辛安東元祖奶奶雞 (已結業)

屋企人成日都好抗拒食韓國野，覺得黎黎去去都係泡菜、人蔘雞、炒年糕、炸醬麵同烤肉，其實韓國🇰🇷仲有綠豆煎餅、糖餅、豬肉湯飯、蒸雞蛋都好好食，之前去安東仲試過當地嘅燉雞，即刻係香港搵黎食止下癮先！🌗辛安東芝士奶奶雞（半隻）$218安東燉雞其實最主要唔係食雞，而係青瓜🥒、紅蘿蔔🥕、薯仔🥔等配料，水晶粉更係重中之中，煙韌得黎沾滿醬汁！今次叫左中辣，第一啖入口真係有啲辣，不過因為有芝士🧀調和返，所以其實都容易入口；半隻其實係二人份量，加埋水晶粉完全唔洗怕會唔夠飽🤰🏻，唯一問題係因為叫得一道主食，所以味道較單一，建議同多啲朋友一齊黎，方便揀多幾款食物。🌖士多啤梨泡沫 $58清新涼快！有士多啤梨🍓味之餘奶味都重，味道唔會太甜，解辣之餘仲可以清一清口腔👍🏻。