影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日去西灣河食午餐，睇過晒隔離左右有台灣菜、越南菜及馬拉菜，最後選左馬六，諗住飲下肉骨茶，一飲秒後悔，心諗點解吾選隔離兩間，湯只有藥材味而且較淡，但沒有肉味，再試下肉，肉是有肉味，咁樣好可能，有客人叫，才將兩者拼入碗，所以才有這種格格不入嘅味道呈現，湯裡面有4舊小排骨，2個豆卜一開二，1個冬菇一開二，1條枝竹，一大碗湯，比例吾啱，有D被灌水嘅感覺，看似好大碗，好彩碗白飯好食，一句講晒無質感吾滿足。
繼續閱讀
叫咗個茶燻鴨飯拼新加坡喇沙點知嚟到個鴨係煙鴨胸有啲取巧失望🥲🥲😓😓個新加坡喇沙尚算合格話梅桔仔水有啲偏甜其他服務環境尚算OK 下次都係要問清楚，先至好再試新嘢
繼續閱讀
呢間咁嘅餐廳，其實食就食過，食物質素認真麻麻，d 員工禮貌都係麻麻，不過有陣時真係諗唔到食乜好，先至食下呢間。好啦，今日就係諗唔到食乜好，就經熊貓下單呢間野嘅外賣，叫得外賣就梗係想要方便，咁餐具要加$1，ok無問題，就係因為唔想洗野，甚至自己根本無餐具丫嘛～～～～～好啦，一打開個袋，餐具呢？影都無！！！！！喂，我係因為你地有賣餐具先落單嘅，你無餐具我就唔落單啦，我大可以叫第二間，仲要餐具係我俾錢，錢就識收，貨物就唔提供！依家同d食物互望，扮有餐具導人落單，有料！！！！！
繼續閱讀
今日想食貼近平民價既午餐（即係唔想過100，唔想有加一服務）。有時經過太安樓外面，見到有三間分別食台灣、東南亞同越南嘢既餐廳拍住上（有時見其他區都有分店），三間都拎晒飛等位，就揀一間快既。等既過程，馬六有個員工幾好問幾位，幫手睇下座位情況，等左約5分鐘內，有個卡位。之後先發現其實可以提早用apps早啲拎定飛。喺等既時候睇定餐牌有咩食。東南亞美食我會諗起海南雞、叻沙。馬六有個叻沙係海南雞滲掺，滿足到我可以一次過食晒海南雞同叻沙既願望，加上可以揀米粉混油麵，或者只係米粉或油麵。午餐連熱飲$72。咖啡奶茶係東南亞既白咖啡同拉茶，可以揀甜度。叻沙第一口食落有少少辣，但食落唔算好辣，係開胃辣。湯既椰漿味偏重既。米粉混油麵軟硬度都可以。海南雞幾嫩滑，不錯。拉茶揀左少甜，因為我唔係食好甜既人，所以覺得少甜都偏甜。差啲忘了值得一提既係，碗麵隻雞蛋幾好食，竟然係糖心蛋。見隔離位叫海南雞飯，醬料幾滿幾多，飯同雞份量都算大。覺得下次再去既話，可以試下。
繼續閱讀
下午茶一向好食的，今日再叫喇沙摻摻，要豬頸肉，個湯唔同咗味，失望，$48，凍飲加$3，橙茶，真係有橙片的。巴東牛肉綠色飯，其實還衣個就一直都好一般，朋友鍾意食，加拉茶，就有水準的。$58。斑蘭咖央多士，正，大火仲好，$28包熱飲。最大特色係去到6點，所以都好多人食。
繼續閱讀