影片
更多
2018-10-21
1123 瀏覽
《大食仔無老點》性價比 - 極高大食仔希望可以介紹香港性價比高嘅餐廳俾大家。作為第一篇食評，私心介紹呢間係大角咀嘅隱世西餐俾大家。首先要介紹佢嘅位置，係匯豐對面橫街，相信得附近返工或者住附近嘅人先會留意到。再加上佢平平無奇傳統西餐嘅外表，好似好貴嘅價錢，行過都無乜吸引力。但 事實完全唔係咁！成間餐廳只有大廚同廳面兩位同事咁多。但 成幅牆都係餐牌！選擇之多難以想像。一間只有大概三十個位嘅舖有咁多野食，仲要高質？咪傻！大食仔無老點啦！今晚四個人食飯，小小地叫左兩個湯，兩個小食，一個意粉，兩個甜品，加一枝啤酒夠唔夠食？話您知，飽到懵左！湯 - 洋蔥湯、牛肝菌湯新鮮滾熱辣既係濃郁洋蔥湯，湯既面放左焗到辣嘴既法包，加埋拉絲芝士。牛肝菌湯係足料浠身，基本上成個底都係牛肝菌，由於怕太飽，今次冇加到酥皮，但信我，食得落嘅一定加！小食 - 鵝肝多士、FISH & CHIPS鵝肝香味同油份加埋多士一齊，滿足啦，仲可以係咩？雖然個鵝肝有小小overcooked，但仍然係好香。FISH & CHIPS 份量大，粉漿夠薄，擺左一陣都仍然好脆，高質。意粉 - 羊腸羊肉肉醬意粉叫之前係有小小擔心，始終羊肉點都會有羶
大食仔希望可以介紹香港性價比高嘅餐廳俾大家。作為第一篇食評，私心介紹呢間係大角咀嘅隱世西餐俾大家。
首先要介紹佢嘅位置，係匯豐對面橫街，相信得附近返工或者住附近嘅人先會留意到。
再加上佢平平無奇傳統西餐嘅外表，好似好貴嘅價錢，行過都無乜吸引力。
但 事實完全唔係咁！
成間餐廳只有大廚同廳面兩位同事咁多。
但 成幅牆都係餐牌！
選擇之多難以想像。一間只有大概三十個位嘅舖有咁多野食，仲要高質？
咪傻！大食仔無老點啦！
今晚四個人食飯，小小地叫左兩個湯，兩個小食，一個意粉，兩個甜品，加一枝啤酒
夠唔夠食？話您知，飽到懵左！
湯 - 洋蔥湯、牛肝菌湯
新鮮滾熱辣既係濃郁洋蔥湯，湯既面放左焗到辣嘴既法包，加埋拉絲芝士。
牛肝菌湯係足料浠身，基本上成個底都係牛肝菌，由於怕太飽，今次冇加到酥皮，但信我，食得落嘅一定加！
小食 - 鵝肝多士、FISH & CHIPS
鵝肝香味同油份加埋多士一齊，滿足啦，仲可以係咩？
雖然個鵝肝有小小overcooked，但仍然係好香。
FISH & CHIPS 份量大，粉漿夠薄，擺左一陣都仍然好脆，高質。
意粉 - 羊腸羊肉肉醬意粉
叫之前係有小小擔心，始終羊肉點都會有羶味，仲要肉醬，絕對係破格嘗試！
上枱一開蓋，傳出黎嘅竟然唔係羶，係香味！
食落係好輕微羊羶，食得羊嘅人一定接受到。
岩曬想食肉醬意粉但又唔想咁悶成日食牛嘅人！
甜品 - 番紅花西多士伴雪糕、朱古力批
朱古力批，本身批底唔甜夠滑，加埋檸檬一齊食，成功減低飽膩感覺，4個人一人幾啖，K.O.！
等左45分鐘，萬眾期待，新鮮熱辣多士出場！
多士賣相一般，勝在新鮮炸起，外脆內軟都唔止，係外脆內滑！
多士沾滿番紅花忌廉，一炸起配埋movenpick雪糕，一冷一熱，又係另一種享受！
聽老闆講，呢款甜品唔係日日有，想試嘅朋友可以試下book枱果陣問下。
張貼
