Ben哥米線 (已結業)

今日同老公請假去學瑜伽， 自己一個食晚飯。店內裝修清雅， 特色牆有幾隻碟？？？想表達咩呢？！環境舒服， 有梳化位可以慢慢坐休息放鬆下。今晚唔使為左個囡食清湯，食左個比較特別的藥膳麻辣湯米線。坐下見到，均媽到台灣必食的鴨血做限量新配菜，加 $12得2片，但止口癮都點左。藥膳味唔重，而且麻辣味蓋過藥膳味， 純辣味重過麻痺感， 口感一般，不過可以去試一試。另外要試的就係佢的五穀米線：原味/ 蕎麥/玉米/黑米/高梁顏色無想像中豐富， 米線較幼身，味道調味不錯，芫茜香，肉碎較肥。下次試其他。