新齋橋 (已結業)

新齋橋⭐️牛板腱肉定食去觀塘買嘢本身想食壽司郎，但係發現真係太多人啦，求其搵咗間一人燒肉店食過Quick Lunch 。叫咗個牛板腱肉定食，雖然Menu話得100 g，但係食落都有8片牛肉。$78呢個價錢嚟講都冇咩要求，牛板腱肉有肉味，切得唔會話好大塊，方便入口。醬汁有三款，個人比較鍾意食蒜蓉燒汁，個爐火力都幾充足，唔使燒一塊肉都燒好耐。餐廳都幾大，我見佢仲有d 放題或者午市套餐可以揀，價錢平而且選擇都算多。