義順牛奶公司 (已結業)

食飽飽，心癢癢，所以和朋友結伴搵甜品食。原本飽飽地，唔想食咁漏既甜品，但搵唔到其他甜品舖，所以最後近近地去了義順。義順真係冇乜甜品選擇，全部都係同奶有關。結果叫左薑汁燉奶。幸好，不算好漏，份量亦不算多，都食得哂。個甜品叫做夠凍，亦算滑。不過，因為佢個品牌咁勁，又四圍都係分店，所以水準不算十分高，都係一般水平啫。服務就不錯，我地有個朋友怕熱，d服務員好熱情及客氣搵一個較涼的位置俾佢坐，雖則其實都係差唔多咁熱。而我地因為响度傾計，都坐左一陣，但d服務員好有禮貌，見我地杯茶飲完，都即時加俾我地，唔係趕客那種。