影片
更多
2023-10-23
366 瀏覽
呢個食評教訓到自己兩件事....第一，現金一定要帶夠，因為有啲地方，現金仍有存在價值，尤其是呢啲只收現金既餐廳、酒家。第二，一個人唔應該叫太多嘢食，當然，呢次例外，皆因點心好吸引。八年無返過嚟香港，雖然 有啲嘢係變咗，但感情不變，始終香港係成長之地，亦都掛住香港一大堆美食。云云食過既餐廳入面，川龍呢間要介紹既茶樓最為深刻彩龍一直有聽聞其名，但要真係去果度飲茶係未去過，難得返嚟一次，今次點都要去試下。於是趁星期日一早，走去荃灣，搭51號巴士上山。平日既51，係無乜人會搭，但一到星期日，行山友眾，如心廣場上車可坐滿一架巴士。但去到荃灣站，基本上可以「打爆」（滿載）一架巴士，原本紅公司（九巴）有計劃星期日或假日改派雙層巴士行51，車都試埋，但只聞樓梯響。未幾，去到川龍，酒樓響巴士站旁。入面既姐姐待應好好人，因為第一次去，都幫我夾點心。一共叫咗九樣野食（其實一個人差啲食唔晒），當中有雞札同鵪鶉蛋燒賣，雞札響外國見唔到，以前 LA有一間港西係有整既，但後尾無，原因係工序復雜；需鵪鶉蛋燒賣係有既，只係味道差減截。個人覺得個豆腐花好正，畢竟有聽聞用川龍既山水去整。本來想要凍既，但姐姐推介熱食更有風
第一，現金一定要帶夠，因為有啲地方，現金仍有存在價值，尤其是呢啲只收現金既餐廳、酒家。
第二，一個人唔應該叫太多嘢食，當然，呢次例外，皆因點心好吸引。
八年無返過嚟香港，雖然 有啲嘢係變咗，但感情不變，始終香港係成長之地，亦都掛住香港一大堆美食。
云云食過既餐廳入面，川龍呢間要介紹既茶樓最為深刻
彩龍一直有聽聞其名，但要真係去果度飲茶係未去過，難得返嚟一次，今次點都要去試下。於是趁星期日一早，走去荃灣，搭51號巴士上山。
平日既51，係無乜人會搭，但一到星期日，行山友眾，如心廣場上車可坐滿一架巴士。但去到荃灣站，基本上可以「打爆」（滿載）一架巴士，原本紅公司（九巴）有計劃星期日或假日改派雙層巴士行51，車都試埋，但只聞樓梯響。
未幾，去到川龍，酒樓響巴士站旁。入面既姐姐待應好好人，因為第一次去，都幫我夾點心。
一共叫咗九樣野食（其實一個人差啲食唔晒），當中有雞札同鵪鶉蛋燒賣，雞札響外國見唔到，以前 LA有一間港西係有整既，但後尾無，原因係工序復雜；需鵪鶉蛋燒賣係有既，只係味道差減截。
個人覺得個豆腐花好正，畢竟有聽聞用川龍既山水去整。本來想要凍既，但姐姐推介熱食更有風味，不過覺得個豆腐花幾滑下，同出面分別好大。另外亦有試過西洋菜，好爽口。
當然，山竹牛肉、粉果同蝦餃都不可少..............
但食到一半，教訓就開始，身上只有$140，而叫咗咁多點心，應該超出Budget之外。
因為川龍係極之山旯旮地方，方圓十哩無銀行，而酒樓係只收現金。原本諗住食完之後先去暢錢（本身除咗呢$140之外，就只有美金)，但開始擔心既係，唔夠錢畀，可能要留響酒樓度「洗碗」還數呢啲情景。
但好彩既係，真心多謝一位好兄弟，山長水遠走上嚟救我。呢份情，一定要珍惜，因為若然無佢，真係唔知點算。
叫得太多點心，但印象最深係西洋菜同豆腐花
9 瀏覽
0 讚好
0 留言
題外話/補充資料：
餐茶一共283蚊，雖然貴，但相比起LA飲茶而言，仍然算抵食既。
儘管如此，下次再返嚟我會繼續上去幫襯。個豆腐花係好吸引到我，之不過，「經一事、長一智」，下次會帶多啲現金上去食。
(以上食評乃用戶個人意見 , 並不代表OpenRice之觀點。)
張貼
