鋿晶館

營業中

休息中

高質平價的酒樓買少見少，呢間之前有朋友介紹過，今日心血來潮，黎咗上環分店飲早茶。 呢度嘅點心大部分都係即叫即整，平日有分早茶同下午茶時段，仲有不同嘅特價優惠組合，想當經濟實惠。我地點咗兩份”晨早孖寶” 加藥膳鳳爪同黑松露燒賣2人份，埋單$150有找，超抵食。 蜂巢脆芋角新鮮熱辣上台，外層好鬆化，足料內餡有香菇豬肉，口感豐富，會令人食唔停口。 鮮淮山藥膳鳳爪 藥膳湯用上鮮淮山、黨參、圓肉、杞子等材料前一晚開始烹調，雞腳好入味軟冧，湯頭香濃唔油膩。 鮮竹牛肉球 加咗好多葱同芫茜嘅彈牙牛肉球，味道層次更豐富。 黑松露燒賣皇 份量不算特別大，以豬肉配上鮮蝦嘅QQ燒賣，加上少許黑松露點綴，特別鮮味。 鳳爪排骨飯 小小1碗的盅頭飯，飯粒軟硬適中，鳳爪排骨好入味同軟嫩。 新疆紅棗糕 自家製紅棗糕，用上新疆一等大紅棗製成，入口啖啖清香棗味，唔太甜，值得一試。