稻香 (新九龍廣場) (已結業)

紅日朋友結婚，一班兄弟姊妹中午去咗稻香飲茶，依間嚟過幾次啦✌🏻 不過好似質素好咗好多，服務都好咗👍🏻👍🏻我地一到，唔係太多人，有啲驚訝！唔洗等位好好，去左偏廳，好大下，都幾靜，啱哂我好怕嘈既屋企人🤣 因為我地好多人，所以叫左套餐食～ 碟碟都好大碟，而且有質素，本身印象覺得稻香麻麻地，依加好咗好多，可能我太耐冇黎，馬拉糕細細件好好味，我平時唔食馬拉糕的，燒賣最好食，真係啖啖肉，蝦又大，原隻食👍🏻👍🏻 足料，蒸得幾好 其他都不過不失，係環境唔錯，幾寬闊，好啱一大班人👏🏻👏🏻