影片
更多
2013-07-12
37 瀏覽
上個禮拜六，係我同女朋友拍拖七週年紀念日，事前已搜索咗幾間餐廳，最後選咗Gooday Cafe。無他，因為聽朋友介紹話宜間餐廳很浪漫，所以，一於喺我哋嘅Good Day 到Gooday啦！(希望唔好俾人話我爛gag啦… )講返間餐廳啦，裝修以白色為主色，俾我嘅感覺真係好似婚宴場地，再配上晚上柔和嘅燈光，一個字，「好靚」！一坐底，有禮嘅店員已為我哋奉上餐牌及花茶，跟住細心咁為我哋簡介佢哋嘅食物。最後叫咗兩個Set Dinner。洛神花包同粟米忌廉湯︰件包真係好有Surprise，中間嘅芝士同花肉好夾，之後忍唔住Encore咗兩件外賣。至於個湯，有好多粟米，好Creamy，連唔係好飲白湯嘅女友都飲哂。黑松露天使蛋︰外型靚，味道唔錯，個蛋黃應該調過味，女友唔食蛋黃，俾我食埋添。田園沙律拌蜜糖芥末醬︰菜新鮮，拌埋個辣辣哋嘅醬，都幾過癮。焦糖菠蘿︰新鮮菠蘿配上層脆脆焦糖，又係無得輸啦。忌廉三文魚汁海鮮扁意粉︰原本宜個係我點嘅，但女友見到個心型碗，就搶咗去食。個汁應該有芝士同檸檬汁，令忌廉汁食起嚟冇咁Heavy。啲蝦好大只，魷魚蘇好爽口，啲扁意粉幾有咬口。芝士蕃茄香茅猪頸肉焗飯︰估唔到，茄汁、香茅
講返間餐廳啦，裝修以白色為主色，俾我嘅感覺真係好似婚宴場地，再配上晚上柔和嘅燈光，一個字，「好靚」！一坐底，有禮嘅店員已為我哋奉上餐牌及花茶，跟住細心咁為我哋簡介佢哋嘅食物。最後叫咗兩個Set Dinner。
洛神花包同粟米忌廉湯︰件包真係好有Surprise，中間嘅芝士同花肉好夾，之後忍唔住Encore咗兩件外賣。至於個湯，有好多粟米，好Creamy，連唔係好飲白湯嘅女友都飲哂。
黑松露天使蛋︰外型靚，味道唔錯，個蛋黃應該調過味，女友唔食蛋黃，俾我食埋添。田園沙律拌蜜糖芥末醬︰菜新鮮，拌埋個辣辣哋嘅醬，都幾過癮。
焦糖菠蘿︰新鮮菠蘿配上層脆脆焦糖，又係無得輸啦。
忌廉三文魚汁海鮮扁意粉︰原本宜個係我點嘅，但女友見到個心型碗，就搶咗去食。個汁應該有芝士同檸檬汁，令忌廉汁食起嚟冇咁Heavy。啲蝦好大只，魷魚蘇好爽口，啲扁意粉幾有咬口。
芝士蕃茄香茅猪頸肉焗飯︰估唔到，茄汁、香茅、猪頸肉咁夾喎。店員好貼心地問我要唔要多飯，梗係要啦！但都俾我清哂！個人覺得成晚宜個最正！(不過女友話個包先係最正 )
柚子茶凍︰好清新，好重柚子味。
蘋果花伯爵紅茶︰伯爵茶一向都係女友嘅至愛，第一次試加埋蘋果花，正！仲可以無限添飲，我至少飲咗5杯，店員加茶都應該加到手軟！
馬卡龍小圓餅︰為咗慶祝同女朋友拍拖七週年，我訂位時問有冇蛋糕，不過店員推薦我要4粒馬卡龍小圓餅，就可以免費幫我寫朱古力字。女友見到勁Surprise，勁冧囉！
成餐飯食得好舒服，好正，一定有下次！成餐飯食得好舒服，好正，一定有下次！
張貼
