影片
更多
2016-01-03
981 瀏覽
每日巧立名目咁為唔同嘅人慶祝唔同嘅野，我們都需要比籍口自己去食好野，單調嘅生活先無咁乏味。今次賀老友成功考車牌，黎到皇后大道中118號中層，商業核心地區中嘅核心。但因大廈入口唔太顯眼，花左些少功夫終於上到去。餐廳佈置有異國情調，仲幾浪漫，適合談天談心或者談情。餐包配醋油，相當意式。麵包唔係wow地好味，但味道同口感都大概有酒店水準。香蒜檸檬葉白酒汁煮大蜆 $148蜆味濃郁鮮甜，輕輕咬開蜆肉就有肉汁迸發嘅感覺，可見用料同火候都有一定水準。碟底嘅白酒汁除左本身嘅味道仲帶有蜆嘅海水味同鮮味，將餐包點少少汁食味道有驚喜，甚至可以當成係餐湯飲幾啖，不過齋飲味道偏咸，唔可以成碟飲哂。美中不足係香蒜檸檬葉同白酒無一樣味道較為突岀，可以畫龍點睛咁帶岀菜式獨特嘅主題，令人有深刻嘅印象，比較可惜。意大利風乾腩肉火箭菜比薩 $158切成薄片嘅西班牙風乾腩肉，同普通西班牙火腿最大分野喺肉質比較豐腴肥美，而且切成大塊頗具口感。細味之下會食到風乾特有嘅咸香味，同埋慢慢係嘴入面散開嘅油脂香。火箭菜同樣大片，同腩肉相間鋪面，賣相討好。餅底喺自家製，外層烤得香脆，但又唔會過硬。火箭菜苦澀帶點回甘，岩岩好平衡番風乾腩肉較
餐包配醋油，相當意式。麵包唔係wow地好味，但味道同口感都大概有酒店水準。
香蒜檸檬葉白酒汁煮大蜆 $148蜆味濃郁鮮甜，輕輕咬開蜆肉就有肉汁迸發嘅感覺，可見用料同火候都有一定水準。碟底嘅白酒汁除左本身嘅味道仲帶有蜆嘅海水味同鮮味，將餐包點少少汁食味道有驚喜，甚至可以當成係餐湯飲幾啖，不過齋飲味道偏咸，唔可以成碟飲哂。美中不足係香蒜檸檬葉同白酒無一樣味道較為突岀，可以畫龍點睛咁帶岀菜式獨特嘅主題，令人有深刻嘅印象，比較可惜。
意大利風乾腩肉火箭菜比薩 $158切成薄片嘅西班牙風乾腩肉，同普通西班牙火腿最大分野喺肉質比較豐腴肥美，而且切成大塊頗具口感。細味之下會食到風乾特有嘅咸香味，同埋慢慢係嘴入面散開嘅油脂香。火箭菜同樣大片，同腩肉相間鋪面，賣相討好。餅底喺自家製，外層烤得香脆，但又唔會過硬。火箭菜苦澀帶點回甘，岩岩好平衡番風乾腩肉較濃烈嘅味道同油膩感。睇落分量偏細，但食完又覺得幾飽肚。
香草忌廉蟹肉天使麵成個晚餐最鐘意嘅菜式，天使麵口感彈牙，軟硬度適中，較幼身嘅天使麵算係意利粉當中較難處理嘅麵種，特別欣賞餐廳係made to order，烹煮時間又適中，所以無煮成煮成稔爛嘅粉糊感，大大加分。兩顆原隻帶子大大粒放係面，好明顯係呢道菜嘅star，賣相都幾大堆頭。帶子味濃郁，鮮甜而且有質感，仲有一粒帶子切碎同天使麵混和，配麵嘅喺蟹肉忌廉汁。
法式焦糖燉蛋嫩滑嘅燉蛋配以香脆嘅焦糖，各走極端但又相當合襯。蛋同焦糖嘅香味令人回味。不過焦糖稍厚，如果薄身少少口感會更佳，呢方面似乎某間以焦糖燉蛋聞名嘅連鎖店稍勝一籌。
La Casa係意大利文意思喺家，呢到只係我作為過客嘅小小中途站，但美味嘅食物，同小店嘅人情味，就喺家嘅感覺 一 想家了。。。。。。
張貼
