認詳情
有關獎賞計劃
見到網上平台有限時買一送一優惠，晚市燒肉放題$199/位，另外每位收原價加一即$39。見網上平台評價唔差，加上喺粉嶺開左咁耐都未試過，決定星期五去食🤔。BOOK左星期五晚上8點，估唔到全場爆滿😯 即刻有少少期望🤓望完個餐牌後發現，餐廳本身只有$248、$348同$448三個餐，根本我地呢個聲稱原價$399嘅餐🤔。網上平台呢個特別餐，係可以食到$248所有野同$348嘅刺身，另加壽喜燒湯底。一坐低，職員就送上每人三片牛肉，由於無講係咩部位、等級。牛肉油花唔差，入口油脂爆棚!!😏 之後任食就當然無呢個等級嘅牛肉啦😅除左已經售罄嘅厚牛舌外，澳洲和牛肉腿肉、安格斯板腱、牛五花、一口牛都係任食。不過質素就麻麻。海鮮方面，除售罄嘅鹽燒虎蝦外，仲有非常鹹嘅壼漬魷魚鬚、鯖花青、蟹柳、同埋我個人覺得算係比較好嘅急凍半殼帆立貝。枱上有一樽已調味蒜蓉，加埋落去一齊燒就最正😋。豚雞方面選擇唔多，我地只試左黑豚肉、無味嘅芝士雞肉、兩款無醃到入味嘅手羽、好難食嘅兩款火雞腎。除左可以喺出面拎嘅生菜盤外，QR都可以點半油金菇、髀菇、好酸嘅菠蘿、翠瓜、牛油粟米等。主食叫左正正常常嘅胡麻烏冬、櫻花蝦蔥飯、蔥玉子飯。呢度嘅炸物完全唔掂，炸到好深色、好乾、好硬、好界口….😣呢個餐最好嘅係刺身，即係$348個餐嘅刺身全部都叫得，當中甜蝦同赤蝦都唔錯😋。如果想食又熱又濕嘅野，都仲可以點壽喜燒，不過跟嚟果盤牛肉真係連佳寶最平嘅肥牛都不如😂自助區除左無糖盒裝茶外，仲有啤酒；甜品除左杯裝啫哩外，仲有好稀嘅紅豆沙、三款牛奶雪糕杯；前菜都有螺肉、中華沙律、泡菜、四季豆。總結，食物質素麻麻、選擇唔多、餐廳煙氣味大，不過上菜快，又會主動換網。人均$240，試一次就夠。
繼續閱讀
米子燒肉家位於粉嶺，平時居民都要出市區先可以食到放題，所以我眼見大部份過嚟嘅朋友都係食放題嘅。但係我同朋友都屬於眼闊肚窄型女子，所以揀咗兩款燒肉定食去試。呢家燒肉嘅環境真係非常舒適同埋地方好寬敞。佢哋嘅用餐環境非常整潔，而且佢哋嘅服務員都好友善同樂於助人，令整個用餐體驗更加愉快。米子燒肉家提供多款新鮮嘅燒肉食材，例如和牛、黑毛豬同埋各式蔬菜。以呢個價錢嚟講，佢哋嘅肉質都算鮮嫩，口感豐富。你可以自由選擇你喜歡嘅肉類，然後用燒肉爐烹調至剛剛好嘅熟度。佢哋嘅燒肉醬料選擇多樣化，例如麻油醬、蒜泥醬等等，可以增添肉類嘅風味。⭐️ 豚五花雞腿定食⭐️ 牛五花牛舌定食
繼續閱讀
本來諗住食下燒肉見呢間評分好似唔錯就膽粗粗咁入去試下新野一開始望落間鋪裝修幾好環境又大 都抱有期望但係一開始燒 就發現呢間鋪個爐真係好唔掂因為個爐極大火，極容易燒焦曬啲肉根本控制唔到火候燒下薄薄地既肉片還ok但一到羊扒就出晒事大大火只會燒到膿晒但里面肉質根本就熟唔到燒得多野店員又唔會幫你換網成餐都食緊致癌物呢間食既所有野都難食 無論係肉定海鮮定蔬菜拼盤放落個爐都係浪費食物唔明點解仲可以開到分店不會再光顧！
繼續閱讀
今日去粉嶺的米子燒肉家午膳，和朋友點了牛五花及澳洲和牛壽喜燒定食,有湯，沙律或泡菜，配日式冷麪或珍珠米飯，牛肉新鮮有肉味，唔錯，這間店舖都幾大，坐得都舒服，每台都有抽風系統，燒完唔會太重油煙味，還有放題，下次會試試。
繼續閱讀
等位時間: 𝟎 𝐦𝐢𝐧𝐬入座時間: 𝟏𝟐:𝟎𝟎 (𝐖𝐞𝐝)明明寫著𝟏𝟏:𝟑𝟎營業,𝟏𝟏:𝟒𝟓卻仍未開門,唯有到粉嶺中心逛逛,𝟏𝟐:𝟎𝟎回來便營業了。˖☽⋆ 溫泉蛋牛肉丼(𝐌) | 𝐇𝐊𝐃𝟒𝟒外觀上的理想和現實😂😂有點𝐡𝐞𝐚的感覺。牛肉好柴，沒有牛味。汁較少，味道淡，幸好有溫泉蛋，令整個飯更濕潤。洋蔥是唯一滿意的地方，夠軟。𝐌 𝐬𝐢𝐳𝐞份量足夠女士吃，整體較淡口味，隨飯送冰玄米綠茶，如你們點了較濃味的飯可解膩。✦ ⋆ • ☁️☾ ⋆ • ⋆ ✦ • ⋆ ☁️ • ⋆ ✦ ⋆ • ☁️☾ ⋆ • ⋆ ✦ • ⋆ ◡̈ 推薦指數: 🌞˖
繼續閱讀