TC2 (Tea Coffee Two) (已結業)

由旺角搬到太子，一直不定期會忍唔住幫襯。除左想支持下用心經營嘅小店外，食物質素都覺得相當唔錯，仲有老闆嘅政治立場，愛本土態度，亦令我忍唔住俾個like!老實講，唔係次次黎嘅食物都會好好味，但絕不是差到無回頭。最近週末去都見滿座，而且出現人手荒，但食物質素反而無下降，仲進步左添！岩食左個晚餐，煙肉薯仔忌廉湯，料多味美，非常creamy! 煙鴨胸沙律，麵包糠焗雞扒配薯角，絕對值回票價。最後再加上香濃嘅榛子咖啡，真係太滿足了！