倆口小吃 (已結業)

平時無咩特別都唔會嚟元朗，難得今日放假就入嚟元朗搵下好嘢食，之前見到呢間倆口小吃嘅刈包好吸引，仲拎埋米之蓮👍🏻，當然要試下有幾好食，舖頭未到12:30門外已經有10個人以上排隊，我大約等左1個鐘先買到😮‍💨，真係心很累。因為小店全部都係即叫即整，確保所有野食都係好好嘅質素，所以等嘅時間比較長，不過都值得排隊食下👍🏻。 菠蘿炸辣雞刈包 $46個炸雞炸到外脆內嫩，一咬落去好juice而且好大塊🤤，配埋個秘製辣醬令到個炸雞勁好食，辣得嚟好惹味，麵包全部都係人手製，食落煙煙韌韌👍🏻，燒菠蘿可以中和返炸雞嘅油膩感，值得一試！傳統刈包 $42刈包裏面嘅滷五花肉醃得好入味，而且好足料大約有3-4塊，配埋酸菜一齊食帶少少酸味好開胃，刈包實物同相一樣都係咁吸睛。抹茶紅豆麻糬壓餅 $40鍾意食抹茶嘅你可以試試🥰，個餅皮煎得好香脆，裏面嘅紅豆蓉唔會好甜啱啱好，麻糬好煙韌配埋紅豆呢個組合實無死，抹茶醬好濃郁，食落好重抹茶味而且帶少少苦，好好食😋。