影片
D2 place 2樓日本菜在商場的尾段人流比較少，今日同朋友搵食lunch找到此店，感覺挺日本的，午餐推介比較簡單只有一頁紙十多種選擇，我點了薑汁炒豬肉，朋友點的是日式咖喱豬扒配烏冬，每個套餐都配沙律（十分細份量）及飲品，價錢十分公道。薑汁炒豚肉味道香濃，薑汁亦10分重手，豚肉不柴配有十分多椰菜，感覺不俗。朋友點的炸豬扒香脆，但味道就比較一般不是肉質十分多汁的那種豬肉。晚上曾經幫襯感覺比較多選擇，看見有很多日本人幫襯，是那種居酒屋的格調，氣氛十分熱鬧，食物選擇更多，有日本食居酒屋必點的生啤及其他炸物，價錢方面亦十分經濟實惠，如果不是追求高檔的日式美食，這是個不錯的選擇，比同區另一間在地下的日本店更值得推介。此店的酒水選擇亦很多，除了生啤亦有Cocktail及很多日本清酒選擇，價錢亦十分公道。此店的座位有日式個室的選擇，適合幾個朋友高談闊論，大吃大喝不會擔心私隱的問題。可惜在個室裏面服務會比較差一點，服務員比較少留意得到。
繼續閱讀
長沙灣真係有好多好食既餐廳，最近都黎多左呢邊，食到好多好野😋💞 D2 place 呢間餐廳係朋友話唔錯，所以黎食！今日係黎食lunch! Lunch menu 都有唔少既選擇，我揀左7號，即係滑蛋豬扒丼加烏冬定食🧡 唔知點解同一餐會有兩款主食😂 岩曬肚餓既我！佢lunch set 仲會附送麵豉湯，沙律同飲品，認真抵食！！ 值得一提係個沙律醬，係黑芝麻醬，無諗過又幾香同幾夾😛😛 飲品我叫左ginger ale, 但無貨😂 佢問我轉唔轉左ginger beer😂😂😂 我最後轉左薑茶算，佢都幾重料，薑味好重，有渣既！主菜呢就有正正既滑蛋豬😆😆💓 略嫌滑蛋少左啲，反而朋友個餐就多左啲蛋😂😂 啲蛋都滑luet luet 的！豬扒炸後，淋翻醬汁？所以食落唔熱氣，唔係好脆嗰啲款！我幾喜歡💕跟餐烏冬可揀凍同熱，我揀左凍，我懷疑係即叫即雪😂需時長啲，而且我朋友個熱早好多到，同我個凍烏冬都唔係好凍😂 不過我無所謂！烏冬texture 好好，好彈牙，高級既感覺🤣 醬係普通冷麵汁！整體都幾滿意呢度！
繼續閱讀
食物嘢食大貴啦叫在魚生飯 $150一少碗 份量極少味道一般 無特別豬肉拉麵店 $90都是無特別小食八爪魚 $50得四小條你 XYZ 這樣就 $50食吾飽完全被騙了不過那個商場一般都好貴還境日本風好多酒樽幾靚這個食還境吧 ？Serviceok 啦 一叫即來入面 menu 同出面 menu 有點出入那日不用等OverallToo expensiveFood quality not enough . Need to improve一次夠啦不會再回去食
繼續閱讀
我諗如果你唔係附近返工都好難會搵到呢間日本野，位置唔係咁多人知，平日返工日子呢間店人流真係麻麻，但就係勝在呢點，唔洗同人迫住咁坐，食物黎講質素幾好先黎講下呢個炸雞，外相就已經好吸引，食落香脆肉質鮮嫩，上面仲有少少辛辣粉，朋友見到都話想食。呢個吉烈豬滑蛋，豬扒炸得都好脆，炸粉夠簿同肉質緊實，又唔會老，配埋個烏冬，真係好飽。另一位朋友食既咖哩炸蝦飯，咖哩汁夠濃，蝦身係外脆內軟，好正，加埋個蛋包飯，真係絕配每個餐都有跟一杯餐飲、小菜同味噌湯，價錢唔算貴，算係荔枝角CP值幾高既一間日本餐廳。
繼續閱讀
相信近年黎大家對D2place依一個名一啲都唔陌生。而且內含好多美食餐廳大定都應該知道。今次就黎到一間名為北海道炉端既日本餐廳。店內環境十分大，而且間格特別。店員安排我和友人到類似房嘅間隔內坐，享受二人獨處時間。首先叫咗一個豬骨湯海鮮鍋。海鮮鍋來配料十分足，有大大隻元貝，10分鮮味嘅蟹棒，虎蝦及生𧐢等等。全部都係新鮮上等海鮮，加上豬骨湯底令到全部嘢食都10分美味濃郁。再配上日式稻庭烏冬，你都咪話唔滿足，令人置身於好似去咗日本咁。忘記一提，前菜嘅蟹子沙律係一定要試一試，包保你有意外嘅收穫，同外邊嘅比較之下，依一個係更勝一籌 。鰻魚壽司，香甜嘅鰻魚汁再配上傳統嘅日本壽司飯，令人10分開胃而且鰻魚嘅新鮮程度不能想像。魚子海膽手卷，入口即溶嘅魚子再配上入口即溶嘅海膽簡直係完美嘅組合。再配上爽脆嘅紫菜。咬落去爽脆嘅聲音簡直係味覺同聽覺嘅享受。日本餐廳又點會少得串燒，牛舌係本人10分喜愛無論去到邊一間餐廳都要試。火候控制得啱啱好一啲都唔會老入口爽口嘅感覺令我10分回味。煙肉卷同樣火候控制得10分好。最後一個長腳蟹天婦羅作為總結，天婦羅要做到炸粉小餡靚嘅感覺係好難約間日本餐廳就做得到所以各位有時間不妨可以試一試啊。
繼續閱讀