影片
更多
2011-07-07
52 瀏覽
今日係老公嘅生日, 我哋一家三口出咗去荃灣食飯慶祝. 之前上openrice見呢間新開嘅雞煲火鍋唔錯, 就決定嚟呢度試下. 去到門口個阿姐熱烈推介用雞煲嚟打邊爐, 見佢門口張poster寫住小辣, 中辣, 大辣, 我問佢雞煲可唔可以唔辣, 因為百厭仔食唔到辣. 佢話可以走辣, 跟住帶我哋坐卡位, 好闊好舒服.我哋order咗半隻雞煲走辣 $98.00--味道真係唔錯, 啲雞係好入味, 但走辣都係有少少辣, 百厭仔唔肯食, 要問阿姐攞杯熱水沖淡啲辣味, 佢才肯食少少.到啲雞食得七七八八, 阿姐就同我哋加湯做火鍋, 但原來加完湯果煲汁係勁油, 再渌啲肥牛, 腐皮卷落去就油上加油, 無論點加湯落去都一樣.講下啲火鍋生料先:-- 腐皮卷 $28.00--唔錯! 鮮滑牛 $25.00--有牛味, 但比較韌. 手打墨魚滑拼蝦滑 $65.00--超正, 好彈牙, 好爽口! 雪花肥牛 $50.00--個樣就麻麻地, 有黑邊. 但食落唔太肥, ok啦! 日本烏冬 $18.00--唔係普通嘢, 烏冬夠煙韌 彈牙, 正!!埋單$284 再加一小賬 共$313.00總括嚟講, 食物質數係唔錯, 但用雞煲嚟打
去到門口個阿姐熱烈推介用雞煲嚟打邊爐, 見佢門口張poster寫住小辣, 中辣, 大辣, 我問佢雞煲可唔可以唔辣, 因為百厭仔食唔到辣. 佢話可以走辣, 跟住帶我哋坐卡位, 好闊好舒服.
我哋order咗半隻雞煲走辣 $98.00--味道真係唔錯, 啲雞係好入味, 但走辣都係有少少辣, 百厭仔唔肯食, 要問阿姐攞杯熱水沖淡啲辣味, 佢才肯食少少.
到啲雞食得七七八八, 阿姐就同我哋加湯做火鍋, 但原來加完湯果煲汁係勁油, 再渌啲肥牛, 腐皮卷落去就油上加油, 無論點加湯落去都一樣.
講下啲火鍋生料先:--
腐皮卷 $28.00--唔錯!
鮮滑牛 $25.00--有牛味, 但比較韌.
手打墨魚滑拼蝦滑 $65.00--超正, 好彈牙, 好爽口!
雪花肥牛 $50.00--個樣就麻麻地, 有黑邊. 但食落唔太肥, ok啦!
日本烏冬 $18.00--唔係普通嘢, 烏冬夠煙韌 彈牙, 正!!
埋單$284 再加一小賬 共$313.00總括嚟講, 食物質數係唔錯, 但用雞煲嚟打邊爐就真係超油, 個人認為雞煲當小菜食係一流, 而火鍋生料配其他火鍋湯底會好正, 所以如果下次有機會再嚟, 一定會分開雞煲同火鍋生料嚟食,
而阿姐啲服務真係好好, 不時同我哋攪下個煲免"痴底", 又會主動同我哋加湯換碟.
後記: 我哋出開嚟荃灣, 就當然會去荃新天地行下啦, 可能今餐食得真係太油膩, 我哋就輪流喺荃新天地搵廁所, 好在荃新天地多廁所啫
張貼
