PHI Coffee & Pancake (尖沙咀中心)

營業中

休息中

❤️士多啤梨慕絲梳乎厘pancake 質地超級鬆軟，入口即化，又香蛋味，配埋香濃既士多啤梨醬酸酸甜甜，仲有新鮮士多啤梨，同埋最重要既香滑cream & 雪糕，層次豐富，好睇又好食🧡龍蝦汁蝦蟹肉扁意粉 扁意粉煮得煙韌有咬口，吸晒濃郁既龍蝦汁精華，加上豐富既蝦肉同蟹肉，味道更加鮮美細膩💛漢堡扒全日早餐 漢堡扒厚實多汁，煎得恰到好處，肉香十足，French Toast 又香又鬆軟，配埋牛油果+太陽蛋+煙肉+炒菇等多款配菜，超豐富!!💚冬日栗子咖啡 香濃既咖啡混合住柔滑既栗子cream，栗子香氣非常濃郁，甜而不膩，成個人都即刻暖笠笠💙抹茶鮮奶 抹茶香氣濃郁，奶香味十足，而且甜度啱啱好