肥佬車仔麵 (已結業)

嘴刁同事試完呢間新開既車仔麵話好正所以帶我黎試🤤。去到已經見到好多人叫外賣，堂食都要排一陣隊。等左一陣入得，入面唔算好大，座位少少逼，但張櫈都坐得舒服，同埋食車仔麵唔使食耐所以無咩所謂啦😝。一路見住店員超忙碌執單，但都keep到幾好禮貌👍🏻，叫單叫到喉嚨都沙埋真係辛苦晒！🔅車仔麵 ($42)叫左豆卜、滷水雞中翼同埋台灣腸，同事交換左生菜同墨丸試，全部都合格無伏👍🏻！雞翼入味但無煮到肉散晒，腸都好夠香，豆卜索左汁就超正！油麵份量都多，女仔其實應該未必食得晒。最出色既係佢既湯同麻辣汁，加埋蔥花香蒜係超惹味！叫左小辣我就覺得啱啱好。個人覺得車仔麵既餸只要正正常常，但湯底做得好就成碗麵會加分！🔅烏龍茶 ($9)食辣野肥膩野飲最啱飲茶，加津路都係$9算係良心價！🔅無糖豆漿 ($10)店員好搞笑提醒同事有唔少人叫完無糖都覺得唔好飲，問佢係咪真係要叫🤣。拎到黎我又偷飲左啖，飲開正常豆漿既我真係唔太接受到😂，但同事飲開無糖既豆漿又話好正常。💬呢間真係心目中灣仔區車仔麵第一！未打完第一次食評已經話咁快食左第二次就知有幾正😎(第二次仲要係叫同樣既餸😂)。