港 (已結業)

如果你搵緊特色酒吧，本店相當適合你。食物具特色，不只是普通伴酒食物，一邊食一邊傾。上班往往一肚氣，有時happy hour下，傾下計，忘記工作的煩事變得相當重要，早前已經聽過本店大名，今日一於試一試。可惜一陣仲有工作在身，吾飲得酒，只叫了2杯無酒精飲品。5點至7點半是happy hour，但估吾到7點，已經座無虛席。叫了2份食物 第一份避風塘芝士蟹腸粉 端上來，第一眼看不出是腸粉，原來平日平平無奇街頭腸粉可以有如此特色。加入蟹子，芝士 ，蟹肉。這個要大力推介，原來腸粉可以有咁樣既食法。腸粉本是香港街頭特色，加上避風塘味道，雙重港式味道，相當有創意。調味也恰到好處，相當好食。第2樣連儂薯條幼薯條炸得鬆脆。溫泉蛋一觸即破沾滿蛋汁的熱薯條，配合的是日式大阪燒醬。最岩傾住計食。第一杯 homemade lemonade 清新 估吾到咁好飲第2杯 homemade ginger ale，用薑的辣味開胃。下次星期5冇工作在身，一定黎暢飲。