回到味來 (已結業)

放題就食得多啦，但係就無食過雞煲火鍋串燒放題。唔係朋友介紹都唔知原來有一間咁多嘢食嘅放題。我覺得同朋友去食飯最啱就係食放題啦，特別係人多嘅時候，都唔知點叫餸，食放題就正啦，自己想食咩就叫咩。首先就食咗雞煲先，我地就揀咗招牌惡魔雞煲，小辣。雞嘅分量好多，口感嫩滑，醬汁調味都唔錯，其實食一輪都夠啦，要留肚食火鍋同串燒。我地都好耐無食串燒啦，我地叫咗雞中翼，雞腎，五花腩，龍蝦丸，台灣腸，雞脾菇，燒得都唔錯，唔會太燶，味道就稍微鹹咗啲，都OK嘅。火鍋嘅湯底我地揀咗番茄，配料都係任加，都有成兩個雪櫃嘅配料，有各款丸類，蔬菜和麵類。我就係咁食蟹柳，蟹柳同番茄湯底好夾！飲品都算齊全，汽水同韓國飲品都有齊。作為放題嚟講，叫嘅嘢都嚟得齊，火鍋配料會refill，咁就已經合格！加上味道也不錯，食物選擇多，我地都覺得呢間放題確係唔錯，價錢都OK，每人$188。