餃掂手工餃子雲吞專門店

抗疫第一步除左乖乖留係屋企外，就真係無野好做，想出街食好野，忍下先啦。有得比你嗌外賣，咪叫好囉，唔洗日日淥麵都偷笑。今次三訪「餃掂」為既就一係一碗最純潔最簡單既餃子，來換取寒冬下滿滿的愛。👇📌中 西 · 合 壁 -▪ 龍 鳳 松 茸 雙 煎 餃 - $86/8只▫ 將中西混合為一家果然係餃掂既招牌之一，而龍鳳煎餃分別用左黑白松露做餡料，外皮唔會太厚，煎得金黃結實，紋理清晰，夠哂靚仔；食既時侯裡面肉質煙韌，菌味香濃，無得輸！📌鎮 店 極 品 · 山 珍 之 皇 -▪ 至 尊 松 茸 豬 肉 灼 餃 - $107/大碗12只▫ 另一款豬肉灼餃，同之前食過一樣保持到餃皮夠哂薄身，每粒餃子份量十足；一咬開裡面既肉汁瞬間爆發，加上松茸味係相當濃郁，就算食哂12隻都唔覺得好油膩，好食！📌手 工 · 雲 吞 -▪ 重 慶 鮮 肉 雲 吞 - $40/12粒▫ 食得夠尖一定要試埋佢個雲吞，水準依然唔錯，就咁叫左小辣，岩哂我呢d想食辣但又怕食唔到既小弟。食落香口之餘，仲要岩岩好一啖一隻，外皮又夠薄，認真過癮。