影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
真係好唔明 明明入面好多吉位 但出面還是排長籠 明明果4個位吉左好耐 但10分鐘都唔叫人入去 呢啲係咩安排 💩💩💩唔係第一次 點解都無進步 係唔係需要再培訓 公司係唔係要有一個準則
繼續閱讀
去敏華食下午茶☕️，QR code落單，叫左馬來三叔公咖吔多士配沖繩黑糖珍珠咖啡☕️（加$14），仲有荷蘭🇳🇱練奶西多士配凍檸茶。西多士同凍檸茶5分鐘上枱，西多士有心形🧡牛油🧈。咖吔多士10分鐘先上枱，咖吔多士舊牛油🧈都好正😊。珍珠咖啡最遲，15分鐘先上枱，好頸渴，珍珠咖啡☕️比想像中💭好飲，冇冰同埋珍珠甜Q。埋單新安裝小伙伴apps減$10，仲有BOCpay優惠減$5，成個師奶仔咁🤣
繼續閱讀
記得晌年初，同老婆喺V Walk嘅「敏華」食過一次晚飯，無論招呼，抑或食物嘅質素，都覺得幾好，幾滿意。不是我哋週六都會過嚟「荃新天地」嘅英皇睇早場，之後再周圍食埋晏先返歸，好多時經過呢間「敏華」都有條小人龍晌門口，所以，增加咗我哋返兜嘅信心，但喺，呢次嘅體驗就真喺幾失望。雖然門口有人龍，但始終喺茶記，人流快上快落 ，我哋都喺大概等五分鐘就有位。內裏嘅格局唔多講，都喺一般茶記設定，唔花巧，最緊要喺乾淨企理就算，不過，枱面仲有好多漬，明顯未抹乾淨。 枱面玻璃下就攝咗成張餐牌，而枱邊亦插咗一啲特別推介餐牌，然而，呢度就唔興提供是日午餐已，定價方面亦都比一般嘅茶記為高。 每張枱角都有個二維碼，所以，落單都喺用佢直接落單，不過，有樣嘢好搞笑，當落豬扒飯嘅時候，除咗少飯、多飯，仲有個走飯，我心諗有無人真喺走飯叫淨豬扒呢？如果走飯，我相信亦都唔會俾多舊豬扒你。 餐具、簡單調味料、紙巾就放晒枱側嘅拉櫃桶之內，自由取用。 咖哩雜菜蛋飯 $58左揀右揀，老婆卒之晌 港式人氣咖哩套餐埋手，因為有一份全素嘅咖哩飯最合佢心水，不過呢，嚟到非常之失望，可以講跟餐牌嘅圖片差天拱地，有眼你睇，啲蔬菜真喺得咁少，仲要喺好普通嘅甘筍、西蘭花、椰菜花，似伴菜份量咁，既然喺咖哩，連薯仔都無粒，好彩個港式咖哩都做得辛香，勉強咖哩撈飯食，搭幾嚿我啲豬扒。羅宋湯 +$3老婆一向都唔好飲嘢，寧願加錢轉飲羅宋湯，諗住夠晒穩打穩紮，點知又喺瀨嘢。咪睇個湯咁鮮紅，飲落真喺出奇地無乜香味，好淡口，得個樣，佢仲話面頭泛咗層油，所以，真喺唔啱佢口味，結果，成碗無飲到，埋單時有同個經理反應一下，佢都只喺笑笑口。 蔥油豬扒煎雙蛋飯 $65我嘅蔥油豬扒飯就算正常得多，有骨豬扒大大件，煎得金黃，仲有點焦香，入口亦都夠晒鬆化，煎雙蛋可以轉其他煮法，叫咗太陽蛋，蛋黃煎得比較生，半凝半結咁，啱晒我，將蛋黃撈飯再加埋蔥油，真喺完美嘅組合。 熱奶茶茶記揀熱奶茶就最穩穩陣陣，茶底夠醇厚，算好有茶香，幼柔度都OK啦，加上用厚身瓦杯，咁先有感嘛，成餐飯最稱心喺杯奶茶，哈哈！ 我都好少俾負評啲餐廳，但今次因為碟咖哩雜菜蛋飯同個羅宋湯真喺忍唔到手，同埋，今次嘅服務對比上次有好大落差。
繼續閱讀
買個早餐外賣，等足三個字。眼見堂食客遲過我黎都食緊。原來個麵出咗，但放起水bar位完全無人理。當問個女(細細粒短頭髮)，佢就話外賣係耐D。佢咁嘅態度同回應，令到我即時火起。這間公司不會再幫襯。
繼續閱讀
本人公司lunch time 1:17分叫外賣單 足足等了30分鐘 公司同事打來吹我 因為lunch time只有一個鐘 諗住喺冰室出餐快10分鐘搞掂 ，而我亦都係只係嗌一個好普通嘅餐肉煎蛋飯凍檸茶 蛋足足等了30分鐘 服務員工態度欠佳 你吹單佢會黑面 完全沒有 簡直唔相信係一個集團完全冇系統 垃圾以後都唔會再幫襯 食物份量又縮水 完完全全冇下次
繼續閱讀