千賀水產の鮮鍋道場 (已結業)

由於封閉太耐，太多野想食，一次過乜都試曬吧，打bin爐、自助餐、放題！雖則早排疫情有緩和跡象，不過餐廳完全冇鬆懈，度體溫、噴洗手液都做足，出去攞野食都要戴好口罩頭盤嘅刺身係一次性嘅，按人頭畀分量，我地2人就呢個分量啦，好鍾意呢種蝦，啖啖肉架，如果可以encore就爽😂湯底我地揀黑蒜油豬骨湯，貪佢夠香，入面大大舊豬骨，畢竟有d耐冇食大餐，一食就想食濃d頭盤除咗刺身，仲有海鮮拼盤同埋靚牛，海鮮冇沙厚肉，比較高質，不過蠔就雪得比較實，要等溶冰先夾到上黎😂牛雪花紋都幾靚啊，肥瘦適中，淥一下就搞掂，牛嘅油脂味道好香架外面嘅食物種類都豐富，有點心、服務員手切牛扒、煎釀三寶、鴨胸、餃子、粉麵飯都有火鍋食物方面，雖然任叫嘅肉一定冇頭盤咁靚架啦，不過都水準正常啦！有一款我覺得好有特色，就係爆汁薑汁丸，味道非常香，入面個薑汁餡好有層次，薑汁同肉丸相得益彰，我真係第一次試，好正，我返叫咗好多總結：食物雖然唔係頂級，不過性價比好高架，乜都可以試下，一次過過足幾種口癮ps：因為疫情關係，枱與枱之間掛咗好多布阻隔，遮擋埋視線，所以服務員唔一定見到大家揮手，所以可能要多努力一點，不過可以體諒嘅，證明餐廳真係做足衛生