麗絲快餐店

營業中

休息中

忽然好想食炸雞髀，日月星又冇咗，見麗絲係十大雞髀快餐推薦之一就嚟試下。諗住老牌屋邨老牌茶餐廳應該唔會差，結果中哂伏，雞髀嘅賣相已經差強人意，食第一啖 —— 雞肉淡而無味，食第二啖 —— 雞皮唔脆，切入小小，發現裡面未熟，然後發現雞髀有血水滲出嚟，名乎其實「生」炸雞髀。其中一個店員話幫我「叮」返熟隻雞髀，我答「唔使啦」，因為雞髀已經唔好食，叮熟會更難食；之後有另一個店員見到只係食咗兩啖嘅雞髀，問我使唔使換過隻，我都係話「唔使啦」，以後唔再嚟就算。