樂園魚旦專家 (上水中心)

$39嘅五香牛腩麵，啲牛腩又「鞋」又難咬，味道又唔夠，完全食唔倒五香味囉；
再叫$37嘅招牌魚蛋河，啲魚蛋唔彈牙亦唔爽口，又係乜味都無，唔通咁就係佢哋主打招牌？！
另外加$13叫咗個郊外油菜，蠔油菜心⋯⋯啲菜好似未煮熟咁，硬到咩咁⋯⋯
餐飲叫咗杯凍檸茶，點知個茶底⋯⋯又苦又澀，咁嘅水吧真係「無敵」。
唯一食得吓嘅係雲吞，食到有蝦，有味道嘅。
真係好耐都未食過質素咁差嘅潮州粉麵，而且仲係全上水最難食最不知所謂嘅潮州粉麵。