影片
港鐵恒安站 A 出口, 步行約10分鐘
繼續閱讀
電話號碼
26230396
98788001 (WhatsApp)
營業時間
今日營業
11:00 - 21:00
星期一至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
相關文章
呢間係openrice評價一直都好似麻麻地咁，所以一直都未黎過，但係今日放假又搵唔到地方去，一心諗住過黎望下先，見唔多人就試下。星期六日入場人頭叫餐，再加一，另小朋友每位要加$60清潔費。食就限時兩個鐘，玩就任玩無限時。日式咖哩吉列豬扒飯 $88 嘩，件豬扒超大，仲好脆又幾好喎香煎雞扒湯烏冬 $88 冇乜特別，正常呢支飲品 $20兒童餐-迷你和牛漢堡配薯條 $78 漢堡包連包都係熱，薯條都係又熱又脆，唔錯整體對今次都幾滿意，服務都幾好
繼續閱讀
大家很清楚明白訂場時間兩小時，我滿心歡喜參加小朋友生日會，但被該店的趕客服務嚇到。我們一枱六個成年人坐，我坐長枱左邊角開揚位置，接近完場時，一位服務員已經在我左邊收碗碟，我下意識往右移，結果右手便撞到一個用於盛裝收拾碗碟之灰色大膠盤 (是另一位職員手持長盤在我及朋友之空間靜靜地撞入來想埋枱收拾)。但職員係一句唔好意思都沒有，專心一意收拾枱上物件。因此，該店硬件裝修是好的，但服務不好。
繼續閱讀
見星期四係唔駛返學～ 又要清下大假！約埋幾個幼稚園家長出來傾計，小朋友就任玩餐廳設施～ （利申：家長們都大贊抵玩）座位都舒適，家長們告知賣點勝在任玩～ 但其實吸引小朋友玩既都係得波波池、木粒池……玩足四粒鐘都唔願走。用餐方面….食物真係超級普通，唔稱得上好好食，入得口果隻，同價錢唔成正比，只要按人頭點一個餐就得啦。 （普通到忘記影底）無約人黎就真係悶，食物唔吸引。 清潔人手不足，可能當日太多客～ （如客人多，就限時交枱。）
繼續閱讀
好抵玩🥹！只要每人嗌個餐，就可以玩全，係勁抵嘅親子餐廳😍～小朋友自行盡情放電，大人就傾下計、食下嘢😌，美好嘅一日❣️ 兒童餐都幾款選擇，小朋友食waffle + 乳酪，澄兄就有肉醬意粉 + 魚手指 + 粟米 + 啫喱，好豐富，佢話好味道😋～魚手指都炸得香脆，入面唔會好乾，粟米太多牛油，但就好香。大人就食西冷牛扒配薯菜🥩＆法式燒汁西班牙豬鞍排，兩樣都煎得幾好，好 juicy 唔會太乾，好食！ 個人覺得豬鞍排比牛扒更高性價比場內有親子洗手間＆育嬰室，衛生乾淨。
繼續閱讀
星期日，上網搵下邊度食飯又有得玩，睇到尼間好似唔錯，咪打電話嚟問下嚕～報晒小朋友同bb幾大（10歲，2歲半同10個月），佢話我係2大2細，每人點餐一份，另外小朋友再收$60清潔費，結果去到佢話我bb過咗6個月都需要點餐。。。。。。 第一時間緊係睇餐牌問佢有邊d餐係BB可以食，佢好快咁答我冇。。。。。。 真係哈哈哈，合理嗎？ 清潔費我非常理解，始終入得去玩都有機會用到換片間，要人幫忙清垃圾，所以收清潔費都算合理。但係你要求我地點餐而個位顧客係食唔到嘅個人認為非常不合理，而令我最嬲個點係，我打電話嚟問，你又唔講清楚，我仲要重覆咗3次比接聽個位男同事知小朋友同bb係幾大，仲要係我主動講幾多歲去問清楚個收費。。。。。。然後一場嚟到我都係想小朋友開心，所以都照入去比佢地玩，嘢食未到難食，生存食係ok 唔好求享受，玩樂環境還可以尚算安全，換片間清潔度尚可，食物同飲品收費偏高，水都冇杯飲㗎～最後我2大2細1 BB 人均$151.8 total$759 埋單冇下次嘅原因除咗覺得收費唔合理之外，嘢食真係唔吸引（本來都預咗唔會係好食，但呢個質素冇下次了） 我都好佩服該店可以令我尼d懶人要出評價，有興趣嘅朋友可以問清楚再去～ 但個人唔推薦，始終就算唔計食物，比佢好嘅環境同服務都有更好選擇。
繼續閱讀