細蓉記 (已結業)

尋晚晚餐食左好多野，今朝都仲有飽既感覺，所以今日午餐想食清少少。上環既粥店唔多，多人排隊o個間粥品唔錯，但坐得唔太舒服，o係openrice搵幾搵發現呢間//細蓉記//原來每日都有是日粥，就試下佢。是日靚粥係香芋紫米粥，聽落好似係甜品，但其實係咸既。粥底好綿，配料有咸肉、紫米，同埋幾粒食落似荔芋既芋頭粒。我鐘意佢上檯o個刻既溫度岩岩好，唔會過熱要等好耐先有得食。$22黎講絕對收貨。擔心唔夠飽所以叫埋一籠馬拉糕，相信係即叫即蒸，大約等左15-20分鐘先到。黑糖味香，唔會太甜，夠鬆軟，幾好味。我勉強食得哂兩樣野，係好飽既lunch。lunch都幾多人，服務就普普通通啦，叫左幾次先有人幫手落單，但呢個價錢唔可以要求太多。